ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីភាពក្នុងពិធីបិទកិច្ចប្រជុំបូកសរុបលទ្ធផលការងារវិស័យព្រៃឈើឆ្នាំ២០២១ និងទិសដៅអនុវត្តបន្តឆ្នាំ២០២២ របស់រដ្ឋបាលព្រៃឈើ

ចេញ​ផ្សាយ​ ២១ មករា ២០២២ 3060

នារសៀលថ្ងៃព្រហស្បតិ៍ ៣រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២០ ខែមករា ឆ្នាំ២០២២ នៅទីស្តីការក្រសួងមានរៀបចំពិធីបិទកិច្ចប្រជុំបូកសរុបលទ្ធផលការងារវិស័យព្រៃឈើឆ្នាំ២០២១ និងទិសដៅអនុវត្តបន្តឆ្នាំ២០២២ របស់រដ្ឋបាលព្រៃឈើ ដែលពិធីនេះស្ថិតក្រោមអធិបតីភាពឯកឧត្តមរដ្ឋមន្រ្តី វេង សាខុន និងមានការអញ្ជើញចូលរួមពីឯកឧត្តមជាថ្នាក់ដឹកនាំក្រសួង និងអង្គភាពក្រោមឱវាទ មន្ទីរកសិកម្ម រុក្ខាប្រមាញ់ និងនេសាទរាជធានី-ខេត្ត លោក លោកស្រី និងមន្រ្តីរដ្ឋបាលព្រៃឈើ។ ជាកិច្ចចាប់ផ្តើម ឯកឧត្តមកែវ អូម៉ាលីស្ស ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋ បាលព្រៃឈើ បានអានមតិស្វាគមន៍ និងរាយការណ៍ជូនអង្គពិធីជ្រាបដោយសង្ខេបអំពីលទ្ធផលសម្រេចបាននាឆ្នាំកន្លងមក ជាពិសេសលទ្ធផលនៃកិច្ចប្រជុំរយ:ពេល ២ថ្ងៃកន្លងមកនេះ ដោយបានរំលេចពីសមិទ្ធផលសំខាន់ៗទាក់ទងនឹងការស្តារព្រៃឈើឡើងវិញ បន្តពង្រឹងការអនុវត្តច្បាប់ស្តីពីព្រៃឈើ ការបង្កើត ពង្រឹង និងបង្កើនជីវភាពសហគមន៍ព្រៃឈើ ការអនុវត្តវិធានការយ៉ាងម៉ឺងមាត់ក្នុងការគ្រប់គ្រង និងទប់ស្កាត់បទល្មើសព្រៃឈើ ការពង្រឹងប្រសិទ្ធភាពគ្រប់គ្រងព្រៃបម្រុងទុក ការបង្កើតតំបន់ព្រៃសម្រាប់អភិរក្សធនធានពន្ធុរុក្ខជាតិ និងសត្វព្រៃ ព្រមទាំងបោះ បង្គោលព្រំប្រទល់ព្រៃបម្រុងទុកអចិន្ត្រៃយ៍ ការដាំឈើនៅតាមស្ថានីយផ្សព្វផ្សាយ និងស្តារព្រៃ ឈើ ការចែកកូនឈើជូនប្រជាពលរដ្ឋ និងដាំកូនឈើតាមទីសាធារណៈ និងទីតាំងផ្សេងៗ។ សកម្ម ភាពទាំងអស់នេះ ពិតជាបានឆ្លើយតបទៅនឹងគោលដៅយុទ្ធសាស្រ្តរបស់រាជរដ្ឋាភិបាលក្នុងការ កែទម្រង់វិស័យព្រៃឈើ និងបានឆ្លុះបញ្ចាំងយ៉ាងច្បាស់នូវភាពជោគជ័យនៃការអនុវត្តគោល នយោបាយ និងយុទ្ធសាស្រ្តរបស់រាជរដ្ឋាភិបាលក្រោមការដឹកនាំប្រកបដោយគតិបណ្ឌិត និងឈ្លាសវៃបំផុតរបស់សម្ដេចតេជោ នាយករដ្ឋមន្ត្រី។ ក្រៅពីនេះ ឯកឧត្តមប្រតិភូ ក៏បានលើក ឡើង អំពីបញ្ហាប្រឈមសំខាន់ៗក្នុងការអនុវត្តការងារកន្លងមក រួចបានដាក់ចេញនូវទិសដៅ និងផែនការអនុវត្តបន្តសម្រាប់ឆ្នាំ២០២២ ផងដែរ។ មានមតិសំណេះសំណាលទៅកាន់អង្គពិធី ឯកឧត្តមរដ្ឋមន្ត្រីបានកោតសរសើរ និងវាយតម្លៃខ្ពស់ចំពោះឯកឧត្តមថ្នាក់ដឹកនាំ និងមន្រ្តីរដ្ឋបាលព្រៃឈើគ្រប់ជាន់ថ្នាក់ដែលបានខិតខំបំពេញភារកិច្ចយ៉ាងសកម្មប្រកបដោយស្មារតីទទួលខុសត្រូវ ឈរលើឧត្តមភាពនៃចំណេះ ជំនាញ និងបទពិសោធន៍ល្អៗ ដើម្បីការពារ និងអភិរក្សព្រៃឈើដែលជាសម្បត្តិរបស់ជាតិ។ កិច្ចប្រជុំនេះ ជាឱកាសសម្រាប់យើងទាំងអស់គ្នាចូលរួមពិភាក្សាចែករំលែកទស្សនៈ និងផ្តល់នូវធាតុចូលជាគំនិតថ្មីៗលើលទ្ធផលការងារ កាលានុវត្តភាព និងបញ្ហាប្រឈមផ្សេងៗដែលយើងបានជួបប្រទះក្នុងការអនុវត្តការងារកន្លងមក និងត្រូវរួមគ្នារិះរកគ្រប់មធ្យោបាយ ដើម្បីកំណត់បណ្តាសកម្មភាពជាអាទិភាពឈានឆ្ពោះទៅរកការអភិវឌ្ឍវិស័យព្រៃឈើឱ្យមានការរីកចម្រើនប្រកប ដោយចីរភាព ជាពិសេសនៅក្នុងបរិការណ៍ដែលប្រទេសជាតិយើងកំពុងខិតខំប្រឹងប្រែងស្តារសេដ្ឋកិច្ចរបស់ខ្លួនឡើងវិញ ក្រោយពីវិបត្តិនៃជំងឺកូវីដ-១៩។ សកម្មភាពរួមដែលរដ្ឋបាលព្រៃឈើបានអនុវត្តកន្លង មក បានបង្ហាញឱ្យឃើញពីការយកចិត្តទុកដាក់របស់រដ្ឋបាលព្រៃឈើក្នុងការ អនុវត្តគោល នយោបាយកំណែទម្រង់ស៊ីជម្រៅរបស់រាជរដ្ឋាភិបាលដោយបានដាក់ចេញនូវបទ បញ្ជាសំខាន់ ៣ គឺ៖ ១- ការគ្រប់គ្រងធនធានព្រៃឈើ ព្រៃបម្រុងទុកសម្រាប់ការប្រើប្រាស់ក្នុងស្រុក រួមចំណែកទប់ទល់នឹងគ្រោះរាំងស្ងួត ទឹកជំនន់ ពិសេសការប្រែប្រួលអាកាសធាតុ ការត្រួត ពិនិត្យ និងគ្រប់ គ្រងការធ្វើអាជីវកម្មព្រៃឈើ ២-ការពារធនធានធម្មជាតិ ជីវៈចម្រុះ និងប្រភេទឈើជិតផុតពូជ និង៣- លើកកម្ពស់ការគ្រប់គ្រង និងអភិវឌ្ឍន៍សហគមន៍ព្រៃឈើដោយឆន្ទៈ ម្ចាស់ការ និងតម្លាភាព។ ឆ្លៀតយកឱកាសនេះ ឯកឧត្តមរដ្ឋមន្ត្រីបានរំលេចអំពីសារ:ប្រយោជន៍នៃធនធានព្រៃឈើដែលជាប្រភពធនធានធម្មជាតិដ៏មានតម្លៃ ហើយបាននិងកំពុងចូលរួមលើកកម្ពស់សេដ្ឋកិច្ចជាតិ សេដ្ឋកិច្ចសហគមន៍ព្រៃឈើ រក្សានិរន្តរភាពបរិស្ថាន អេកូធម្មជាតិ និងទេសចរណ៍ ជាប្រព័ន្ធការពារទីជម្រាល ការពារជីវៈចម្រុះ ផ្តល់ជម្រក និងអាហារសម្រាប់ជីវិតរស់នៅរបស់មនុស្ស និងសត្វព្រៃគ្រប់ប្រភេទ។ល។ ដូច្នេះ ការគ្រប់គ្រងធនធានធម្មជាតិទាំងអស់នេះឱ្យបានគង់វង្ស ចីរភាព និងនិរន្តរភាព និងជាពិសេសការខិតខំប្រឹងប្រែងរួបរួមគ្នាទប់ស្កាត់ការកាប់បំផ្លាញព្រៃឈើ ទន្រ្ទានយកដីកាន់កាប់ខុសច្បាប់ ការធ្វើអាជីវកម្មឈើ និងសត្វព្រៃខុសច្បាប់ ការប្រើប្រាស់សម្បទានដីសេដ្ឋកិច្ចខុសពីគោលការណ៍ ភាពឆកល្វែងនៃការអនុវត្តច្បាប់ស្តីពីព្រៃឈើ និងលិខិតបទដ្ឋាន គតិយុត្តពាក់ព័ន្ធ។ល។ ទាំងអស់នេះគឺជាកម្មវត្ថុដ៏សំខាន់ដែលយើងត្រូវលើកកម្ពស់ស្មារតីទទួល ខុសត្រូវអនុវត្តឱ្យបានខ្ជាប់ខ្ជួន ស៊ីជម្រៅ ទាន់ពេលវេលា និងមានប្រសិទ្ធភាពក្នុងឆ្នាំ២០២២។ ដោយឡែក ការយកចិត្តទុកដាក់ការស្តារព្រៃឈើឡើងវិញតាមគ្រប់រូបភាពគឺជាឆន្ទ:ដ៏ចំបងរបស់រដ្ឋបាលព្រៃឈើដើម្បីធ្វើការគ្រប់គ្រង និងអភិវឌ្ឍន៍គម្របព្រៃឈើបៃតងដោយនិរន្តរភាព ឆ្លើយតប ទៅនឹងតម្រូវការប្រើប្រាស់ឈើក្នុងស្រុកដែលចេះតែកើនឡើងជាលំដាប់ និងចូលរួមលើកកម្ពស់កម្រិតជីវភាពរបស់ប្រជាសហគមន៍ព្រៃឈើ និងកំណើនសេដ្ឋកិច្ចជាតិ។ ឯកឧត្តមរដ្ឋមន្ត្រីបានគូសបញ្ជាក់យ៉ាងច្បាស់ជូនអង្គពិធីជ្រាបថា ពិតណាស់នៅពីក្រោយ សមិទ្ធផលសំខាន់ៗដែលឯកឧត្តមប្រតិភូបានរាយការណ៍ជូនជ្រាបខាងលើ គឺមិនអាចកាត់ផ្តាច់បានពីការខិតខំប្រឹងប្រែង យកចិត្តទុកដាក់ ទទួលខុសត្រូវ និងផ្តល់កិច្ចសហការបានយ៉ាងល្អប្រសើរពីឯកឧត្តមថ្នាក់ដឹកនាំក្រសួង មន្រ្តីក្រោមឱវាទ អន្តរស្ថាប័ន រដ្ឋបាលថ្នាក់ក្រោមជាតិ និងកងកម្លាំងប្រដាប់អាវុធគ្រប់ជាន់ថ្នាក់ដែលបានជួយគាំទ្រ សម្របសម្រួល បានផ្តល់កិច្ចសហការបានយ៉ាងពេញលេញនាពេលកន្លងមក