ពិធីប្រកាសចូលកាន់តំណែងមន្ត្រីរាជការ និងបិទកិច្ចប្រជុំបូកសរុបលទ្ធផលការងាឆ្នាំ២០១៨ និងលើកទិសដៅការងារឆ្នាំ២០១៩ ក្រោមអធិបតីភាពឯកឧត្តមរដ្ឋមន្រ្តី វេង សាខុន

ចេញ​ផ្សាយ​ ២៨ កុម្ភៈ ២០១៩ 280

នៅអគ្គនាយកដ្ឋានកសិកម្ម នារសៀលថ្ងៃពុធ ៨រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែកុម្ភៈ ឆ្នាំ២០១៩ បានរៀបចំពិធីប្រកាសចូលកាន់តំណែងមន្ត្រីរាជការ និងបិទកិច្ចប្រជុំបូកសរុបលទ្ធផលការងាឆ្នាំ២០១៨ និងលើកទិសដៅការងារឆ្នាំ២០១៩ ក្រោមអធិបតីភាពឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ។ ក្នុងពិធីនេះក៏មានការអញ្ជើញចូលរួមពីសំណាក់ឯកឧត្តម លោកជំទាវជាថ្នាក់ដឹកនាំក្រសួង លោក លោកស្រី នាងកញ្ញា តំណាងក្រសួង ស្ថាប័នពាក់ព័ន្ឋ និងមន្ទីរកសិកម្មរាជធានី-ខេត្ត ដៃគូអភិវឌ្ឍយ៉ាងច្រើនកុះករ។
 
ឯកឧត្តម ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្មបានអានរបាយការណ៍បូកសរុប លទ្ធផលការងារដែលសម្រេចបានក្នុងឆ្នាំ២០១៨ ជូនអង្គពិធីជ្រាបដោយបានរំលេច ពីសមិទ្ធផលដែលសម្រេចបានមានដូចជា៖ ការកើនឡើងផលិតកម្មស្រូវ ដំណាំរួមផ្សំ ដំណាំកសិ-ឧស្សាហកម្ម បរិមាណកសិផល (អង្ករ គ្រាប់ធញ្ញជាតិ និងបន្លែ) សម្រាប់ផ្គត់ផ្គង់ទីផ្សារក្នុងស្រុកនិងនាំចេញ ការងារផ្សព្វផ្សាយបណ្តុះបណ្តាលបច្ចេកទេស ច្បាប់ និងលិខិតបទដ្ឋានក្រោមច្បាប់ ការងារពិសោធន៍ស្រាវជ្រាវ ការងារសហប្រតិបត្តិការអន្តរជាតិ ការងារសហគមន៍កសិកម្ម និងបញ្ហាប្រឈមនានាដែលបានជួបប្រទះ។
 
