ឯកឧត្តមរដ្ឋមន្រ្តី វេង សាខុន បានអញ្ជើញជួបសំណេះសំណាលជាមួយនិស្សិតចំនួន ២០០នាក់ មកពីវិទ្យាស្ថានជាតិកសិកម្មព្រែកលៀប ដែលនឹងត្រូវចេញដំណើរទៅធ្វើកម្មសិក្សារយ:ពេល ១១ខែ សម្រាប់ឆ្នាំសិក្សា២០២១-២០២២ ជំនាន់ទី០២ នៅប្រទេសអ៊ីស្រាអែល

ចេញ​ផ្សាយ​ ១០ ធ្នូ ២០២១ 8585

នៅទីស្តីការក្រសួងកសិកម្ម រុក្ខាប្រមាញ់ និងនេសាទ នៅវេលាម៉ោង ១៥:០០ ថ្ងៃព្រហស្បតិ៍ ៥កើត ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៩ ខែធ្នូ ឆ្នាំ២០២១ ឯកឧត្តមរដ្ឋមន្រ្តី វេង សាខុន បានអញ្ជើញជួបសំណេះសំណាលជាមួយនិស្សិតចំនួន ២០០នាក់ មកពីវិទ្យាស្ថានជាតិកសិកម្មព្រែកលៀប ដែលនឹងត្រូវចេញដំណើរទៅធ្វើកម្មសិក្សារយ:ពេល ១១ខែ សម្រាប់ឆ្នាំសិក្សា២០២១-២០២២ ជំនាន់ទី០២ នៅប្រទេសអ៊ីស្រាអែល។ ឯកឧត្តមរដ្ឋលេខាធិការ អនុរដ្ឋលេខាធិការ ឯកឧត្តមនាយកវិទ្យាស្ថានជាតិកសិកម្មព្រែកលៀប និងសាស្រ្តាចារ្យ លោកគ្រូ អ្នកគ្រូ មន្រ្តីពាក់ព័ន្ធក៏បានអញ្ជើញចូលរួមអបអរសាទរផងដែរ។ 
មានមតិសំណេះសំណាលជាមួយនិស្សិតផ្ទាល់ ឯកឧត្តមរដ្ឋមន្រ្តីបានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំវិទ្យាស្ថានជាតិកសិកម្មព្រែកលៀប ក្នុងការអភិវឌ្ឍធនធានមនុស្សតាមរយ:ការពង្រឹង និងពង្រីកកិច្ចសហប្រតិបត្តិការយ៉ាងល្អប្រសើរជាមួយក្រុម ហ៊ុន Sedot Negcv Agriculture Training Center (SNAC) ក្នុងការផ្តល់ឱកាសឲ្យនិស្សិតឆ្នាំទី២ ទៅធ្វើកម្មសិក្សានៅប្រទេសអ៊ីស្រាអែលដើម្បីដកស្រង់ ផ្លាស់ប្តូរបទពិសោធន៍ទាំងទ្រឹស្តី និងការអនុវត្តជាក់ស្តែង។ លទ្ធផលជាផ្លែផ្កានេះ ក្រសួងសូមធ្វើការវាយតម្លៃខ្ពស់ និងថ្លែងអំណរ គុណជូនចំពោះភាគីពាក់ព័ន្ធទាំងអស់ ជាពិសេសរដ្ឋាភិបាលអ៊ីស្រាអែល និងក្រុមហ៊ុន SNAC ដែលតែងតែយកចិត្តទុកដាក់ គាំទ្រ និងផ្តល់ឱកាសឲ្យដល់និស្សិតទៅធ្វើកម្មសិក្សារៀងរាល់ឆ្នាំ ហើយដែលចំនួននិស្សិតមានការកើនឡើងជាបន្តបន្ទាប់ពីចំនួន ៥០នាក់នៅឆ្នាំទី១ ដល់ ២០០នាក់នៅឆ្នាំនេះ។
