ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយគោលនយោបាយ និងផែនការអភិវឌ្ឍន៍វិស័យកសិកម្មជូនអង្គការមិនមែនរដ្ឋាភិបាល

ចេញ​ផ្សាយ​ ០៦ មីនា ២០១៩ 114

នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង០៩:០០ព្រឹក ថ្ងៃពុធ ១កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៦ ខែមីនា ឆ្នាំ២០១៩ ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយគោលនយោបាយ និងផែនការអភិវឌ្ឍន៍វិស័យកសិកម្មជូនអង្គការមិនមែនរដ្ឋាភិបាល (NGO) ក្នុងក្របខ័ណ្ឌវិស័យកសិកម្មចំនួនជាង ៤០ ក្នុងនោះ ២៣ ជាអង្គការ NGO ក្នុងស្រុក និង ១៧ ទៀតជាអង្គការ NGO ក្រៅប្រទេស។ វិធីនេះក៏មានការអញ្ជើញចូលរួមផងដែរពីសំណាក់ឯកឧត្តមថ្នាក់ដឹកនាំក្រសួង ឯកឧត្តម លោកជំទាវ លោក លោកស្រី នាងកញ្ញា និងតំណាងអង្គការមិនមែនរដ្ឋាភិបាលនានាដែលកំពុងបំពេញភារកិច្ចនៅទូទាំងផ្ទៃប្រទេសពាក់ព័ន្ធនឹងវិស័យនេះ។ សិក្ខាសាលានេះមានគោលបំណងធំៗចំនួន០៣ គឺទី១. លើកកម្ពស់កិច្ចសហប្រតិបត្តិការរវាងក្រសួងកសិកម្ម រុក្ខាប្រមាញ់ និងនេសាទ ជាមួយអង្គការ NGO ដែលកំពុងបំពេញភារកិច្ចពាក់ព័ន្ធនឹងវិស័យកសិកម្ម ទី២. បង្កើតឱកាសឲ្យភាគីទាំងពីរបានជួបប្រាស្រ័យទាក់ទង សន្ទនាគ្នា បង្កើនភាតរភាពស្និទ្ធស្នាល សាមគ្គី គោរព និងយោគយល់គ្នាល្អប្រសើរ រួចរួមគ្នាបន្តបម្រើនិងការពារនូវឧត្តមប្រយោជន៍ជាតិ សង្គម និងប្រជាជនកម្ពុជាយ៉ាងពិតប្រាកដ ទី៣. រួមគ្នាកំណត់នូវបញ្ហាប្រឈមនានា ពិនិត្យមើលឡើងវិញអំពីចំណុចខ្លាំង ចំណុចខ្សោយ ឧបសគ្គ រួចលើកទិសដៅសម្រាប់ជាចក្ខុវិស័យអនុវត្តបន្តឲ្យកាន់តែមានសកម្មភាពទ្វេឡើង ទូលំទូលាយ និងមានប្រសិទ្ធភាពខ្ពស់ ឆ្លើយតបទៅនឹងតម្រូវការពិតប្រាកដរបស់ប្រជាជន ផែនការ និងកម្មវិធីអភិវឌ្ឍន៍ជាតិ ពិសេសផែនការយុទ្ធសាស្រ្តអភិវឌ្ឍន៍វិស័យកសិកម្ម ផែនការយុទ្ធសាស្រ្តអភិវឌ្ឍន៍ជាតិ និងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាល។