មានមតិសំណេះសំណាលជាមួយសមាជិកអង្គពិធីទាំងមូល ឯកឧត្តមរដ្ឋមន្រ្តីបានកោតសរសើរ និងវាយតម្លៃខ្ពស់ដល់ថ្នាក់ដឹកនាំ និងមន្រ្តីគ្រប់ជាន់ថ្នាក់នៃអគ្គនាយកដ្ឋានកសិកម្មដែលបានខិតខំប្រឹងប្រែងអនុវត្តការងារក្នុងរយៈពេលពេញមួយឆ្នាំកន្លងមកទទួលបានលទ្ធផលល្អប្រសើរ និងថ្លែងអំណរគុណជូនចំពោះសមាជិកនៃអង្គពិធីដែលបានពិភាក្សា ផ្លាស់ប្តូរយោបល់ និងចែករំលែកបទពិសោធន៍ ស្វែងរកចំណុចខ្លាំងនិងចំណុចខ្សោយបញ្ហាប្រឈម និងរិះរកគំនិតផ្តួចផ្តើមថ្មីៗពាក់ព័ន្ធទៅនឹងការអភិវឌ្ឍវិស័យកសិកម្ម ដើម្បីធានាបាននូវនិរន្តរភាពនៃកំណើនសេដ្ឋកិច្ច និងចំណូលគ្រួសារ។ ក្នុងឱកាសនេះ លោកបានគូសបញ្ជាក់ជូនអង្គពិធីជ្រាបពីអនុវិស័យដំណាំកសិកម្មដែលកំពុងមានការវិវឌ្ឍន៍រីកចម្រើនជាបន្តបន្ទាប់ ក្នុងរយ:ពេលប៉ុន្មានឆ្នាំចុងក្រោយនេះ ដែលស្តែងចេញឲ្យឃើញតាមរយ:កំណើនផលិតកម្មដំណាំស្រូវ ដំណាំកសិ-ឧស្សាហកម្ម ដំណាំរួមផ្សំ និងបន្លែ។ ដោយឡែក ផលិតភាពផលិតកម្ម គុណភាព ការគ្រប់គ្រង និងប្រើប្រាស់ធនធានដីកសិកម្មប្រកបដោយចីរភាព ការអភិវឌ្ឍពូជដំណាំ ការផ្តល់សេវាផ្សព្វផ្សាយកសិកម្ម ការអនុវត្តកសិកម្មល្អឆ្លើយតបទៅនឹងការប្រែប្រួលអាកាសធាតុ អនាម័យ និងភូតគាមអនាម័យ សមត្ថភាពមន្ទីរពិសោធន៍ជាតិ កាលើកកម្ពស់ផលិតភាព និងប្រសិទ្ធភាពការប្រើប្រាស់យន្តូបនីយកម្មកសិកម្ម និងជំរុញការអភិវឌ្ឍកសិដ្ឋានគំរូការប្រើប្រាស់បច្ចេកវិទ្យាវៃឆ្លាត និងឌីជីថលូបនីយកម្មក៏បាននិងកំពុងអនុវត្តយ៉ាងសកម្ម ពេញលេញ និងសមស្របតាមគោលនយោបាយចតុកោណតំណាក់កាលទី៤ របស់រាជរដ្ឋាភិបាល និងគោលនយោបាយអភិវឌ្ឍវិស័យកសិកម្មឆ្នាំ២០១៩-២០២៣។ ទោះជាយ៉ាងណា ឯកឧត្តមរដ្ឋមន្រ្តីបានបញ្ជាក់ថា យើងកំពុងមានមោទនៈភាពចំពោះសមិទ្ធផលដែលយើងទាំងអស់គ្នាសម្រេចបាន ប៉ុន្តែក៏ព្រមទទួលស្គាល់ថាយើងនៅមានបញ្ហាប្រឈមមួយចំនួនដែលត្រូវខិតខំរួមគ្នាទាំងកំលាំងកាយចិត្ត បញ្ញាស្មារតី និងភាពទទួលខុសត្រូវដើម្បីដោះស្រាយបញ្ហាទាំងនោះឲ្យបានល្អប្រសើរ មានប្រសិទ្ធភាព ទូលំទូលាយ និងទាន់ពេលវេលា។ ដើម្បីជួយជាគំនិត និងនីតិវិធីស្រាយបញ្ហា ធ្វើយ៉ាងណាឲ្យអគ្គនាយកដ្ឋានកសិកម្មមានវិធីសាស្រ្ត ឬយុទ្ធសាស្រ្តថ្មីៗបន្ថែមទៀតដើម្បីអភិវឌ្ឍអនុវិស័យនេះឲ្យមានការរីកចម្រើន ឯកឧត្តមរដ្ឋមន្រ្តីបានផ្តល់អនុសាសន៍សំខាន់ៗមួយចំនួនដូចខាងក្រោម៖
 