លោកបានវាយតម្លៃខ្ពស់ចំពោះឆន្ទ: និងឧត្តមគតិនេះ ហើយសង្ឃឹម និងជឿជាក់ថាកិច្ចសហប្រតិបត្តិការនេះនឹងបន្តពង្រឹង និងពង្រីកឱ្យកាន់តែល្អប្រសើរថែមទៀត ក្នុងឆ្នាំ២០២២នេះ។ ក្រៅពីចំណុចវិជ្ជមាន យើងដឹង ឃើញ និងព្រមទទួលយកមកដោះស្រាយជាបន្តបន្ទាប់នូវរាល់បញ្ហាជាច្រើនពាក់ព័ន្ធការងារគ្រប់គ្រងធនធានព្រៃឈើឱ្យបានគង់វង្ស និងមានប្រសិទ្ធភាព ដោយប្រើប្រាស់យន្តការដែលមានស្រាប់ និងវិធានការថ្មីៗផ្សេងទៀត និងជា ពិសេសអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន សម្រាប់អនុវត្ដបន្ដក្នុងឆ្នាំ២០២២ ដើម្បីធានាដល់ការពង្រឹងសមត្ថភាពគ្រប់គ្រង និងអភិវឌ្ឍវិស័យព្រៃឈើជាតិប្រកបដោយប្រសិទ្ធភាពខ្ពស់បន្ថែមទៀត។ ឆ្នាំ២០២២ នេះ ឯកឧត្តមរដ្ឋមន្ត្រីជាថ្មីម្តងទៀតបានយកឱកាសនៃការជួបជុំថ្នាក់ទឹកនាំ និងមន្រ្តីគ្រប់ជាន់ថ្នាក់នៃរដ្ឋបាលព្រៃឈើ លោកបានគាំទ្រ និងលើកទឹកចិត្តដល់រដ្ឋបាលមួយនេះឱ្យបង្កើនការយកចិត្តទុកដាក់ និងទទួលខុសត្រូវខ្ពស់លើការបំពេញតួនាទី និងភារកិច្ចឱ្យកាន់តែមាន ប្រសិទ្ធភាព និងទទួលបានជោគជ័យថ្មីៗបន្ថែមទៀត។ ក្នុងខណ:នេះផងដែរ ក្រៅពីអ្វីដែលបានចែងក្នុងផែនការសកម្មភាព និងគោលនយោបាយរួចហើយ ឯកឧត្តមរដ្ឋមន្ត្រីបានក្រើនរំលឹកឱ្យថ្នាកដឹកនាំ និងមន្រ្តីក្រោមឱវាទរដ្ឋបាលព្រៃឈើត្រូវពិនិត្យឡើងវិញលើចំណុចសំខាន់ៗដែលបានផ្តល់ជូនកន្លងមក រួមទាំងអនុសាសន៍មួយចំនួនទៀតសម្រាប់ឆ្នាំនេះ ដើម្បីយកទៅធ្វើជាមូលដ្ឋានគ្រឹះ ជាត្រីវិស័យបង្ហាញផ្លូវ និងជាយុទ្ធសាស្រ្តដើម្បីអនុវត្តការងារ និងដោះ ស្រាយបញ្ហាឱ្យទទួលបានជោគជ័យបន្ថែមទៀតសម្រាប់ឆ្នាំ២០២២។

ឯកឧត្តមរដ្ឋមន្ត្រី វេង សាខុន បានទទួលជួបលោក SANJAY C. KiRLOSKAR នាយក និងអ្នកគ្រប់គ្រងទូទៅក្រុមហ៊ុន A Kirloskar Group Company របស់ឥណ្ឌា និងសហការី ដើម្បីសម្តែងការគួរសម និងពិភាក្សាការងារ
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នៅវេលាម៉ោង ៩:០០ ព្រឹកថ្ងៃពុធ...
