កសិករ​នៅ​កំពង់ស្ពឺ​ធ្វើ​សមាគម​ផលិត​ចំណី​សត្វ​បែប​ធម្មជាតិ

ចេញ​ផ្សាយ​ ១៥ មករា ២០១៨ 363

ក្រុម​កសិករ​ខេត្ត​កំពង់ស្ពឺ បាន​ចងក្រង​គ្នា​បង្កើត​ជា​សមាគម​ផលិត​ចំណី​សត្វ​ចេញ​ពី​វត្ថុ​ធាតុ​ដើម​ធម្មជាតិ​ដើម្បី​បង្កើន​ប្រាក់​ចំណូល​គ្រួសារ​បន្ទាប់​ពី​ធ្វើ​ស្រែ​មិន​សូវ​បាន​ផល។

លោក ស្វាយ សារឿន បង្ហាញ​ពី​មូលហេតុ​ដែល​នាំ​ឲ្យ​ពួក​គាត់​ផលិត​ចំណី​សត្វ​ចេញ​ពី​ធម្មជាតិ ថា ៖ «នាំ​គ្នា​ផលិត​ចំណី​ជា​លក្ខណៈ​ធម្មជាតិ ព្រោះ​ខ្ញុំ​បាន​ទៅ​រៀន​ជាមួយ សេដាក់ ព្រោះ​ផ្សព្វផ្សាយ​ពី​ការ​ប៉ះពាល់​សុខភាព​ពី​រឿង​ជាតិ​គីមី។ រឿង​ចំណី​ជ្រូក​ធម្មតា​គេ​មាន​លាយ​ជាតិ​គីមី​ហើយ នៅ​កន្លែង​គេ​ផលិត​ធំៗ ម្ល៉ោះ​ហើយ​យើង​យក​មក​បរិភោគ ខ្លះ​ទៅ​ជា​ឈឺ​ក្រពះ ខ្លះ​ទៅ​ជា​ធាត់​ពោះ​ហួស​មាឌ ខ្លះ​ទៅ​ជា​ខូច​តម្រង​នោម ខ្លះ​ដើរៗ​ទៅ​ស្រឺត​ទន់​ជង្គង់​ទន់​ដៃ​ទន់​ជើង អាហ្នឹង​មក​ពី​ជាតិ​គីមី​វា​ដល់​កំណត់ វា​ធ្វើ​ទុក្ខ ហើយ​ចំពោះ​ចំណី​យើង​ខ្ញុំ​ផលិត​ហ្នឹង​គឺ​ផលិត​ពី​ធម្មជាតិ ជា​ពិសេស ផលិត​យក​អីវ៉ាន់ និង​វត្ថុ​ទាំង​អស់​ហ្នឹង ដូច​ជា​ពោត សណ្ដែក កន្ទក់ ចុង​អង្ករ សម្បក​ខ្យង​អី​ហ្នឹង គឺ​នៅ​ក្នុង​ស្រុក​ទាំង​អស់ អត់​មាន​យក​ប៉ះពាល់​ជាតិ​គីមី​ពី​ណា​មក​ទេ ដល់​យើង​បរិភោគ​សាច់​ហ្នឹង​ទៅ​វា​មិន​សូវ​មាន​ជំងឺ ហើយ​យើង​កាត់​បន្ថយ​ការ​ប្រើ​សម្រាប់​ថ្នាំ​ព្យាបាល​ទៀត»។

 

លោក ស្វាយ សារឿន អះអាង​ថា សមាគម​ផលិត​ចំណី​សត្វ​ពី​ធម្មជាតិ​នេះ បាន​កើត​នៅ​ភូមិ​ឈើ​លំ ឃុំ​មហា​ឫស្សី ខេត្ត​កំពង់ស្ពឺ ជាង​កន្លះ​ឆ្នាំ​មក​នេះ។

សមាគម​នេះ មាន​ក្រុម​មន្រ្តី​ក្រសួង​កសិកម្ម និង​អង្គការ សេដាក់ ជួយ​ណែនាំ​ឲ្យ​កសិករ​រក​ប្រាក់​ចំណេញ​ច្រើន ទាំង​អ្នក​ផលិត​ចំណី​លក់ ទាំង​អ្នក​ទិញ​ចំណី យក​ទៅ​ឲ្យ​សត្វ​ស៊ី។ ដោយ​ការ​លក់​ចំណី​ពី​ធម្មជាតិ ១​គីឡូ តែ ២.០០០​រៀល ថោក​ជាង​ចំណី​ទីផ្សារ​ដែល​ផ្សំ​ពី​ជាតិ​គីមី។

