កសិករចំនួន១៥០គ្រួសាររស់ នៅក្នុងស្រុកត្រាំកក់ បានទទួលការបណ្ដុះបណ្ដាលពីរបៀបចិញ្វឹមត្រី។ ការបង្រៀននេះ បានធ្វើឡើងជាក់ស្ដែងនៅកសិដ្ឋានរបស់កសិករឈ្មោះវិនឈឿន នៅឃុំគូស ស្រុកត្រាំកក់តែម្តង។
លោក គឹម សារិទ្ធ នាយខណ្ឌរដ្ឋបាលជលផល ខេត្ដតាកែវបានអះអាង ពីការរីកចម្រើនក្នុងវិស័យវារីវប្បកម្ម របស់ខេត្ដតាកែវទាំងមូល ដែលក្នុងនោះស្រុកត្រាំកក់បានឈានមុខគេលើវិស័យនេះបន្ទាប់ទទួលនូវការជួយជំរុញ និងបណ្ដុះបណ្ដាលពីសំណាក់លោករដ្ឋមន្ដ្រីក្រសួងកសិកម្ម អ្នកជំនាញ និងមន្ដ្រីក្រុមការងារ។
យោងតាមសេចក្ដីរាយការណ៏របស់លោក អេង ជាសាន អនុប្រធានរដ្ឋបាលជលផល បានឱ្យដឹងថាទូទាំងប្រទេស មានកន្លែងភ្ញាស់កូនត្រីដែលមានរហូត១៧កន្លែង នៃឃុំចំនួន១៥របស់ស្រុក។ ស្រុកក៏កំពុងឈានទៅដល់ការភ្ញាស់បង្កង ដែលការងារនេះកំពុងតែពង្រឹងថែមទៀតទាំងបច្ចេកទេស និងវិធីចិញ្ចឹមប្រកបដោយប្រសិទ្ធភាព។
លោកច័ន្ទ សារុន រដ្ឋមន្ដ្រី ក្រសួងកសិកម្មរុក្ខាប្រមាញ់ និងនេសាទដែលបានអញ្ជើញចូលរួមក្នុងពិធីក្នុងពិធីបើកវគ្គ កាលពីចុងសប្ដាហ៏កន្លងនៅនេះបានមានប្រសាសន៏លើកទឹក ចិត្ដដល់កសិករដែលចូលរួម ក៏ដូចជាថ្លែងទៅដល់កសិករដ៏ទៃទៀតនៅទូទាំងប្រទេស ដែលបានចាប់យកមុខរបរថ្មីបន្ថែមទៀតតាមរយះការចិញ្ចឹមត្រី។
លោកបន្ដថាលោករីករាយនិងមានមោទនភាពបំផុតដែលស្ដាប់កសិករបង្គោលដែលបង្ហាញឱ្យឃើញពីសមត្ថភាពបទពិសោធន៏ជាក់ស្ដែងពិតប្រាកដ។ លោកបន្ដទៀតថា ទម្រាំបានមកដល់ពេលនេះ គឺយើងបានចំណាយពេលយ៉ាងច្រើន និងការខិតខំគ្រប់បែបយ៉ាងដើម្បីបានក្លាយជាគ្រូបង្គោលដែលកសិករទូទាំងប្រទេសនឹងមករៀនសូត្រតាម។
លោករដ្ឋមន្ដ្រីបានជូនជាយោបល់ទៀតថា ជាចាំបាច់ត្រូវតែមានការជួបជុំរវាងកសិករចិញ្ចឹមត្រីដូចគ្នាឱ្យបានញឹកញាប់ ដើម្បីផ្លាស់ប្ដូរបទពិសោធន៏ និងចែករំលែកជូនគ្នាទៅវិញ ទៅមកដើម្បីការរីកចម្រើន។
ជាមួយនេះក៏ត្រូវចលនាទៅកាន់កសិករដទៃទៀតដែលពុំទាន់ចិញ្ចឹមឱ្យទទួលយកនូវមុខរបរថ្មីនេះដើម្បីជីវភាពគ្រួសា រនិងមូលដ្ឋានមានការរីក ចម្រើន។ លោកបាន ស្នើឱ្យអ្នកជំនាញ ក៏ដូចជាមន្ដ្រីក្រុមការងារខិតខំស្រាវជ្រាវបច្ចេកទេសថ្មីៗ ដែលសមស្របយកមកផ្សព្វផ្សាយ ជូននូវប្រជាជនដើម្បីអភិវឌ្ឍន៏នូវវិធីចិញ្ចឹមដែលទទួលផលខ្ពស់។ ម្យ៉ាងទៀតកសិករក៏ត្រូវតែស្រេកឃ្លានចំណេះដឹងថ្មីដើម្បីផ្លាស់ប្ដូរទម្លាប់ចាស់ដែលអន់ថយ។
លោកបានប្រាប់មន្ដ្រីជលផលថា ត្រូវបង្កើតវេទិកាឱ្យកសិករចិញ្ចឹមត្រីជួបជុំគ្នា ដោយមានខណ្ឌរដ្ឋបាលជលផលជាអ្នកសម្របសម្រួល។លោកបន្ដថា ធ្វើបែបនេះវិស័យវារីវប្បកម្មរបស់យើង នឹងមានការប្រែប្រួលថ្មីកាន់តែលឿន៕
