ថ្ងៃទី២១ ខែមីនា ឆ្នាំ២០២៣ មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ ដឹកនាំដោយ លោក សៀន គិន អនុប្រធានមន្ទីរការិយាល័យអភិវឌ្ឍន៍សហគមន៍កសិកកម្ម និងការិយាល័យកសិ-ឧស្សាហកម្ម បានរួមសហការជាមួយសហគមន៍កសិកម្មអូរគគីរ ដើម្បីធ្វើពិធីចុះអនុស្សារណះនៃការយោគយល់គ្នារវាងក្រុមហ៊ុន inter snack និងសហគមន៍កសិកម្មអូរគគីរ (ស.ក.អ.គ.គ) លើការលក់ទិញគ្រាប់ស្វាយចន្ទីស្ងួត ចំនួន ២០០តោន។
កម្មវិធីនេះធ្វើឡើងនៅសាលប្រជុំមន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ ដែលមានអ្នកចូលរួមសរុបចំនួន ៤០នាក់ ស្រី្ត ៦នាក់។