លោក ស្វាយ សារឿន មាន​ប្រសាសន៍​ដូច្នេះ​ថា ៖ «បើ​យើង​ទិញ​នៅ​ទី​នេះ មិន​អស់​សោហ៊ុយ​ធ្វើ​ដំណើរ​ឯណា គឺ​ទិញ ២​ពាន់ ដឹង​តែ​ពី ២​ពាន់ បើ​ទៅ​ទិញ​ទីផ្សារ ២៧០០ ថ្លៃ​ម៉ូតូ​ឌុប​ទៀត ឡើង​ថ្លៃ​ជាង ៣​ពាន់​ហើយ​ក្នុង​មួយ​គីឡូ។ រឿង​ជាតិ​គីមី​មិន​មែន​ធ្វើ​ឲ្យ​យើង​ស្លាប់​ភ្លាម គឺ​ធ្វើ​ឲ្យ​យើង​ខូច​សុខភាព​ម្ដង​បន្តិចៗ ដូច្នេះ​យើង​នាំ​គ្នា​ផលិត​ចំណី​ជា​លក្ខណៈ​ធម្មជាតិ​នេះ​ឡើង ដើម្បី​ការពារ​សុខភាព​យើង​ទាំង​អស់​គ្នា»។

ចំណែក​វិធី​ផ្សំ​ចំណី​សត្វ​ចេញ​ពី​ធម្មជាតិ​នេះ លោក សំ យ៉ុង ជា​អ្នក​ផលិត​ម្នាក់​ក្នុង​សមាគម​នោះ​បាន​រៀបរាប់​ថា ត្រូវ​យក​គ្រាប់​ពោត​ក្រហម​ដែល​ទុំ គ្រាប់​សណ្តែក​បាយ កាក​សណ្តែក​សៀង កន្ទក់ អំបិល ធ្យូង សម្បក​ខ្យង ខ្ចៅ លៀស គ្រំ ងាវ សំណល់​ក្បាល​ត្រី និង​ព្រីម៉ិច មក​លាយ​នៅ​ក្នុង​ម៉ាស៊ីន ហើយ​កិន​ឲ្យ​ហ្មត់ រួច​យក​ចំណី​ដែល​កិន​បាន​មក​នោះ យក​ទៅ​ដួស​ដាក់​ក្នុង​ពាង គ្រប​ទុក​ឲ្យ​ស្ងួត ទុក​បាន​រយៈពេល ៦​ខែ មិន​ខូច​គុណភាព​ឡើយ។

លោក សំ យ៉ុង រៀបរាប់​ដូច្នេះ​ថា ៖ «ឧទាហរណ៍​យើង​ផលិត​ម្ដង ៤០០​គីឡូ អ៊ីចឹង​ក្នុង​មួយ​មុខ ឧទាហរណ៍​ដូចជា​ពោត​អ៊ីចឹង យើង​ដាក់ ១០០​គីឡូក្រាម កន្ទក់ ១២០ ហើយ​ក្ដាំង​សណ្ដែក ៨២ សណ្ដែក​បាយ ៨២ និង​មេ​ចំណី ២០​គីឡូ ហើយ​និង​ម្សៅ​ខ្យង​គឺ​យើង​យក ៦​គីឡូ និង​អំបិល ២​គីឡូ ធ្យូង ២​គីឡូ​ដើម្បី​ជំនួយ​ឆ្អឹង​ដើម្បី​ការពារ​កុំ​ឲ្យ​បាក់​ឆ្អឹង ធ្វើ​ឲ្យ​ឆ្អឹង​រឹង​ជាតិ​កាបោន​ហ្នឹង»។

លោក សំ យ៉ុង បន្ត​ថា ៖ «ក្នុង​រយៈពេល​តែ ១​ម៉ោង​ទេ គឺ​បាន​ចំណី ៤០០​គីឡូ ក្នុង​មួយ​គីឡូ តម្លៃ ២​ពាន់​រៀល។ ចំពោះ​គុណភាព​វិញ មិន​ចាញ់​ទីផ្សារ​ទេ ពីព្រោះ​ជា​ទូទៅ ក្រុម​សមាគម​កសិករ​យើង​ខ្ញុំ គឺ​កសិករ​បាន​លក់​ដូរ​ជា​បន្ត​បន្ទាប់​រហូត​មក»។