ទី១. ត្រូវបន្តពង្រឹងការផ្តល់សេវាបណ្តុះបណ្តាល និងផ្សព្វផ្សាយកសិកម្មឱ្យបានកាន់តែទូលំទូលាយ។ ត្រូវពង្រឹងសហគមន៍កសិកម្មឲ្យមានលក្ខណៈអាជីព ប្រែក្លាយជាសហគ្រាសកសិកម្មធុនតូចនិងមធ្យមនៅជនបទ និងសហការជាមួយវិស័យឯកជន ដើម្បីអភិវឌ្ឍខ្សែច្រវាក់តម្លៃលើមុខដំណាំសំខាន់ៗតាមរយៈការអនុវត្តកសិកម្មតាមកិច្ចសន្យា។ ត្រូវបន្តជំរុញការសិក្សាស្រាវជ្រាវ និងអភិវឌ្ឍន៍ពូជដំណាំសុទ្ធល្អដែលមានតម្លៃបន្ថែម និងមានប្រសិទ្ធ ភាពសេដ្ឋកិច្ចខ្ពស់ តាមរយៈសហគមន៍ ក្រុមកសិករផលិតពូជ និងការលើកទឹកចិត្តឲ្យវិស័យឯកជនចូលរួមផលិតពូជដំណាំ ដែលមានគុណភាពខ្ពស់ស្របតាមស្តង់ដារ និងតម្រូវការទីផ្សារ ដើម្បីធានាឲ្យមានបរិមាណគ្រប់គ្រាន់ និងតម្លៃសមរម្យសម្រាប់ប្រើប្រាស់ក្នុងផលិតកម្ម។
 
ទី២. ជំរុញការធ្វើពិពិធកម្មដំណាំសាកវប្បកម្ម ដែលត្រូវការទឹកតិច និងមានតម្រូវការទីផ្សារខ្ពស់ប្រកបដោយគុណភាព និងសុវត្ថិភាពដែលអាចជំនួសការនាំចូល និងបម្រើការនាំចេញ តាមរយៈការសម្របសម្រួលទីផ្សារប្រមូលផ្តុំ បោះដុំ និងចែកចាយនៅតាមសហគមន៍ និងតាមកន្លែងទីប្រជុំជនសំខាន់ៗ។
ទី៣. ត្រូវជំរុញការរៀបចំនិងអនុវត្តក្របខ័ណ្ឌយុទ្ធសាស្ត្រ គោលនយោបាយ ច្បាប់ និងលិខិតបទដ្ឋានគតិយុត្ត បម្រើឲ្យការងារគ្រប់គ្រងផលិតកម្មដំណាំ ការត្រួតពិនិត្យគុណភាពពូជដំណាំ និងធាតុចូលកសិកម្ម ដើម្បីធានាការលើកកម្ពស់ផលិតភាព គុណភាព និងសុវត្ថិភាពកសិផល។ ត្រូវបន្តជំរុញការរៀបចំសេចក្តីព្រាងច្បាប់ស្តីពីការការពាររុក្ខជាតិ និងភូតគាមអនាម័យ និងត្រូវបញ្ចប់ផែនការយុទ្ធសាស្ត្រអភិវឌ្ឍន៍ដំណាំកសិកម្មឆ្នាំ២០១៩- ២០២៣ សម្រាប់អនុវត្តបន្តក្នុងរយៈពេល៥ឆ្នាំខាងមុខនេះឲ្យមានប្រសិទ្ធភាពខ្ពស់។
 
ទី៤. ត្រូវជំរុញធ្វើការកែលម្អសេវាត្រួតពិនិត្យអនាម័យ និងភូតគាមអនាម័យ និងធាតុចូលកសិកម្ម (ពូជ ជី ថ្នាំកសិកម្ម) បែបបទនៃការត្រួតពិនិត្យ និងនីតិវិធីចុះបញ្ជីឲ្យកាន់តែមានភាពងាយស្រួល។ ត្រូវពង្រឹងនិងពង្រីកសមត្ថភាពមន្ទីរពិសោធន៍ជាតិកសិកម្មក្នុងការពិនិត្យ វិភាគ និងវាយតម្លៃគុណភាពធាតុចូលកសិកម្ម គុណភាពដី និងកម្រិតសំណល់ថ្នាំកសិកម្មក្នុងផលិតផលកសិកម្ម ដី និងទឹកដោយត្រូវសហការយ៉ាងជិតស្និតជាមួយគ្រប់ដៃគូអភិវឌ្ឍន៍ និងវិស័យឯកជន។
 
