ពិធីបិទកិច្ចប្រជុំបូកសរុបសភាពការណ៍វិស័យជលផលប្រចាំឆ្នាំ២០២០ និងទិសដៅអនុវត្តការងារ ឆ្នាំ២០២១ និងពិធីប្រកាសតែងតាំង និងការផ្ទេរសម្រួលភារកិច្ចមន្ត្រីរាជការក្រោមឱវាទក្រសួងផងដែរ ដែលពិធីនេះស្ថិតក្រោមអធិបតីភាពឯកឧត្តមរដ្ឋមន្រ្តី វេង សាខុន

ចេញ​ផ្សាយ​ ០៨ កុម្ភៈ ២០២១ 542

នាវេលាម៉ោង ១៥:០០ រសៀលថ្ងៃសុក្រ ៨រោច ខែមាឃ ឆ្នាំជូត ទោស័ក . ២៥៦៤ ត្រូវនឹងថ្ងៃទី០៥ ខែកុម្ភៈ ឆ្នាំ២០២១ នៅទីស្តីការក្រសួងកសិកម្ម រុក្ខាប្រមាញ់ និងនេសាទមានរៀបចំពិធីបិទកិច្ចប្រជុំបូកសរុបសភាពការណ៍វិស័យជលផលប្រចាំឆ្នាំ២០២០ និងទិសដៅអនុវត្តការងារ ឆ្នាំ២០២១ និងពិធីប្រកាសតែងតាំង និងការផ្ទេរសម្រួលភារកិច្ចមន្ត្រីរាជការក្រោមឱវាទក្រសួងផងដែរ ដែលពិធីនេះស្ថិតក្រោមអធិបតីភាពឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខា ប្រមាញ់ និងនេសាទ។ ក្នុងពិធីដ៏មានអត្ថន័យនេះ ក៏មានការអញ្ជើញចូលរួមពីថ្នាក់ដឹកនាំក្រសួង មន្រ្តីរាជការក្រោមឱវាទក្រសួង ភ្ញៀវជាតិ និងអន្តរជាតិ។

ជាបឋម ឯកឧត្តម ពុំ សុថា ដែលទើបទទួលមុខតំណែងថ្មីជាប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល បានធ្វើការប្តេជ្ញាចិត្តថានឹងខិតខំយកអស់កំលាំងកាយ ចិត្ត ប្រាជ្ញាស្មារតី ចំណេះដឹង និងបទពិសោធន៍មកដឹកនាំ និងគ្រប់គ្រងរដ្ឋបាលជលផលឲ្យបានល្អ ស្របតាមគោលនយោបាយនៃការអភិវឌ្ឍវិស័យជលផលរបស់ក្រសួង ក៏ដូចជារបស់រាជរដ្ឋាភិបាល និងជាពិសេសអនុសាសន៍ដ៏ខ្ពស់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ដែលបានណែនាំឲ្យប្រជាពលរដ្ឋ ជាពិសេសក្រសួងឲ្យខិតខំជំរុញ និងលើកទឹកចិត្តបងប្អូនប្រជាកសិករពង្រឹងភាពម្ចាស់ការក្នុងការផលិត ដើម្បីធានាសន្តិសុខស្បៀង ផ្គត់ផ្គង់តម្រូវការទីផ្សារ បង្កើតឱកាសការងារ តាមរយ:ការចិញ្ចឹមត្រីអណ្តែង និងកង្កែបជាលក្ខណគ្រួសារ ក្នុងអំឡុងនៃការរីករាយដាលជាសកលនៃជំងឺឆ្លងកូវីដ-១៩។ ក្នុងពេលតែមួយ ឯកឧត្តមក៏បានរាយការណ៍ជូនអង្គពិធីជ្រាបដោយសង្ខេបផងដែរអំពីសមិទ្ធផលសំខាន់ៗដែលរដ្ឋបាលជលផលសម្រេចបានក្នុងឆ្នាំ២០២០ និងទិសដៅអនុវត្តបន្តនៅឆ្នាំ២០២១ នេះ។ 

នាឱកាសនេះ ក្នុងនាមថ្នាក់ដឹកនាំក្រសួង និងខ្លួនលោកផ្ទាល់ ឯកឧត្តមរដ្ឋមន្ត្រីបានសម្តែងនូវបីតិ 