មេ​ភូមិ​ឈើ​លំ លោក តូច គឿន មាន​ប្រសាសន៍​ថា កសិករ​នៅ​ខេត្ត​កំពង់ស្ពឺ រំពឹង​ផល​ស្រូវ​ហូប​មិន​ដែល​គ្រប់​ក្នុង​១​ឆ្នាំ​ទេ។ បញ្ហា​មក​ពី​ដី​ខ្សាច់ ដី​ស្រែ​ទួល និង​សមាជិក​គ្រួសារ កើន​ពី ១​ឆ្នាំ ទៅ ១​ឆ្នាំ។ ដើម្បី​ទប់ទល់​បញ្ហា​នេះ កសិករ​ដែល​មាន​ដី​ស្រែ​តិច នាំ​គ្នា​ទិញ ជី​គីមី យក​មក​បាច​ស្រូវ ដើម្បី​បង្កើន​ផល។

ប៉ុន្តែ​ការ​ប្រើ​ជី​គីមី​បាន​ប៉ះពាល់​សុខភាព។ ហើយ​ខ្លះ​ទៀត បាន​ងាក​ទៅ​ចិញ្ចឹម​សត្វ មាន់ ជ្រូក និង​ដាំ​បន្លែ​ជា​ដើម។ ប៉ុន្តែ​ពួក​គេ​នៅ​តែ​ប្រើ​ចំណី ពី​ជាតិ​គីមី​និង​ថ្នាំ​ពុល។ ក្រោយ​មក មន្រ្តី​អង្គការ សេដាក់ និង​មន្រ្តី​ក្រសួង​កសិកម្ម​មក​បង្រៀន​កសិករ​ឲ្យ​ជៀស​ឆ្ងាយ​ពី​ការ​ប្រើ​ថ្នាំ​ពុល​និង​ជាតិ​គីមី​ពុល។ ទើប​អ្នក​ភូមិ ៣០​នាក់ ចាប់​ផ្តើម​ចងក្រង​គ្នា​បង្កើត​ជា​សមាគម ដោយ​មាន​ចូល​ហ៊ុន​គ្នា ម្នាក់ ១០​ម៉ឺន​រៀល សម្រាប់​ធ្វើ​ដើម​ទុន ផ្តើម​ធ្វើ​ចំណី​សត្វ​ពី​ខែ​មេសា ឆ្នាំ​២០០៨​មក។ រីឯ​ម៉ាស៊ីន​កិន​ចំណី​ផ្តល់​ពី​ក្រសួង​កសិកម្ម ឲ្យ​មក​សមាគម​ភូមិ​ឈើ​លំ ដើម្បី​កិន​ចំណី​សត្វ​ពី​ធម្មជាតិ។ ហើយ​ចំណី​ផលិត​បាន​មក​នោះ ត្រូវ​បាន​កសិករ​នៅ​ក្នុង​ខេត្ត​កំពង់ស្ពឺ និង​ខេត្ត​តាកែវ មក​ប្រមូល​ទិញ​យក​អស់ៗ។

លោក តូច គឿន មាន​ប្រសាសន៍​ដូច្នេះ​ថា ៖ «កាត់​បន្ថយ​ការ​ទិញ​នៅ​ផ្សារ ទីផ្សារ​វា​ថ្លៃ​ជាង ហើយ​ក្នុង​នេះ វា​ថោក​ជាង​ទីផ្សារ។ ទីផ្សារ​មួយ​គីឡូ ២៧០០ នៅ​នេះ​តែ ២​ពាន់​គត់​ទេ ថោក​ជាង ៧០០។ ចូល​ជា​សមាជិក​ក៏​ទិញ​ចំណី​ក្នុង​ហ្នឹង​ដែរ ហើយ​អ្នក​សមាជិក​ក៏​ច្រើន​នាក់ ចិញ្ចឹម​ជ្រូក​ដែរ។ តម្លៃ​ពីរ​ពាន់​ដូច​តែ​គ្នា មិន​ថា​សមាជិក មិន​ថា​អតិថិជន​ខាង​ក្រៅ​ទេ»។