ក្រោយពេលបានស្តាប់របាយការណ៍របស់ឯកឧត្តមនាយកវិទ្យាស្ថានរួចមក ឯកឧត្តមរដ្ឋមន្រ្តីបានធ្វើការសំណេះសំណាលជាមួយក្មួយៗនិស្សិតអំពីការវិវឌ្ឍន៍រីកចម្រើននៃវិស័យកសិកម្មមុន និងក្នុងអំឡុងពេលជួបវិបត្តជំងឺឆ្លងសកលកូវីដ-១៩ ចែករំលែកនូវបទពិសោធន៍ផ្ទាល់ខ្លួនទាំងការ សិក្សារៀនសូត្រ ជីវិតជាមន្រ្តីរាជការ និងជាថ្នាក់ដឹកនាំក្រសួង។ល។ ដោយឡែក ចំពោះកម្មវត្ថុរបស់ក្មួយៗនិស្សិត ដែលនឹងត្រូវទៅហាត់ការនៅប្រទេសអ៊ីស្រាអែល ឯកឧត្តមរដ្ឋមន្ត្រីបានលើក ឡើងថា នេះជាឱកាសដ៏ប្រសើររបស់ក្មួយៗក្នុងការអភិវឌ្ឍសមត្ថភាពខ្លួនតាមរយ:ការសិក្សារៀនសូត្រ ក្រេបជញ្ជក់នូវរាល់ទ្រឹស្តី និងអនុវត្តជាក់ស្តែងនៅក្នុងមន្ទីរពិសោធន៍ រោងចក្រកែច្នៃ ចម្ការបន្លែ ផ្លែឈើ និងពូជដំណាំ ថ្នាលពិសោធន៍ និងកសិដ្ឋានដែលប្រើប្រាស់បច្ចេកវិទ្យាទំនើបៗ។ ហេតុនេះ ដើម្បីទទួលបានជោគជ័យនៃកម្មវិធីហាត់ការនេះ ឯកឧត្តមរដ្ឋមន្ត្រីបានយកឱកាសនេះធ្វើការអប់រំទូន្មាន និងណែនាំបន្ថែមដល់និស្សិតថា ៖  ក្មួយៗត្រូវខិតខំរៀនសូត្រទាំងទ្រឹស្តី និងប្រតិបត្តិ ចែករំលែកបទពិសោធន៍ ប្រកាន់ខ្ជាប់នូវច្បាប់ វិន័យរបស់សាលា និងប្រទេសគេ ត្រូវមានសីលធម៌ និងទម្លាប់ត្រឹមត្រូវល្អ  អំណត់ អត់ធន់តស៊ូរៀនសូត្រ និងស្រាវជ្រាវបន្ថែមដើម្បីអភិវឌ្ឍខ្លួនឯងឲ្យក្លាយជានិស្សិតល្អ និងពលរដ្ឋល្អក្រោយពីត្រឡប់មកមាតុភូមិវិញ។ ឯកឧត្តមរដ្ឋមន្ត្រីបានបញ្ជាក់បន្ថែមថា ចំណេះដឹង និងបទពិសោធន៍ល្អៗរបស់ក្មួយៗ គឺជាធនធានដ៏មានតម្លៃសម្រាប់កសាង និងអភិវឌ្ឍន៍វិស័យកសិកម្ម នាពេលអនាគត។ ហេតុផលនេះ ជាថ្មីម្តងទៀត ឯកឧត្តមរដ្ឋមន្ត្រីបានណែនាំនិស្សិតគ្រប់រូប ត្រូវឆ្លៀតយកឱកាសដ៏ល្អនេះ ខិតខំស្រូបយកនូវរាល់ចំណេះ ជំនាញដែលជាទុនពុទ្ធិឲ្យបានយ៉ាងរឹងមាំ ដើម្បីរួមគ្នាគិតគូដោះស្រាយនូវរាល់បញ្ហាដែលកសិករកំពុងប្រឈមឲ្យបានសមស្រប ទាន់ពេលវេលា និងមានប្រសិទ្ធភាព ឈានឆ្ពោះទៅធ្វើការអភិវឌ្ឍវិស័យកសិកម្មកម្ពុជាជាជំហានៗប្រកបដោយចីរភាព