ឆ្លៀតក្នុងឱកាសនេះ ក្នុងនាមរាជរដ្ឋាភិបាលកម្ពុជា និងក្រសួង ឯកឧត្តមរដ្ឋមន្ត្រីបានថ្លែងអំណរគុណ និងវាយតម្លៃជាវិជ្ជមានចំពោះគ្រប់បណ្តាអង្គការ NGO ទាំងអស់ដែលមានសមានចិត្ត និងសុឆន្ទៈក្នុងការជួយឧបត្ថម្ភគាំទ្រដល់ដំណើរការកសាង និងអភិវឌ្ឍន៍ប្រទេសកម្ពុជាក្នុងគ្រប់កាលៈទេសៈចាប់តាំងពីក្រោយថ្ងៃរំដោះ ៧មករា កម្ពុជាគឺជាប្រទេសអសន្តិសុខស្បៀង និងអសន្តិសុខសង្គម រហូតទទួលបាននូវសុខសន្តិភាពពេញលេញ និងក្លាយជាប្រទេសផលិតស្បៀងសម្រាប់នាំចេញ និងទទួលបានកំណើនសេដ្ឋកិច្ច ៧% ហើយប្រាកដណាស់ថាសមិទ្ធផលទាំងអស់នេះពិតជាបានមកដោយសារការខិតខំប្រឹងប្រែង និងសហការគ្នាល្អពីគ្រប់ភាគីពាក់ព័ន្ធ។ ដើម្បីរក្សាសមិទ្ធផលទាំងអស់នេះឲ្យមានចីរភាព និងនិរន្តរភាព ក្រសួងប្ដេជ្ញាបន្តសហការយ៉ាងជិតស្និទ្ធ និងស្វាគមន៍នូវកិច្ចសហប្រតិបត្តិការជាមួយអង្គការ NGO ទាំងអស់ដែលប្រតិបត្តិដោយសុឆន្ទៈ និងឈរលើឧត្តមគតិបម្រើប្រយោជន៍ជាតិ និងប្រជាជនជាធំ។ សិក្ខាសាលានេះ ក៏ពិតថាជាការជួបជុំលើកទី១ ប៉ុន្តែឯកឧត្តមរដ្ឋមន្រ្តីសង្ឃឹមថាវាប្រាកដជានឹងរួមចំណែកលើកកម្ពស់ និងពង្រឹងកិច្ចសហប្រតិបត្តិការរួមគ្នា បង្កើនភាពស្និទ្ធស្នាល កំណត់នូវបញ្ហាប្រឈមនានា ពិនិត្យមើលឡើងវិញអំពីចំណុចខ្លាំង ចំណុចខ្សោយ លើកទិសដៅអនុវត្តច្បាស់លាស់ សម្រាប់ជាចក្ខុវិស័យអនុវត្តបន្តឲ្យកាន់តែមានសកម្មភាពទ្វេរឡើង ទូលំទូលាយ និងមានប្រសិទ្ធភាពខ្ពស់ ។ នេះជាឱកាសមួយដែលយើងអាចពិភាក្សាផ្លាស់ប្តូរយោបល់គ្នាអំពីការចូលរួមចំណែករបស់អង្គការ NGO ដែលជាដៃគូអភិវឌ្ឍន៍សង្គម សេដ្ឋកិច្ចជាតិ ក៏ដូចជាការប្រើប្រាស់មូលនិធិឱ្យបានចំទិសដៅ មានប្រសិទ្ធភាពខ្ពស់ ឆ្លើយតបទៅនឹងតម្រូវការពិតប្រាកដរបស់ប្រជាជន។

ក្នុងគោលដៅបង្កើនកិច្ចសហប្រតិបត្តិការរវាងក្រសួងជាមួយអង្គការ NGO ដើម្បីជំរុញការអភិវឌ្ឍវិស័យកសិកម្មរក្សាកំណើនសេដ្ឋកិច្ច កំណើនចំណូលគ្រួសារ ធានាបាននូវសន្តិសុខស្បៀង បង្កើនសមត្ថភាពប្រកួតប្រជែងទីផ្សារ ទទួលយកបច្ចេកវិទ្យាទំនើបមកអនុវត្ត ការប្រែប្រួលអាកាសធាតុ ដើរឲ្យទាន់បរិបទសមាហរណកម្មសេដ្ឋកិច្ចអាស៊ាន និងសាកលភាវូបនីយកម្ម ឯកឧត្តមរដ្ឋមន្រ្តីបានផ្តល់នូវគំនិតថ្មីៗបន្ថែមទៀតជូនថ្នាក់ដឹកនាំនិងមន្រ្តីគ្រប់លំដាប់ថ្នាក់ ព្រមទាំងអង្គការ NGO ពាក់ព័ន្ធទាំងអស់សម្រាប់ជាមូលដ្ឋានយកទៅអនុវត្តបន្ត ដែលមានខ្លឹមសារដូចតទៅ៖ ទី១. គ្រប់ភាគីពាក់ព័ន្ធត្រូវបន្តខិតខំបង្កើនកិច្ចសហប្រតិបត្តិការក្នុងការអភិវឌ្ឍវិស័យកសិកម្ម ដើម្បីសម្រេចនូវគោលដៅនៃការកែទម្រង់វិស័យកសិកម្ម ពិសេសការធ្វើទំនើបកម្មកសិកម្ម។ ទី២. អង្គការ NGO គួរយកចិត្តទុកដាក់ជួយពង្រឹងសមត្ថភាពសហគមន៍កសិកម្មឲ្យមានលក្ខណៈជាកសិធុរកិច្ច និងអនុវត្តផលិតកម្មកសិកម្មតាមកិច្ចសន្យាឲ្យមានប្រសិទ្ធភាពខ្ពស់។ ទី៣. ត្រូវខិតខំរួមគ្នាដើម្បីជំរុញការធ្វើពិពិធកម្មកសិកម្ម បង្កើនតម្លៃបន្ថែមខ្ពស់ និងមានសក្តានុពលលើផលិតកម្មដំណាំ ការចឹញ្ចឹមសត្វ និងវារីវប្បកម្ម។ ជាមួយគ្នានេះ អង្គការ NGO ត្រូវខិតខំបន្តការបណ្តុះបណ្តាលនិងផ្សព្វផ្សាយបចេ្ចកវិទ្យាដំណាំកសិកម្ម។ ទី៤. ពង្រឹងការអនុវត្តច្បាប់ និងលិខិតបទដ្ឋានគតិយុត្តក្រោមច្បាប់ប្រកបដោយតម្លាភាព គណនេយ្យភាព សុច្ចរិតភាព និងការទទួលខុសត្រូវខ្ពស់ចំពោះមុខច្បាប់ដើម្បីពង្រឹងកិច្ចសហប្រតិបត្តិការ បង្កើនប្រសិទ្ធភាពការងារ យោគយល់ សាមគ្គីភាពឲ្យបានល្អប្រសើរ ប្រកបដោយភាពសុខដុម។ ទី៥. សូមឲ្យអង្គការ NGO បន្តសហការអនុវត្តខ្លឹមសារអនុស្សរណៈយោគយល់គ្នាឲ្យបានខ្ជាប់ខ្ជួន ពេលលេញ និងមានប្រសិទ្ធភាព និងសូមជៀសវាងជាដាច់ខាតនូវសកម្មភាពទាំងឡាយណាដែលអាចជាប់ពាក់ព័ន្ធការធ្វើនយោបាយ ការគាំទ្រដល់ការលាងសម្អាតប្រាក់ ហិរញ្ញប្បទានភេរវកម្មជាដើម។

សូមបញ្ជាក់ជូនថាតាមរបៀបវារៈ សិក្ខាសាលានេះ ក៏មានការធ្វើបទបង្ហាញដែលមានប្រធានបទជាច្រើនទាក់ទងនឹងការអភិវឌ្ឍវិស័យកសិកម្មដោយមន្រ្តីជំនាញ និងតំណាងអង្គការ NGO និងកិច្ចពិភាក្សា សំណួរ ចំលើយយ៉ាងផុលផុសប្រកបដោយសាមគ្គីភាព ភាពទទួលខុសត្រូវ និងសហប្រតិបត្តិការ។

ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងសហការីបានចុះពិនិត្យពីស្ថានភាពដំណើរការនៃខ្សែច្រវាក់ផលិតកម្មដំណាំស្វាយ
ជាការឆ្លើយតបទៅនឹងកិច្ចប្រជុំកាលពីថ្ងៃទី១៣ ខែមិថុនា ឆ្នាំ២០១៩ រវាងក្រសួងកសិកម្ម...