ទី៥. ត្រូវពង្រឹងវិធានការការពារដំណាំ អនាម័យ និងភូតគាមអនាម័យ ការត្រួតពិនិត្យការអនុវត្តកសិកម្មល្អ និងស្តង់ដារកសិកម្មសរីរាង្គ ដើម្បីធានាផលិតកម្មដំណាំទាំងបិរមាណ គុណភាព និងសុវត្ថិភាព។ ត្រូវពង្រឹងយន្តការទប់ស្កាត់ការឆ្លងជំងឺ សត្វល្អិតចង្រៃ និងរឹតបន្តឹងការនាំចូលកសិផលមិនមានគុណភាពនិងគ្មានសុវត្ថិភាព ដែលនាំឲ្យប៉ះពាល់ដល់ផលិតកម្មកសិកម្មនិងសុខុមាលភាពសាធារណ:។
 
ទី៦. ត្រូវលើកកម្ពស់ការគ្រប់គ្រងធនធានដីកសិកម្ម ដោយជំរុញការអនុវត្តវិធានការចម្រុះគ្រប់គ្រង និងថែរក្សាជីជាតិដី ការកំណត់តំបន់ដាំដុះទៅតាមប្រភេទដីនិងមុខដំណាំ ព្រមទាំងការរៀបចំគោលការណ៍ណែនាំស្តីពីការគ្រប់គ្រង និងប្រើប្រាស់ធនធានដីកសិកម្មប្រកបដោយចីរភាព។ ត្រូវពង្រឹងនិងពង្រីកផ្នែកវិស្វកម្មកសិ-កម្មនិងយន្តូបនីយកម្មកសិកម្ម តាមរយៈការស្រាវជ្រាវ និងអភិវឌ្ឍន៍បច្ចេកវិទ្យា និងឧបករណ៍សម្ភារៈយន្តូបនីយ-កម្មកសិកម្ម បច្ចេកវិទ្យាក្រោយពេលប្រមូល កែលម្អប្រព័ន្ធស្រោចស្រព និងការគ្រប់គ្រងទឹកសម្រាប់កសិកម្មប្រកបដោយប្រសិទ្ធភាព។
 
ទី៧. បន្តជំរុញការគ្រប់គ្រងសហគមន៍កសិកម្ម ដោយត្រូវពង្រឹងសមត្ថភាពយល់ដឹងពីការអនុវត្តយន្តការផលិតកម្មកសិកម្មតាមកិច្ចសន្យា ដោយបញ្ចូលទាំងការអនុវត្តកសិកម្មល្អ កសិកម្មសរីរាង្គ និងការធ្វើពិពិធកម្មកសិកម្មប្រកបដោយភាតរបរិស្ថាន និងសហគមន៍ទេសចរណ៍ជាដើម។
 
ទី៨. ត្រូវពង្រឹងសមត្ថភាព គុណភាពការងារ មនសិការវិជ្ជាជីវៈរបស់មន្រ្តីរាជការ និងការបំពេញភារកិច្ចរបស់មន្រ្តីរាជការស៊ីវិលប្រកបដោយស្មារតីទទួលខុសត្រូវខ្ពស់។ រៀបចំ ចាត់ចែង ដឹកនាំ និងគ្រប់គ្រងមន្រ្តីឲ្យបានសមរម្យតាមលក្ខណសម្បត្តិមូលដ្ឋាន និងត្រូវចងចាំនិងអនុវត្តអនុសាសន៍ដ៏ត្រចះត្រចង់របស់សម្តេចតេជោសែន ដែលបានលើកឡើងថា “ រួសរាយតែមិនរុកគួន ញញឹមតែមិនញាំញី ទន់ភ្លន់តែមិនទន់ជ្រាយ រឹងប៉ឹងតែមិនរឹងប៉ែស ” ។

