ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីបើកការការពារសារណាថ្នាក់បរិញ្ញាវិទ្យាសាស្រ្តកសិកម្ម ឆ្នាំ២០១៨-២០១៩

ចេញ​ផ្សាយ​ ២៦ កក្កដា ២០១៩ 2908

នៅសាលាជាតិកសិកម្មព្រែកលៀប នាព្រឹកថ្ងៃព្រហស្បតិ៍ ០៩រោច ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៥ ខែកក្កដា ឆ្នាំ២០១៩ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីបើកការការពារសារណាថ្នាក់បរិញ្ញាវិទ្យាសាស្រ្តកសិកម្ម ឆ្នាំ២០១៨-២០១៩ ហើយក្នុងពិធីនេះ ក៏មានការអញ្ជើញចូលរួមពីសំណាក់ឯកឧត្តម លោក លោកស្រី មន្ត្រីរាជការ និងនិស្សិតយ៉ាងច្រើនកុះករផងដែរ។

លោកបណ្ឌិត ធន់ វឌ្ឍនា នាយកសាលាជាតិកសិកម្មព្រែកលៀប បានរាយការណ៍ជូនអង្គពិធីជ្រាបថា បច្ចុប្បន្នសាលាមាននិស្សិតកំពុងសិក្សាចំនួន ៩៩៣នាក់ បែងចែកជា ០៩ជំនាញរួមមាន÷ ជំនាញវិទ្យាសាស្ត្រកសិកម្ម វិទ្យាសាស្ត្រនិងវេជ្ជសាស្ត្រសត្វ ព្រៃឈើ ជលផល សាកវប្បកម្ម ផ្សព្វផ្សាយនិងអភិវឌ្ឍន៍ជនបទ សេដ្ឋកិច្ចកសិកម្ម កសិឧស្សាហកម្ម សុរិយោដីនិងវិស្វកម្មកសិកម្ម។ មានសាស្រ្តាចារ្យ លោកគ្រូ អ្នកគ្រូ និងមន្ត្រីរាជការចំនួន ១៥០នាក់។ បច្ចុប្បន្នសាលាបានធ្វើសហប្រតិបត្តិការជាមួយសាកលវិទ្យាល័យនានាមួយចំនួននៅលើពិភពលោកក្នុងគោលបំណងធ្វើការបណ្តុះបណ្តាល សិក្សាស្រាវជ្រាវ ផ្លាស់ប្តូរសាស្រ្តាចារ្យ លោកគ្រូ អ្នកគ្រូ និងនិស្សិតដើម្បីបង្កើនសមត្ថភាពធនធានមនុស្សសម្រាប់ការ អប់រំ បណ្តុះបណ្តាលនៅទីនេះឲ្យកាន់តែល្អប្រសើរជាលំដាន់ស្របតាមការវិវឌ្ឍន៍រីកចម្រើនទាំងផ្នែកសេដ្ឋកិច្ច សង្គម វិទ្យាសាស្ត្រ និងបច្ចេកទេសទាំងក្នុងតំបន់ និងនៅលើពិភពលោក។ ពាក់ព័ន្ធនឹងពិធីនាព្រឹកនេះ មាននិស្សិតសរុបចំនួន ១៧៥នាក់ ដែលត្រូវធ្វើការការពារសារណាថ្នាក់បរិញ្ញាវិទ្យាសាស្ត្រកសិកម្មសម្រាប់ឆ្នាំ ២០១៨-២០១៩។