និរន្តរភាព មានលក្ខណប្រកួតប្រជែង បរិយាប័ន្ន ធន់នឹងការប្រប្រួលអាកាសធាតុ និងនរវានុវត្តន៍។ ទីបញ្ចប់ឯកឧត្តមរដ្ឋមន្រ្តី បានជូនពរឲ្យនិស្សិតទាំង ២០០នាក់ ទទួលបានជោគជ័យក្នុងការសិក្សា ធ្វើដំណើរ និងស្នាក់នៅប្រទេសគេទទួលបានសុវត្ថិភាព។ 
យោងតាមរបាយការណ៍របស់ឯកឧត្តម ធន់ វឌ្ឍនា បានឲ្យដឹងថាវិទ្យាស្ថានជាតិកសិកម្មព្រែក លៀប បានធ្វើកិច្ចសហប្រតិបត្តិការអភិវឌ្ឍធនធានមនុស្សជាមួយក្រុមហ៊ុន SNAC នៅឆ្នាំ ២០១៩ ក្នុងគោលបំណងលើកកម្ពស់ការអប់រំទាំងផ្នែកទ្រឹស្តី និងអនុវត្តជាក់ស្តែងដល់និស្សិតឆ្នាំទី២ សម្រាប់រយ:ពេល ១១ខែ នៅប្រទេសអ៊ីស្រាអែលលើមុខវិជ្ជាមួយចំនួនរួម មាន៖ ១. ស្តង់ដារកសិកម្មអន្តរជាតិ ២. សេដ្ឋកិច្ចកសិកម្ម ៣. ការការពារដំណាំ ៤. គម្រោងស្រាវជ្រាវ ៥. ការអភិរក្សធនធានដី ៦. មូលដ្ឋានគ្រឹះនៃប្រព័ន្ធស្រោចស្រពបែបទំនើប ៧. បច្ចេកទេសក្រោយប្រមូលផល ៨. ការធ្វើកសិកម្មឈើហូបផ្លែ ៩. និរន្តរភាពកសិកម្ម។ល។ ចំណែកជំនាញដែលត្រូវអនុវត្តនៅក្នុងកសិដ្ឋាន រួមមាន៖ ១. ការចិញ្ចឹមសត្វ ២. សាកវប្ប កម្ម  ៣. ការប្រមូលផលនិងការវេចខ្ចប់ ៤. ដំណាំផ្កា ៥. ការបណ្តុះផ្សិត ៦. គ្រាប់ពូជជាដើម។ល។ 
សូមបញ្ជាក់ជូនថាក្មួយៗនិស្សិតទាំង ២០០នាក់នឹងចាប់ផ្តើមចេញដំណើរជាបន្តបន្ទាប់នៅថ្ងៃទី១៤ ខែធ្នូ ឆ្នាំ២០២១។

 

ឯកឧត្តមរដ្ឋមន្ត្រី វេង សាខុន និងឯកឧត្តម Pablo Kang ឯកអគ្គរដ្ឋទូតអូស្ត្រាលី បានជួបពិភាក្សាការងារលើកិច្ចសហប្រតិបត្តិការក្នុងវិស័យកសិកម្មរវាងប្រទេសទាំងពីរ
នៅព្រឹកថ្ងៃព្រហស្បត៍ទី១១ ខែសីហា ឆ្នាំ២០២២ នៅទីស្តីការក្រសួងកសិកម្ម រុក្ខាប្រមាញ់...
ឯកឧត្តមរដ្ឋមន្ដ្រី វេង សាខុន បានអញ្ជើញជាអធិបតីភាពជាមួយលោកស្រី Maryam Salim (នាយិកាធនាគារពិភពលោកប្រចាំកម្ពុជា) និងឯកឧត្តម ស្វាយ សំអ៊ាង អភិបាលនៃគណអភិបាលខេត្តស្ទឹងត្រែង ក្នុងពិធីសម្ពោធដាក់ឲ្យដំណើរការមជ្ឈមណ្ឌលស្រាវជ្រាវ...