ឯកឧត្តមរដ្ឋមន្រ្តី និងគណប្រតិភូបានអញ្ជើញចូលរួមកិច្ចប្រជុំរដ្ឋមន្រ្តីកសិកម្ម និងព្រៃឈើអាស៊ាន-ឥណ្ឌាលើកទី៥ នៅសណ្ឋាគារ THE EMPIRE នៃប្រទេសប្រ៊ុយណេ
នៅរសៀលថ្ងៃពុធ ៣រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែតុលា...
ឯកឧត្តមរដ្ឋមន្រ្តី និងគណប្រតិភូបានអញ្ជើញចូលរួមកិច្ចប្រជុំរដ្ឋមន្រ្តីកសិកម្មនិងព្រៃឈើអាស៊ានបូកបី (ចិន កូរ៉េ និងជប៉ុន) លើកទី១៩
នៅព្រឹកថ្ងៃពុធ ៣រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែតុលា...
ឯកឧត្តម រដ្ឋមន្រ្តី និងគណប្រតិភូបានទទួលជួបពិភាក្សាការងារជាមួយ ក្រុមប្រឹក្សាធុរកិច្ចអាស៊ាន-អាមេរិក (US-ABC) នៅឯសណ្ឋាគារ THE EMPIRE
បន្ទាប់ពីបានបញ្ចប់កិច្ចប្រជុំរដ្ឋមន្រ្តីកសិកម្មនិងព្រៃឈើលើកទី៤១ រួចមក...
ឯកឧត្តម រដ្ឋមន្រ្តី និងគណប្រតិភូបានអញ្ជើញចូលរួមកិច្ចប្រជុំថ្នាក់រដ្ឋមន្រ្តីកសិកម្មនិងព្រៃឈើអាស៊ានលើកទី៤១ (41st AMAF Meeting)
នៅព្រឹកថ្ងៃអង្គារ ២រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែតុលា...
ឯកឧត្តមរដ្ឋមន្រ្តី និងគណប្រតិភូបានអញ្ជើញជួបជាមួយ លោក MATTHEY MORELL អគ្គនាយកវិទ្យាស្ថានស្រាវជ្រាវស្រូវអន្តរជាតិ (IRRI) នៅសណ្ឋាគារ THE EMPIRE នៃប្រទេសប្រ៊ុយណេ
នៅព្រឹកថ្ងៃអង្គារ ២រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែតុលា...
ឯកឧត្តមរដ្ឋមន្ត្រី វេង សាខុន បានទទួលជួបឯកឧត្តម MIKAMI Masahiro ដើម្បីសម្តែងការគួរសមបន្ទាប់ពីឯកឧត្តមត្រូវបានតែងតាំងជាឯកអគ្គរាជទូតវិសាមញ្ញ និងពេញសមត្ថភាពនៃប្រទេសជប៉ុន...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃសុក្រ ១៣កើត ខែអស្សុជ...
ឯកឧត្តមរដ្ឋមន្ត្រី វេង សាខុន បានទទួលជួបឯកឧត្តម Kanji KATO អនុរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទជប៉ុនដើម្បីពិភាគក្សារការងារ
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាសៀលថ្ងៃចន្ទ ០៩កើត ខែអស្សុជ...
ឯកឧត្តមរដ្ឋមន្រ្តី និងសហការីបានអញ្ជើញចុះពិនិត្យកសិដ្ឋានវារីវប្បកម្ម ចិញ្ចឹមមាន់ ជ្រូក ត្រី និងសិប្បកម្មឫស្សី របស់អង្គការ Smilling Gecko (តុកកែញញឹម) នៅភូមិស្រែសារ ឃុំត្បែងខ្ពង់...