ជាកិច្ចចាប់ផ្តើម ឯកឧត្តមរដ្ឋមន្ត្រី បានធ្វើការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ សាស្រ្តាចារ្យ លោកគ្រូ អ្នកគ្រូ និងមន្ត្រីរាជការទាំងអស់ដែលបានលះបង់គ្រប់បែបយ៉ាងក្នុងស្មារតីយកចិត្តទុកដាក់ ទទួលខុសត្រូវចំពោះកាតព្វកិច្ចចំបងរបស់ខ្លួនក្នុងការអប់រំ បណ្តុះបណ្តាលទាំងចំណេះដឹង ចំណេះធ្វើ សីលធម៌ សុជីវធម៌ដល់និស្សិត ក្នុងបំណងជួយលើកតម្កើនសមត្ថភាពធនធានមនុស្ស ក្នុងវិស័យកសិកម្មដើម្បីឲ្យពួកគេចូលរួមអភិវឌ្ឍន៍វិស័យនេះបន្ទាប់ពីបញ្ចប់ការសិក្សា។ លោកក៏បានថ្លែងអំណរគុណជូនចំពោះគ្រប់ភាគីពាក់ព័ន្ធទាំងអស់ទាំងថ្នាក់ជាតិ និងអន្តរជាតិដែលបានជួយជ្រោមជ្រែង ឧបត្ថម្ភគាំទ្រ និងផ្តល់កិច្ចសហប្រតិបត្តិការបានយ៉ាងល្អ ធ្វើឲ្យសាលាសម្រេចបានសមិទ្ធិផលជាច្រើនមកដល់ពេលនេះ។ លោកបានបន្តថា ការបណ្តុះបណ្តាលធនធានមនុស្សក្នុងវិស័យកសិកម្មមិនអាចឈប់ទ្រឹងបានទេ ផ្ទុយទៅវិញត្រូវតែបន្តដំំណើរទៅមុខប្រកបដោយភាពចរឹងមាំ ច្បាស់លាស់ ក្នុងទិសដៅតែមួយគឺចូលរួមអនុវត្តគោលនយោបាយចតុកោណតំណាក់កាលទី៤ របស់រាជរដ្ឋាភិបាល និងអនុវត្តគោលនយោបាយអភិវឌ្ឍវិស័យកសិកម្មឲ្យមានការរីកចម្រើនប្រកបដោយចីរភាព និងនិរន្តរភាព។ ដូច្នេះ ឯកឧត្តមរដ្ឋមន្ត្រីបានផ្តល់អនុសាសន៍សំខាន់ៗមួយចំនួនដល់មន្រ្តីរាជការ សាស្រ្តាចារ្យ លោកគ្រូ អ្នកគ្រូ មន្ត្រី និងនិសិ្សតទាំងអស់សម្រាប់ជាទិសដៅអនុវត្តបន្តដូចតទៅ៖

ទី១- គណៈកម្មការរដ្ឋ និងក្មួយៗនិស្សិត ត្រូវយកចិត្តទុកដាក់លើទម្រង់សរសេរ លទ្ធផលស្រាវជ្រាវ និងការបកស្រាយខ្លឹមសារ ដែលអាចយកជាឯកសារផ្លូវការបានទាំងបច្ចេកទេស និងវិទ្យាសាស្រ្ត និងជាពិសេសអាចដោះស្រាយបញ្ហាប្រឈមកើតចេញពីការវិវឌ្ឍនៃប្រទេសជាតិក្នុងកម្រិតមួយដែលកើតឡើងក្នុងវិស័យកសិកម្មនាពេលបច្ចុប្បន្ន។

ទី២- និស្សិតដែលត្រូវឡើងការពារសារណានាពេលនេះត្រូវបង្ហាញនូវសមត្ថភាព និងចំណេះដឹងឲ្យអស់លទ្ធភាពដើម្បីធ្វើការវាស់ស្ទង់ចំណេះដឹងផ្នែកទ្រឹស្តី និងការអនុវត្តជាក់ស្តែងតាមរយៈលទ្ធផលស្រាវជ្រាវអស់រយៈពេល៦ខែ ស្របតាមយុទ្ធសាស្ត្រអភិវឌ្ឍន៍វិស័យកសិកម្មរបស់ក្រសួង គឺទំនើបកម្មកសិកម្ម និងយន្តុពាណិជ្ជកម្មកសិកម្ម។

ទី៣- សមាជិក សមាជិកានៃគណៈកម្មការរដ្ឋទាំងអស់ត្រូវយកចិត្តទុកដាក់ក្នុងការត្រួតពិនិត្យ វាយតម្លៃ ផ្តល់ពិន្ទុឲ្យបានសុក្រឹត្យប្រកបដោយតម្លាភាព និងសច្ចភាព។