ឯកឧត្តមរដ្ឋមន្ត្រី វេង សាខុន បានទទួលជួបក្រុមការងារស្រាវជ្រាវនៃអង្គភាពគ្រប់គ្រងគម្រោងដើម្បីគាំទ្រការវិនិយោគវិស័យកសិកម្ម ក្នុងក្របខ័ណ្ឌ ASPIRE នៃឧត្តមក្រុមប្រឹក...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃព្រហស្បតិ៍ ០៣រោច...
ពិធីប្រកាសចូលកាន់តំណែងមន្ត្រីរាជការ និងប្រគល់វិញ្ញាបនបត្របញ្ជាក់ការសិក្សាស្តីពី "ការគ្រប់គ្រង និងភាពជាអ្នក ដឹកនាំ" ជូនមន្ត្រីរាជការ ក្រោមអធិបតីភាពភាពឯកឧត្តមរដ្ឋមន្ត្រី...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃពុធ ១០កើត ខែជេស្ឋ...
ឯកឧត្តមរដ្ឋមន្ត្រី ឯកឧត្តមអភិបាលខេត្ត និងសហការី បានបន្តដំណើរមកឃុំបឹងរវា ស្រុកសន្ទុក មកមើលកសិដ្ឋានចិញ្ចឹមត្រីទី២ របស់លោក អ៊ីវ វណ្ណា
ចេញពីក្រុងស្ទឹងសែន ឯកឧត្តមរដ្ឋមន្ត្រី ឯកឧត្តមអភិបាលខេត្ត និងសហការី បានបន្តដំណើរមកឃុំបឹងរវា...
ឯកឧត្តមរដ្ឋមន្រ្តី និងសហការីមកកាន់ទិសពាយព្យនៃប្រទេសដើម្បីចុះមកតាមដានសកម្មភាពការងាររបស់មន្ទីរ ពិនិត្យ និង វាយតម្លៃលើវឌ្ឍនភាពគម្រោងនានារបស់អង្គការ និងដៃគូអភិវឌ្ឍដែលសហការអនុវត្តជាមួយក្រសួងនៅខេត្តឧត្តមានជ័យ...
ថ្ងៃនេះ គឺជាថ្ងៃទី៣ នៃដំណើរបេសកកម្មរយ:ពេល ០៣ថ្ងៃរបស់ឯកឧត្តមរដ្ឋមន្រ្តី...
ឯកឧត្តមរដ្ឋមន្រ្តី វេង សាខុន បានអញ្ជើញចុះពិនិត្យសសមិទ្ធផលគម្រោងស្តីពីការអភិវឌ្ឍន៍ និងពង្រីកការដាំដំណាំជាលក្ខណ: អាជីវកម្ម "ស៊ី អេ ឌី អេហ្វ កូដ"
នៅព្រឹកថ្ងៃអាទិត្យ ១៤កើត ខែជេស្ឋ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៦...
ឯកឧត្តមរដ្ឋមន្ត្រី និងសហការីបានបន្តដំណើរមកកាន់ខេត្តសៀមរាប ដើម្បីចុះមកពិនិត្យស្ថានីយស្រាវជ្រាវ និងស្តារព្រៃឈើឃុនរាប
នៅរសៀលថ្ងៃដដែល ចេញពីខេត្តឧត្តមានជ័យ ឯកឧត្តមរដ្ឋមន្ត្រី និងសហការីបានបន្តដំណើរមកកាន់ខេត្តសៀមរាប...