ពិធីសម្ពោធដាក់ឱ្យប្រើប្រាស់ប្រព័ន្ធធានាគុណភាពពូជដំណាំ (ប.គ.ព) (Quality Declared Seed-QDS) សម្រាប់ផលិតកម្ម និងអាជីវកម្មគ្រាប់ពូជស្រូវ ក្រោមអធិបតីភាពឯកឧត្តមរដ្ឋមន្រ្តី វេង សាខុន
នាព្រឹកថ្ងៃពុធ ១១កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១១...
ឯកឧត្តមរដ្ឋមន្រ្តី វេង សាខុន បានទទួលជួបឯកឧត្តមឯកអគ្គរដ្ឋទូតនៃសាធារណរដ្ឋឆេក ប្រចាំនៅព្រះរាជាណាចក្រកម្ពុជា និងសហការី ដើម្បីសម្តែងការគួរសម និងពិភាក្សាការងារ
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នៅវេលាម៉ោង ១៥:០០ ថ្ងៃទីព្រហស្បតិ៍...
ឯកឧត្តមរដ្ឋមន្រ្តី វេង សាខុន រួមជាមួយ លោកជំទាវ Carmen Moreno បានចូលរួមទម្លាក់ប្រអប់បេតុងសម្រាប់ជាជម្រកសិប្បនិម្មិត និងទប់ស្កាត់បទល្មើសនេសាទ
នៅថ្ងៃដដែល បន្ទាប់ពីពិធីប្រគល់ទទួលនាវាល្បាតក្រោមហិរញ្ញប្បទានឥតសំណងរបស់សហភាពអឺរ៉ុបនៃកម្មវិធី...
ឯកឧត្តមរដ្ឋមន្ត្រី វេង សាខុន រួមជាមួយ លោកជំទាវ Carmen Moreno បានចូលរួមក្នុងពិធីប្រគល់ទទួលនាវាល្បាតក្រោមហិរញ្ញប្បទានឥតសំណងរបស់សហភាពអឺរ៉ុបនៃកម្មវិធី CAPFISH-Capture និងចូលរួមទម្លាក់ប្រអប់បេតុងសម្រាប់ជាជម្រកសិប្បនិម្មិត...
នាព្រឹកថ្ងៃពុធ ៤កើត ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវនឹងថ្ងៃទី៤ ខែឧសភា...
ឯកឧត្តមរដ្ឋមន្រ្តី វេង សាខុន និងជាប្រធានគណៈកម្មការអន្តរក្រសួងដើម្បីទប់ស្កាត់ និងបង្ក្រាបបទល្មើសនេសាទនៅបឹងទន្លេសាប បានអញ្ជើញដឹកនាំកិច្ចប្រជុំពិភាក្សាលើការ...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាវេលាម៉ោង ១៤:០០ រសៀល ថ្ងៃចន្ទ...
ឯកឧត្តមរដ្ឋមន្រ្តី វេង សាខុន បានទទួលជួបពិភាក្សាការងារជាមួយលោកជំទាវឯកអគ្គរាជទូត ចក្រពភអង់គ្លេសប្រចាំព្រះរាជាណាចក្រកម្ពុជា និងសហការីដើម្បីសម្តែងការគួរសម និង...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ១៤:០០ រសៀលថ្ងៃព្រហស្បតិ៍...
ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីភាពក្នុងពិធីសម្ពោធដាក់ឲ្យដំណើរការជាផ្លូវការរោងចក្រផលិតចំណីសត្វខ្នាតអន្តរជាតិ របស់ក្រុមហ៊ុន ឌី ហឹស្ស ធីអិមអេច
ក្រុមហ៊ុន ឌី ហឹស្ស ធីអិមអេច បានប្រារព្វពិធីសម្ពោធដាក់ឲ្យដំណើរការជាផ្លូវការរោងចក្រផលិតចំណីសត្វខ្នាតអន្តរជាតិ...
ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារជំនាញអញ្ជើញមកការពារសេចក្តីព្រាងច្បាប់ ស្តីពី "ការការពាររុក្ខជាតិ និងភូតគាមអនាម័យ"...