កសិករ ឈ្មោះ ភោ យ៉ុន ទទួល​ទិញ​ចំណី​ធម្មជាតិ​យក​ទៅ​ចិញ្ចឹម​សត្វ​ជ្រូក​និង​មាន់ បាន​អះអាង​ថា សត្វ​មាន់​និង​សត្វ​ជ្រូក​នៅ​ពេល​ស៊ី​ចំណី​ផលិត​ពី​ធម្មជាតិ​នេះ វា​ធន់​នឹង​ជំងឺ​មិន​សូវ​ឆាប់​ងាប់។ ហើយ​គាត់​ក៏​ចំណេញ​ប្រាក់​និង​ពេល​វេលា​ទៅ​ទិញ​ចំណី​ពី​ផ្សារ​ដែរ។ គាត់​ថា ការ​ចិញ្ចឹម​សត្វ​ជ្រូក បើ​ឲ្យ​ចំណី​គីមី​នោះ ឆាប់​ធំ​ធាត់​ក្នុង​៣​ខែ​ត្រូវ​ចាប់​លក់។ បើ​ទុក​យូរ​បន្តិច មិន​ឆាប់​យក​វា​ទៅ​កាប់​ទេ ជ្រូក​ចុក​ខ្លាញ់ ងាប់​ទៅ​វិញ។ ប៉ុន្តែ​ការ​ចិញ្ចឹម​ជ្រូក មាន់ ឲ្យ​ស៊ី​ចំណី​ផលិត​ដោយ​ធម្មជាតិ​ក្នុង​ស្រុក ការ​លូត​លាស់​របស់​វា​យឺត រហូត​ដល់ ៤​ខែ ទើប​អាច​ចាប់​លក់។ ប៉ុន្តែ​សាច់​វា ឆ្ងាញ់​ជាង​ជ្រូក មាន់​ដែល​ចិញ្ចឹម​ឲ្យ​ចំណី​គីមី លក់​នៅ​តាម​ផ្សារ។

កសិករ ភោ យ៉ុន រៀបរាប់​ដូច្នេះ​ថា ៖ «ខ្ញុំ​អត់​ដែល​ចិញ្ចឹម​ផង ទើប​ម៉ាស៊ីន​ហ្នឹង​កើត ទើប​ចិញ្ចឹម ចំណី​ផ្សារ​អត់​ដែល​ចិញ្ចឹម​ផង ទើប​ចិញ្ចឹម​ហ្នឹង​ទេ។ ហើយ​បើ​នេះ​យើង​ឃើញ​ជាក់​ស្ដែង​នៅ​មុខ ចំណី​ធម្មជាតិ ឯ​ផ្សារ​អត់​ដឹង មិន​ដឹង​គេ​លាយ​អី​ខ្លះ​យើង​អត់​ដឹង​ទេ ហើយ​ជ្រូក​ស៊ី​ដូច​ដាច់​ជាតិ​អង្កាល់​អ៊ីចឹង ហើយ​វា​ខុស​ពី​ចំណី​យើង​នៅ​នេះ»។

ប្រធាន​សមាគម ក្រុម នៃ​អង្គការ​សេដាក់ ប្រចាំ​ភូមិ​ឈើ​លំ ខេត្ត​កំពង់ស្ពឺ លោក ថោង លាងគ្រី ឲ្យ​ដឹង​ថា សមាគម​ផលិត​ចំណី​សត្វ​បែប​ធម្មជាតិ​នេះ ជា​ក្រុម​ធំ​ជាង​គេ​និង​រក​ចំណូល​បាន​ច្រើន​ជាង​គេ ក្នុង​ចំណោម​ក្រុម​ដែល​ចង​ក្រង ដោយ​អង្គការ​សេដាក់ មាន​ក្រុម​សន្សំ​ប្រាក់ ក្រុម​ការងារ​ស្រ្តី ក្រុម​យុវកសិករ ក្រុម​ផលិត​ស្រូវ​សរីរាង្គ ក្រុម​ចិញ្ចឹម​ជ្រូក ក្រុម​ចិញ្ចឹមមាន់ ជា​ដើម។

លោក​ថា បច្ចុប្បន្ន ក្រុម​សមាគម​ផលិត​ចំណី​បែប​ធម្មជាតិ​នេះ ស្ថិត​នៅ​ក្នុង​ការ​សាកល្បង​ការ​ផលិត​ចំណី​សត្វ លក់​ដាច់​ច្រើន​តោន​តែ​នៅ​ក្នុង​ខែ​វស្សា​ប៉ុណ្ណោះ។