ទី៤- លើកទឹកចិត្តដល់ក្មួយៗនិស្សិតគ្រប់រូប ត្រូវបន្តយកចិត្តទុកដាក់ខ្ពស់ក្នុងការសិក្សាស្រាវជ្រាវ បង្កើនសមត្ថភាពទាំងចំណេះដឹង និងចំណេះធ្វើ ដើម្បីចូលរួមចំណែកអភិវឌ្ឍន៍វិស័យកសិកម្មក្នុងបរិបទនៃបដិវត្តន៍ឧស្សាហកម្មទី៤ ឌីជីថលភាវូបនីយកម្ម និងនាពេលអនាគត។

ទី៥- ការធ្វើបច្ចុប្បន្នភាពកម្មវិធីសិក្សា និងការកសាងមន្ទីរពិសោធន៍ឱ្យត្រូវទៅតាមសេចក្តីត្រូវការទីផ្សារធនធានមនុស្ស គឺជាកត្តាចាំបាច់បំផុតរបស់សាលាជាតិ។ ដូច្នេះ ត្រូវបន្តពង្រឹងកិច្ចសហប្រតិបត្តិការជាមួយសាកលវិទ្យាល័យល្បីៗក្នុងតំបន់ និងលើពិភពលោក ដើម្បីផ្លាស់ប្តូរបទពិសោធន៍ និងបច្ចេកទេសវិទ្យាសាស្រ្ត សំដៅធ្វើយ៉ាងណាឱ្យសាលារបស់យើង ដើរតាមឱ្យទាន់នូវការវិវឌ្ឍក្នុងបរិបទនៃសាកលភាវូបនីយកម្ម ជាពិសេស សមាហរណកម្មសហគមន៍អាស៊ាន។