នៅរសៀលថ្ងៃដដែល អញ្ជើញចេញពីកម្មវិធីនៅស្រុកពញាក្រែក ឯកឧត្តមរដ្ឋមន្ដ្រី...
ឯកឧត្តមរដ្ឋមន្ដ្រី វេង សាខុន រួមជាមួយ ឯកឧត្តម W. Partrick Murphy ឯកអគ្គរដ្ឋ ទូតសហរដ្ឋអាមេរិកប្រចាំកម្ពុជាបានអញ្ជើញជាអធិបតីក្នុងពិធីបើកកម្មវិធី “The Feed the Future Cambodia Harvest III”
សណ្ឋាគារ ហៃយ៉ាត់ រីជិនស៊ី ភ្នំពេញ វេលាម៉ោង ១៣:០០ រសៀលថ្ងៃអង្គារ ១២កើត ខែស្រាពណ៍...
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីភាពក្នុងពិធីចុះហត្ថលេខាលើអនុស្សរណៈយោគយល់គ្នា (MOU) ស្តីពី " ការនាំចេញផលិតផលសំបុកត្រចៀកកាំទៅកាន់សាធារណរដ្ឋប្រជាមានិតចិន"...
នៅទីស្តីការក្រសួង​កសិកម្ម រុក្ខាប្រមាញ់ និងនេសាទ នាវេលាម៉ោង ១៤:០០ ថ្ងៃចន្ទ...
ឯកឧត្តមរដ្ឋមន្ត្រី វេង សាខុន និងសហការី បានអញ្ជើញមកធ្វើ ទស្សនកិច្ចនៅទីស្នាក់ការក្រុមហ៊ុន AdipoLABs Co., Ltd (ពាក់ព័ន្ធវិស័យសុខាភិបាល)
នៅវេលាម៉ោង ១០:៣០ ព្រឹកថ្ងៃពុធ ៦កើត ខែស្រាពណ៍ ឆ្នាំខាល ព.ស ២៥៦៦ ត្រូវនឹងថ្ងៃទី០៣...
ឯកឧត្តមរដ្ឋមន្ដ្រី វេង សាខុន និងសហការី បានបន្ត ដំណើរមកសាលាក្រុងសុងណាម Seongnam City ដើម្បីជួបពិភាក្សាការងារ និងចុះហត្ថលេខាលើឯកសារអនុស្សរណ:នៃការយោគយល់គ្នាត្រីភាគី (MOU)ស្តីពី...
អញ្ជើញចេញពីក្រុមហ៊ុន Orient Group ឯកឧត្តមរដ្ឋមន្ដ្រី និងសហការី បានបន្ត ដំណើរមកសាលាក្រុងសុងណាម...
ឯកឧត្តមរដ្ឋមន្ត្រី វេង សាខុន និងសហការីបាន អញ្ជើញមកជួបពិភាក្សាការងារជាមួយ ឯកឧត្តម NAM Sung-hyun រដ្ឋមន្រ្តីព្រៃឈើកូរ៉េ នៅទីស្តីការ Forest Vision Center (Seoul City) ពង្រឹង និងពង្រីកកិច្ចសហប...
នៅវេលាម៉ោង ១០:៣០ ព្រឹកថ្ងៃអង្គារ ៥កើត ខែស្រាពណ៍ ឆ្នាំខាល ព.ស ២៥៦៦ ត្រូវនឹងថ្ងៃទី០២...
ឯកឧត្តមរដ្ឋមន្ដ្រី វេង សាខុន និងសហការី បានអញ្ជើញមកពិនិត្យក្រុមហ៊ុន សាជីវកម្ម និងកសិ-ជលផល និងចំណីអាហារកូរ៉េ (Korea Agro-Fisheries & Food Trade Corporation, AT)
នៅរសៀលថ្ងៃដដែល ឯកឧត្តមរដ្ឋមន្ដ្រី និងសហការី បានអញ្ជើញមកពិនិត្យក្រុមហ៊ុន...