សូម​ជម្រាប​ថា សមាគម​ផលិត​ចំណី​សត្វ​បែប​ធម្មជាតិ​នេះ មាន​ទីតាំង​នៅ​ភូមិ​ឈើ​លំ ឃុំ​មហាឫស្សី ស្រុក​គងពិសី ខេត្ត​កំពង់ស្ពឺ។ លោក​អ្នក​អាច​ធ្វើ​ដំណើរ​តាម​ផ្លូវ​ជាតិ​លេខ​៣ បត់​ចូល​តាម​វត្ត​កាយ​រោង រំលង​ភូមិ​១ ចូល​ទៅ​ដល់​ភូមិ​ឈើ​លំ ដែល​នៅ​ពី​មុខ​រោង​ផលិត​ចំណី​នោះ មាន​សរសេរ​អក្សរ​ថា សមាគម​ផលិត​ចំណី​ធម្មជាតិ៕

ឯកឧត្តមរដ្ឋមន្រ្តី វេង សាខុន និងថ្នាក់ដឹកនាំក្រសួង ចូលរួមដាក់កម្រងផ្កា គោរពវិញ្ញាណក្ខន្ធនៅវិមានឯករាជ្យ
នារសៀលថ្ងៃសុក្រ ទី៨ ខែវិច្ឆិកា ឆ្នាំ២០១៩ ឯកឧត្តម វេង សាខុន រដ្ឋមន្រ្តីក្រសួងកសិកម្ម...
ឯកឧត្តមរដ្ឋមន្ត្រី វេង សាខុន បាន បំពាក់គ្រឿងឥស្សរិយយស សហមេត្រីជូនសាស្រ្តាចារ្យជប៉ុនចំនួន ៣នាក់
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃសុក្រ ១២កើត...
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតជ័យលាភី ថ្នាក់បរិញ្ញារង បរិញ្ញា និងបរិញ្ញាជាន់ខ្ពស់ នៃសាកលវិទ្យាល័យភូមិន្ទ...
នៅសាកលវិទ្យាល័យភូមិន្ទកសិកម្ម (Royal University of Agriculture, RUA) នាព្រឹកថ្ងៃព្រហស្បតិ៍ ១១កើត...
ឯកឧត្តមរដ្ឋមន្ត្រី វេង សាខុន បានអនុញ្ញាតឲ្យលោកស្រី Dina Umali-Deininger នាយកគ្រប់គ្រងផ្នែកអាហារ និងកសិកម្មសកលប្រចាំអាស៊ីបូព៌ានិងប៉ាស៊ីហ្វិកថ្មីនៃធនាគារពិភពលោក និងសហការី...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាវេលាម៉ោង ៩:០០ ព្រឹក ឯកឧត្តមរដ្ឋមន្ត្រី...
ឯកឧត្តមរដ្ឋមន្ត្រី វេង សាខុន បានទទួលជួបគណៈប្រតិភូអញ្ជើញមកពីក្រសួងឧស្សាហកម្មបឋមនៃប្រទេសណូវែលហ្សឺឡង់ ដឹងនាំដោយលោកស្រី Jenny Reid ប្រធានផ្នែកគ្រប់គ្រងទីផ្សារអាស៊ីខាងត្បូង...
នៅទីស្តីការក្រសួង នារសៀលថ្ងៃដដែល ឯកឧត្តម វេង សាខុន រដ្ឋមន្ត្រីក្រសួងកសិកម្ម...
ពិធីចុះហត្ថលេខាលើលិខិតបញ្ជាក់បំណងស្តីពី "អាទិភាពជាយុទ្ធសាស្រ្តស្រាប់កិច្ចសហប្រតិបត្តិការស្រាវជ្រាវកសិកម្ម" រវាងក្រសួងកសិកម្ម រុក្ខាប្រមាញ់ និងនេសាទ ជាមួយមជ្ឈមណ្ឌលអូស្រ្តាលី...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកអង្គារ ៩កើត ខែកត្តិក...
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងសិក្ខាសាលាស្តីពី "ការលើកស្ទួយការចិញ្ចឹមសត្វជាលក្ខណៈគ្រួសារ ដើម្បីចូលរួមកាត់បន្ថយភាពក្រីក្រ និងកង្វះអាហា...
នៅសណ្ឋាគារកាំបូឌីយ៉ាណា នាព្រឹកថ្ងៃព្រហស្បតិ៍ ៤កើត ខែកត្កិក ឆ្នាំកុរ ឯកស័ក...