ចូលដល់កម្មវិធីទី៣ នៅរសៀលថ្ងៃដដែល ឯកឧត្តមរដ្ឋមន្រ្តី និងសហការីបានបន្តដំណើរមកពិនិត្យកសិដ្ឋានវារីវប្បកម្ម...
ឯកឧត្តមរដ្ឋមន្រ្តី បានអញ្ជើញចូលរួមក្នុងកម្មវិធីសំណេះសំណាលជាមួយប្រជាពលរដ្ឋចំនួនប្រមាណ២០០គ្រួសារ នៃក្រុមអ្នកទទួលផលពីជំនួយឧបត្ថម្ភពីកម្មវិធី ASPIRE និងគម្រោង S-RET
បន្ទាប់ពីបានចុះពិនិត្យស្ថានភាពជាក់ស្តែងនៅបណ្តុំកសិករផលិតបន្លែ និងកសិដ្ឋានពហុដំណាំទាំងពីររួចមក...
ឯកឧត្តមរដ្ឋមន្រ្តី បានអញ្ជើញចុះមកពិនិត្យកសិដ្ឋានគោលដៅនៃ “កម្មវិធីផ្សព្វផ្សាយបច្ចេកទេសកសិកម្មថ្មី ដែលធន់ទៅនឹងការប្រែប្រួលអាកាសធាតុ (ASPIRE)
នាព្រឹកថ្ងៃព្រហស្បតិ៍ ១៣រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦...
ឯកឧត្តមរដ្ឋមន្រី្ត បានអញ្ជើញជាអធិបតីក្នុងពិធីចុះហត្ថលេខាលើឯកសារនៃកិច្ចព្រមព្រៀងរវាងសមាជិកនៃក្រុមការងារអនុវត្តគម្រោងស្តីពី "RiceTechCambodia" ដែលគាំទ្រដោយទីភ្នាក់ងាស...
នៅសណ្ឋាគារ Raffles le Royal នារសៀលថ្ងៃពុធ ១២រោច ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៥...
ឯកឧត្តមរដ្ឋមន្ត្រី បានអញ្ជើញចូលរួមកិច្ចប្រជុំអចិន្ត្រៃយ៍ក្រសួងកសិកម្ម រុក្ខាប្រមាញ់ និងនេសាទ
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាវេលាម៉ោង ១៥:00 រសៀលថ្ងៃព្រហស្បតិ៍...
ឯកឧត្តមរដ្ឋមន្រ្តី បានទទួលជួបប្រតិភូអញ្ជើញមកពីខេត្តហាយណាននៃសាធារណរដ្ឋប្រជាមានិតចិនដឹកនាំដោយឯកឧត្តម Mr.LIU Pingzhi អភិបាលរងខេត្ត
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ១៦:០០ រសៀល ថ្ងៃពុធ...
ឯកឧត្តមរដ្ឋមន្រ្តី បានទទួលជួបលោកស្រី វិចតូរៀ ខ្វាខ្វា (Victoria Kwakwa) អនុប្រធានធនាគារពិភពលោកទទួលបន្ទុកអាស៊ីខាងកើត និងប៉ាស៊ីហ្វិក និងសហការីចូលជួបសម្តែងការគួរសម និងពិ...
នៅទីស្តីការក្រសួង នារសៀលថ្ងៃដដែលវេលាម៉ោង ១៤:៣០ ឯកឧត្តមរដ្ឋមន្រ្តី វេង សាខុន...
ឯកឧត្តមរដ្ឋមន្ត្រី បានអនុញ្ញាតឲ្យលោក Luke Arnold ទទួលបន្ទុកកិច្ចការទូទៅនៃស្ថានទូតអូស្រ្តាលីប្រចាំព្រះរាជាណាចក្រកម្ពុជា និងសហការីចូលជួបពិភាក្សាការងារ
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ១០:០០ ព្រឹកថ្ងៃច័ន្ទ...