នៅវិមានព្រឹទ្ធសភា នៅវេលាម៉ោង ៨:៣០ ព្រឹកថ្ងៃចន្ទ ១០កើត ខែចេត្រ ឆ្នាំឆ្លូវ...
ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម Christian Berger ឯកអគ្គរដ្ឋទូតនៃសាធារណរដ្ឋសហព័ន្ធអាល្លឺម៉ង់ បានអញ្ជើញជាអធិបតីក្នុងពិធីបើកសិក្ខាសាលាស្តីពី...
នៅសណ្ឋាគារ សូហ្វីតែល នាព្រឹកថ្ងៃព្រហស្បតិ៍ ៦កើត ខែចេត្រ ឆ្នាំឆ្លូវ ត្រីស័ក...
ឯកឧត្តមរដ្ឋមន្ត្រី វេង សាខុន និងលោកស្រីនាយិការធនាគារពិភពលោកប្រចាំនៅកម្ពុជា ព្រមទាំងសហការី បាននាំយកកូនមាន់ និងសម្ភារ:ចិញ្ចឹមមាន់ មកចែកជូនប្រជាពលរដ្ឋចំនួន ២៤គ្រួសារ...
អញ្ជើញចេញពីស្រុកស្ទឹងត្រង់ ឯកឧត្តមរដ្ឋមន្ត្រី និងលោកស្រីនាយិកា ធនាគារពិភពលោកប្រចាំនៅកម្ពុជា...
ឯកឧត្តមរដ្ឋមន្ត្រី វេង សាខុន និងលោកស្រី Maryam Salim នាយិកាធនាគារពិភពលោក (World Bank, WB) ប្រចាំនៅកម្ពុជា បានអញ្ជើញជាអធិបតីក្នុងពិធីចុះកិច្ចព្រម ព្រៀងហិរញ្ញប្បទានឥតសំណងបំពេញប...
នៅព្រឹកថ្ងៃពុធ ៥កើត ខែចេត្រ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៦ ខែមេសា...
ឯកឧត្តមរដ្ឋមន្ត្រី វេង សាខុន និងសហការីបានអញ្ជើញមកពិនិត្យស្ថានីយបណ្តុះកូនឈើព្រៃលិចទឹករបស់ខ័ណ្ឌរដ្ឋបាលជលផលសៀនរាន ស្ថិតនៅភូមិគោករុន ឃុំសសរស្តម្ភ ស្រុកពួក ខេត...
អញ្ញើញចេញពីស្រុកបន្ទាយស្រី ឯកឧត្តមរដ្ឋមន្ត្រី និងសហការីបានអញ្ជើញមកពិនិត្យស្ថានីយបណ្តុះកូនឈើព្រៃលិចទឹករបស់ខ័ណ្ឌរដ្ឋបាលជលផលសៀនរាន...
ឯកឧត្តមរដ្ឋមន្ត្រី វេង សាខុន និងសហការីបានអញ្ជើញមកពិនិត្យកសិដ្ឋានដាំបន្លែជម្រុះ នៅឃុំត្បែង ស្រុកបន្ទាយស្រី ខេត្តសៀមរាប
នៅព្រឹកថ្ងៃអាទិត្យ ២កើត ខែចេត្រ ឆ្នាំឆ្លូវត្រីស័ក ព. ស. ២៥៦៥ ត្រូវនឹងថ្ងៃទី៣...
ឯកឧត្តមរដ្ឋមន្ត្រី វេង សាខុន និងសហការីបានអញ្ជើញចូលពិនិត្យឧបករណ៍ដែលរឹបអូសបានពីបទល្មើសនៅសង្កាត់រដ្ឋបាលជលផលភ្នំក្រោម
កម្មវិធីទី៤៖ តាមផ្លូវមកកាន់ទីរួមខេត្តសៀមរាប ឯកឧត្តមរដ្ឋមន្ត្រី និងសហការីបានអញ្ជើញឈាងចូលពិនិត្យឧបករណ៍ដែលរឹបអូសបានពីបទល្មើសនៅសង្កាត់រដ្ឋបាលជលផលភ្នំក្រោម។...