ឯកឧត្តមរដ្ឋមន្ត្រី និងសហការីបានបន្តមក ពិនិត្យស្ថានីយពិសោធន៍ស្រាវជ្រាវកសិកម្មកូនគ្រៀល
នៅព្រឹកថ្ងៃដដែល ចេញពីទីតាំងរៀបចំទិវាមច្ឆជាតិ ឯកឧត្តមរដ្ឋមន្ត្រី និងសហការីបានបន្តមក...
ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងសហការី បានអញ្ជើញចុះពិនិត្យទីតាំងត្រៀមរៀបចំទិវាមច្ឆជាតិដែលឆ្នាំនេះ
នៅព្រឹកថ្ងៃសៅរ៍ ១៣កើត ខែជេស្ឋ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៥ ខែឧសភា...
ឯកឧត្តមរដ្ឋមន្ត្រីបានអនុញ្ញាតឲ្យ ឯកឧត្តម Hu Wei អនុរដ្ឋមន្ត្រី នៃអគ្គរដ្ឋាបាលគយ សាធារណរដ្ឋប្រជាមានិតចិន និងសហការី ចូលជួបសម្តែងការគួរសម និងពិភាក្សាការងារ
នៅសាលប្រជុំផ្ការមៀត នៃអគារផ្ការំដួល ទីស្តីការក្រសួងកសិកម្ម រុក្ខាប្រមាញ់...
ឯកឧត្តមរដ្ឋមន្ត្រី វេង សាខុន បានទទួលជួបឯកឧត្តម Tahamoana Macpherson ឯកអគ្គរដ្ឋទូតនៃប្រទេសញ៉ូវេលហ្សេឡង់ប្រចាំព្រះរាជាណាចក្រកម្ពុជា ព្រះរាជាណាចក្រថៃ និងសាធារណរដ្ឋប្រជាធិបតេយ្យប្រជាមានិតឡាវ...
នៅទីស្ដីការក្រសួងកសិកម្ម រុក្ខាប្រមាញ់ និងនេសាទ នាវេលាម៉ោង ០៩:៣០ នាទីព្រឹក...
ឯកឧត្តមរដ្ឋមន្ត្រី វេង សាខុន បានដឹកនាំកិច្ចប្រជុំអចិន្ត្រៃយ៍
នៅសាលប្រជុំផ្ការមៀត នៃទីស្តីការក្រសួងកសិកម្ម រុក្ខាប្រមាញ់ និងនេសាទ នាវេលាម៉ោង១៥:០០...
ឯកឧត្តមរដ្ឋមន្ត្រី វេង សាខុន បានទទួលជួបលោក Nathan M. Belete នាយកប្រតិបត្តិនៃធនាគារពិភព ប្រចាំតំបន់អាស៊ី បូព៌ា និងសហការី ដើម្បីសម្តែងការគួរសម
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាវេលោម៉ោង ១០:៣០ ព្រឹកថ្ងៃព្រហស្បតិ៍...
ឯកឧត្តមរដ្ឋមន្ត្រី វេង សាខុន បានទទួលជួបលោក David Kaatrud នាយកអង្គការ កម្មវិធីស្បៀងអាហារពិភពលោក (World Food Program) ដើម្បីសម្តែងការគួរសម និងពិភាក្សាការងារ
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាវេលោម៉ោង ១៦:០០ រសៀលថ្ងៃព្រហស្បតិ៍...
ឯកឧត្តមរដ្ឋមន្ត្រី វេង សាខុន បានទទួលជួប Mr. Matthew Stephenson ប្រធានផ្នែកគោលនយោបាយ និងសហគមន៍លើពាណិជ្ជកម្ម និងវិនិយោគអន្តរជាតិនៃវេទិកាសេដ្ឋកិច្ចពិភពលោក និងសហការីដើម្បីសម្តែងការគួរសម...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃពុធ ១១រោច ខែពិសាខ...