មន្រី្តជាន់ខ្ពស់ក្រសួងកសិកម្មធ្វើការអំពាវនាវឱ្យប្រជាជននៅតាមមូលដ្ឋានជនបទយកចិត្តទុកដាក់ក្នុងការបង្កើតប្រភពទឹកនៅក្នុងមូលដ្ឋានតាមរយៈនៃការជីកស្រះទឹកនៅតាមគ្រួសារឬនៅតាមសហគមន៏របស់ខ្លួន។
ខណៈនៃការអញ្ជីញទៅពិនិត្យមើលការជីកស្រះទឹកសហគមន៏អូរវែងក្នុងព្រៃឈើទាល ឃុំឧត្ដមសូរិយាស្រុកត្រាំកក់ កាលពីថ្ងៃទី៨ ខែកុម្ភៈ លោក ច័ន្ទ សារុន រដ្ឋមន្ត្រីក្រសួងកសិកម្មបានសម្ដែងការកោតសរសើរចំពោះអាជ្ញាធរមូលដ្ឋានគណៈកម្មការវត្តចាស់ព្រឹទ្ធាចារ្យប្រជាជនក្នុង ភូមិនិងក្រុមការងារដែលបានរួមគ្នាជីកស្រះទឹកសហកមន៏នេះឡើងដែលស្របទៅនឹងអនុសាសន៏របស់ក្រុមរាជរដ្ឋាភិបាលនិងនយោបាយរបស់ក្រសួងកសិកម្ម។
លោកជំរុញឱ្យបន្តនូវស្មារតីនេះទៅកាន់ទីកន្លែងផ្សែងទៀត។ លោករដ្ឋមន្ត្រីបានអំពាវនាវថា ប្រជាជននៅតាជនបទមិនត្រូវពឹងផ្អែកទៅលើប្រភពទឹកធម្មជាតិដែលមានស្រាប់ប៉ុណ្ណោះទេតែត្រូវបង្កើតឡើងបន្ថែមទៀតដោយខ្លួនឯងនៅតាមគ្រួសារតាមភូមិឬតាមសហគមន៏តាមរយះនៃការជីកស្រះការស្តារស្រះត្រពាំងដែលគោគរាក់ការគ្រប់គ្រងប្រភពទឹកឱ្យបានល្អនិងការស្វះស្វែងរកប្រភពពីតំបន់ផ្សេងមកបំរើឱ្យនៅក្នុង មូលដ្ឋាន ។
លោកបន្តទៀតថាបើមាន ការព្យាយាមការរួមគ្នាការខិតខំគឺពិតជាបានធ្វើបាន។ ការសម្រេចបែបនេះនឹងធ្វើឱ្យក្នុងមូលដ្ឋានមានទឹកគ្រប់គ្រាន់សម្រាប់ធ្វើការកសិកម្ម។ ការធ្វើកសិកម្មគ្រប់រដូវបាននោះនឹងធ្វើឱ្យជីវភាពគ្រួសារកាន់តែប្រសើរឡើងយ៉ាងពិតប្រាកដ៕