ឯកឧត្តមរដ្ឋមន្ត្រី វេង សាខុន និងសហការីបាន អញ្ជើញមកធ្វើទស្សនកិច្ចនៅសាកលវិទ្យាល័យ Korea National Open University ក្នុងបំណងធ្វើការពិភាក្សាឲ្យកាន់តែស៊ីជម្រៅ និងទូលំទូលាយជាមួយ សាស្រ្តាចារ្យសាកលវិទ្យាធិការ...
នៅវេលាម៉ោង ១០ ព្រឹកថ្ងៃចន្ទ ៤កើត ខែស្រាពណ៍ ឆ្នាំខាល ព.ស ២៥៦៦ ត្រូវនឹង ថ្ងៃទី០១...
ឯកឧត្តមរដ្ឋមន្ត្រី វេង សាខុន បានជួបពិភាក្សាការងារលើវិស័យកសិកម្មជាមួយលោកជំទាវ Folakemi I. Akinleye ឯកអគ្គរដ្ឋទូតវិសាមញ្ញ និងពេញសមត្ថភាពថ្មីនៃសាធារណរដ្ឋសហព័ន្ធនីហ្សេរីយ៉ា...
នារសៀលថ្ងៃពុធ ១៤រោច ខែអាសាឍ ឆ្នាំខាល ចត្វាស័ក ព. ស ២៥៦៦ ត្រូវនឹងថ្ងៃទី២៧ ខែកក្កដា...
ឯកឧត្តមរដ្ឋមន្ត្រី វេង សាខុន បាន​ទទួលជួបលោក Satoshi SHIMADA នាយកប្រតិបត្តិក្រុមហ៊ុន Club Eco Water ដើម្បីសម្តែងការគួរសម និងពិភាក្សាការងារ
នាវេលាម៉ោង៩:០០ នាទីព្រឹក ថ្ងៃពុធ ១៤រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៧...
ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីភាពក្នុងពិធីពិធីចុះហត្ថលេខាលើឯកសារកម្ចីស្តីពី "ការគាំទ្រខ្សែច្រវាក់ផ្គត់ផ្គង់ចំណីសត្វនៅកម្ពុជា" ដែលត្រូវចុះហត្ថលេខារវាងធនាគារអភិវឌ្ឍន៍អាស៊ី...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ១៥:០០ ថ្ងៃអង្គារ...
ឯកឧត្តមរដ្ឋមន្ត្រី វេង សាខុន បានទទួលជួបលោកបណ្ឌិត Song Young Ju ប្រធានថ្មីនៃកម្មវិធីកសិកម្មអន្តរជាតិកូរ៉េ ហៅកាត់ថា KOPIA ដើម្បីសម្តែងការគួរសម និងពិភាក្សាការងារ
នាវេលាម៉ោង ១៥:០០ នាទីរសៀល ថ្ងៃព្រហស្បតិ៍ ៨រោច ខែអាសាឍ ឆ្នាំខាល ចត្វាស័ក ព...
ឯកឧត្តមរដ្ឋមន្រ្តី វេង សាខុន បានអញ្ជើញចូលរួមក្នុងវេទិកាអនឡាញស្តីពី "វិស័យកសិកម្មកម្ពុជា-ចិន" ដែលបានរៀបចំឡើងដោយអគ្គស្ថានីយវិទ្យុ និងទូរទស្សន៍មជ្ឈិមចិន និងវិទ...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នៅវេលាម៉ោង ១៥:០០ ថ្ងៃពុធ...
ឯកឧត្តមរដ្ឋមន្រ្តី វេង សាខុន បានទទួលជួបពិភាក្សាការងារជាមួយគណ:ប្រតិភូដែលអញ្ជើញមកពីក្រសួងកសិកម្ម រុក្ខាប្រមាញ់ និងនេសាទ ដឹកនាំដោយឯកឧត្តម MIYAZAKI Masao អនុរដ្ឋមន្រ្តីក្រសួងកសិកម្ម...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នៅវេលាម៉ោង ១៤:០០ ថ្ងៃអង្គារ...