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងពិធីបិទវេទិកាថ្នាក់ជាតិ ស្តីពីវិធានការចម្រុះគ្រប់គ្រងដំណាំ និង សុវត្ថិភាពស្បៀងអាហារ
នៅសណ្ឋាគារអប្សារាផាឡេស (Apsara Palace Hotel) ខេត្តសៀមរាបនាព្រឹកថ្ងៃអង្គារ ២កើត ខែកត្តិក...
ឯកឧត្តមរដ្ឋមន្រ្តី វេង សាខុន ព្រមទាំងសហការីបានបន្តដំណើរមកភូមិស្វាយប៉ាត ឃុំរំដោះ ស្រុករវៀង ខេត្តព្រះវិហារ ដើម្បីពិនិត្យ ស្ថានីយស្រាវជ្រាវនិងអភិវឌ្ឍន៍កសិកម្ម...
កម្មវិធីទី៣ រសៀលថ្ងៃទី២៨ ខែតុលា ឆ្នាំ២០១៩៖ ទស្សនកិច្ចស្ថានីយ៍ស្រាវជ្រាវនិងអភិវឌ្ឍន៍កសិកម្មកោះកេរ្ត៍ ក្នុងភូមិស្វាយប៉ាត...
ឯកឧត្តមរដ្ឋមន្ត្រី និងឯកឧត្តមអភិបាលនៃគណៈអភិបាលខេត្ត បានបន្តដំណើរឆ្ពោះទៅភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង
កម្មវិធីទី២ ព្រឹកថ្ងៃទី២៨ ខែតុលា ឆ្នាំ២០១៩៖ ពិធីសម្ពោធដាក់ឲ្យប្រើប្រាស់ជាផ្លូវការនៃអគាររដ្ឋបាលមន្ទីរកសិកម្ម...
ឯកឧត្តមរដ្ឋមន្ត្រី វេង សាខុន និងឯកឧត្តមម៉ុម សារើន រួមជាមួយមន្ត្រីគម្រោងគ្រប់គ្រងធនធានទឹក ជលផល និងវារីសត្វចម្រុះទន្លេមេគង្គបានចុះពិនិត្យស្ថានភាព វឌ្ឍនភាព និង...
កម្មវិធីទី១ ព្រឹកថ្ងៃទី២៨ ខែតុលា ឆ្នាំ២០១៩៖ បន្តចុះពិនិត្យស្ថានភាព វឌ្ឍនភាព...
ឯកឧត្តមរដ្ឋមន្ត្រី វេង សាខុន និងឯកឧត្តមអភិបាលនៃគណៈអភិបាលខេត្តក្រចេះ រួមដំណើរដោយលោកស្រី ចំរើន មុទិតា នាយកគម្រោងស្តីពី ការបែងចែកដីសង្គមកិច្ច និងការអភិវឌ្ឍសេដ្ឋកិច្ចជំហាន០២...
កម្មវិធីទី៣៖ ការចុះពិនិត្យវឌ្ឍនភាពនៃការអនុវត្តគម្រោង ស្តីពីការបែងចែកដីសង្គមកិច្ច...
ឯកឧត្តមរដ្ឋមន្ត្រី និងសហការី រួមជាមួយឯកឧត្តម វ៉ា ថន អភិបាលនៃគណៈអភិបាលខេត្តក្រចេះ បានបន្តដំណើរមកឃុំបុសលាវ ស្រុកចិត្របុរី ខេត្តក្រចេះ
កម្មវិធីទី២៖ ការពិនិត្យវឌ្ឍនភាពនៃការអនុវត្តគម្រោង គ្រប់គ្រងធនធានទឹក ជលផល...
ឯកឧត្តមរដ្ឋមន្ត្រី វេង សាខុន និងលោកជំទាវ ព្រមទាំងសហការីបានដង្ហែអង្គកឋិនទានសាមគ្គីទៅវត្តមង្គលគីរី
បេសកកម្មរបស់ឯកឧត្តមរដ្ឋមន្ត្រី និងសហការីរយៈពេល ០៣ថ្ងៃ ពីថ្ងៃ២៧-២៩ ខែតុលា...
ឯកឧត្តមរដ្ឋមន្ត្រី វេង សាខុន បានទទួលជួបលោក Murayama Tsetuo នាយកក្រុមហ៊ុន Top Planning Japan Co., Ltd ដើម្បីសម្តែងការគួរសម និងរាយការណ៍ជូនជ្រាបអំពីដំណើរការនៃការសិក្សាពីសក្តានុពលដំណាំស្វ...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃព្រហស្បតិ៍ ១១រោច...