ឯកឧត្តមរដ្ឋមន្ត្រី ឌិត ទីណា ចូលរួមប្រជុំតាមប្រព័ន្ធអនឡាញជាមួយអង្គការ FAO
នៅរសៀលថ្ងៃទី២៨ ខែមីនា ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម...
ឯកឧត្តម តូច ប៊ុនហួរ រដ្ឋលេខាធិការក្រសួងកសិកម្ម បានដឹកនាំគណៈប្រតិភូទៅបំពេញទស្សនកិច្ចនៅខេត្តហៃណាន នៃសាធារណៈរដ្ឋប្រជាមានិតចិន ដើម្បីជួបពិភាក្សាជាមួយស្ថាប័នពាក់ព័ន្ធ...
ឯកឧត្តម តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំគណៈប្រតិភូទៅបំពេញ...
ឯកឧត្តមបណ្ឌិត យ៉ង សាំង កុមារ រដ្ឋលេខាធិការ នៃក្រសួងកសិកម្ម អញ្ជើញជាអធិបតីក្នុងពិធីសំណេះសំណាល ជាមួយតំណាងសហគមន៍កសិកម្មចំនួន៣ នៅឃុំគោកធ្លកលើ ស្រុកជីក្រែង ខេត្ត...
នៅថ្ងៃទី២៨ ខែមីនា ឆ្នាំ២០២៤ ឯកឧត្តមបណ្ឌិត យ៉ង សាំង កុមារ រដ្ឋលេខាធិការ នៃក្រសួងកសិកម្ម...
ឧបនាយករដ្ឋមន្ត្រី អូន ព័ន្ធមុនីរ័ត្ន ចេញប្រកាសថ្មី ស្តីពីការលើកទឹកចិត្តពន្ធដារ ចំពោះវិស័យកសិកម្ម
ឧបនាយករដ្ឋមន្ត្រី អូន ព័ន្ធមុនីរ័ត្ន ចេញប្រកាសថ្មី ស្តីពីការលើកទឹកចិត្តពន្ធដារ...
ឯកឧត្តម ឡឹក សុធារ អនុរដ្ឋលេខាធិការក្រសួងកសិកម្ម បានចូលរួមកម្មវិធី Maekyung Cambodia Forum
នៅថ្ងៃទី២៧ ខែមីនា ឆ្នាំ២០២៤ ឯកឧត្តម ឡឹក សុធារ អនុរដ្ឋលេខាធិការក្រសួងកសិកម្ម...
ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ អញ្ជើញដឹកនាំកិច្ចប្រជុំជាមួយក្រុមការងារក្រុងសិរីសោភ័ណ
នៅរសៀលថ្ងៃពុធ ទី២៧ ខែមីនា ឆ្នាំ២០២៤ ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ...
ឯកឧត្តម ហុង ណារិត អនុរដ្ឋលេខាធិការក្រសួងកសិកម្ម អញ្ជើញចូលរួមក្នុងសិក្ខាសាលាស្តីពី «ការជំរុញពាណិជ្ជកម្ម និងវិនិយោគ កម្ពុជា-ប្រេស៊ីល»
នៅថ្ងៃទី២៧ ខែមីនា ឆ្នាំ២០២៤ ឯកឧត្តម ហុង ណារិត អនុរដ្ឋលេខាធិការក្រសួងកសិកម្ម...
ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានទទួលជួបពិភាក្សាការងារជាមួយគណៈប្រតិភូក្រុង Yunfu ខេត្តក្វាងទុង ប្រទេសចិន
នាព្រឹកថ្ងៃទី២៧ ខែមីនា ឆ្នាំ២០២៤ ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម...
ឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម បានដឹកនាំក្រុមការងារ ជួបសំណេះសំណាលជាមួយប្រជាសហគមន៍កសិកម្មសាលាវិស័យនៅភូមិខ្វាន់ទៀង ខេត្តកំពង់ធំ ដែលទើបបំប...
នៅថ្ងៃទី២៧ ខែមីនា ឆ្នាំ២០២៤ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យនៃក្រសួងកសិកម្ម...
ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម អញ្ជើញជួបសំណេះសំណាល តម្រង់ទិសសមាជិកមន្រ្តីរាជការ នៃមន្ទីរកសិកម្មខេត្តព្រះវិហារ
នៅថ្ងៃទី២៧ ខែមីនា ឆ្នាំ២០២៤ ឯកឧត្តម បណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម...
ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ អញ្ជើញដឹកនាំកិច្ចប្រជុំជាមួយក្រុមការងារក្រុងប៉ោយប៉ែត
នៅព្រឹកថ្ងៃពុធ ទី២៧ ខែមីនា ឆ្នាំ២០២៤ ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ...
សារ​ឯកឧត្តម​រដ្ឋមន្ដ្រី ឌិត ទីណា ស្វាគមន៍​ដំណើរ​ត្រឡប់​មក​កាន់​កម្ពុជា​វិញ របស់​លោក គ្រី ម៉ះផល ប្រធាន​នាយកដ្ឋានសត្វព្រៃ និងជីវៈចម្រុះ នៃរដ្ឋបាល​ព្រៃឈើ
ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ អញ្ជើញដឹកនាំកិច្ចប្រជុំជាមួយក្រុមការងារស្រុកអូរជ្រៅ
នៅរសៀលថ្ងៃអង្គារ ទី២៦ ខែមីនា ឆ្នាំ២០២៤ ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ...
ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ អញ្ជើញដឹកនាំកិច្ចប្រជុំជាមួយក្រុមការងារស្រុកម៉ាឡៃ
នៅព្រឹកថ្ងៃអង្គារ ទី២៦ ខែមីនា ឆ្នាំ២០២៤ ឯកឧត្តម ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ...
ឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម បានដឹកនាំក្រុមការងារ និងដៃគូអភិវឌ្ឍន៍ ទៅទស្សនកិច្ចសហគមន៍កសិកម្មទំនើបស្រូវនាងអំ នៅភូមិសែនជ័យ ស្រុកស្វាយលើ ខ...
នៅថ្ងៃទី២៦ ខែមីនា ឆ្នាំ២០២៤ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យនៃក្រសួងកសិកម្ម...