សោមនស្ស និងអបអរសាទរចំពោះឯកឧត្តម និងមន្ត្រីទាំងអស់ដែលទើបទទួលបានការគាំទ្រ     ពីរាជរដ្ឋាភិបាលប្រគល់ជូនមុខតំណែ និងភារកិច្ចថ្មីនាពេលនេះ។ ឯកឧត្តមរដ្ឋមន្ត្រីក៏បានធ្វើការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងបំពេញភារកិច្ចប្រកបដោយស្មារតីយក ចិត្តទុកដាក់ និងការលះបង់ខ្ពស់របស់ថ្នាក់ដឹកនាំ និងមន្ត្រីរាជការគ្រប់ជាន់ថ្នាក់នៃរដ្ឋបាលជល ផលក្នុងការអនុវត្តគោលនយោបាយ ផែនការអភិវឌ្ឍ ការងារគ្រប់គ្រប់ ស្រាវជ្រាវ បណ្តុះបណ្តាល ផ្សព្វផ្សាយ ការការពារ និងអភិរក្សធនធានធម្មជាតិ កិច្ចសហប្រតិបត្តិការអន្តរជាតិ ការងារទប់ ស្កាត់ និងបង្រ្គាបបទល្មើសជលផល ការអភិវឌ្ឍវិស័យវារីវប្បកម្ម និងសហគមន៍នេសាទ។ល។ ក្នុងរយៈ ពេល១ឆ្នាំកន្លងមកនេះ សម្រេចបានលទ្ធផលគួរជាទីមោទន ហើយនេះពិតជាបានចូលរួមចំណែកក្នុងបុព្វហេតុនៃការអភិវឌ្ឍវិស័យជលផលនៅកម្ពុជាឱ្យមានការរីក ចម្រើនទាំងពេលបច្ចុប្បន្ន និងអនាគត។ ឆ្លៀតយកឱកាសនេះ ដើម្បីជាត្រីវិស័យចង្អុលបង្ហាញ និងបំភ្លឺបន្ថែមដល់ថ្នាក់ដឹកនាំ ព្រមទាំងមន្រ្តីរដ្ឋបាលជលផលគ្រប់ជាន់ថ្នាក់យកទៅដោះស្រាយ កែលម្អ សម្របសម្រួល សហការ និងអនុវត្តភារកិច្ចឲ្យចំទិសដៅ ទាន់សភាពការណ៍ មានប្រសិទ្ធភាព  និងទទួលបានប្រសិទ្ធផលខ្ពស់ស្រប តាមផែនការយុទ្ធសាស្រ្តដែលបានគ្រោងទុកគឺការអភិវឌ្ឍវិស័យជលផលប្រកបដោយចីរភាព និរន្តរភាព បរិយាប័ន្ន និងការប្រែប្រួលអាកាស ធាតុ ឯកឧត្តមរដ្ឋមន្ត្រី បានផ្តល់អនុសាសន៍សំដៅដល់ការដឹកនាំ និងគ្រប់គ្រងរដ្ឋបាលជលផលសម្រាប់ប្រតិភូថ្មី និងផែនការសកម្មភាពអនុវត្តបន្តសម្រាប់ឆ្នាំ២០២១ របស់រដ្ឋបាលជលផលមានជាអាទិ៍៖ 

ទី១. បន្តជំរុញការអភិវឌ្ឍវិស័យវារីវប្បកម្មឱ្យបានសកម្មថែមទៀត ជាពិសេសអនុវត្តអនុសាសន៍ដ៏ថ្លៃថ្លារបស់សម្តេចតេជោ នាយករដ្ឋមន្ត្រី។ ត្រូវបង្កើនសមត្ថភាពអនុវត្ត និងផ្សព្វផ្សាយបច្ចេកទេសវារីវប្បកម្មដល់មន្រ្តី និងប្រជាពលរដ្ឋឱ្យបានកាន់តែប្រសើរឡើងថែមទៀត។ លើកទឹកចិត្ដដល់ផ្នែកឯកជនក្នុងការវិនិយោគ បង្កើតស្ថានីយ៍ ភ្ញាស់កូនត្រីពូជ កសិដ្ឋានចិញ្ចឹមត្រី រោងចក្រផលិតចំណីត្រី រោងចក្រកែច្នៃផល និងផលិតផលជលផល ដើម្បីកាត់បន្ថយការនាំចូល។ សម្រប សម្រួលក្នុងការបង្កើតបណ្តុំកសិករតាមប្រភេទត្រីនៅតាមបណ្តាខេត្តនីមួយៗ និងត្រូវជំរុញការ ស្រាវជ្រាវវារីវប្បកម្មទឹកសាប សមុទ្រ និងអភិវឌ្ឍន៍វារីវប្បកម្មខ្នាតតូច មធ្យម និងធំ។ ត្រូវប្រមូលស្ថិតិវារីវប្បកម្មក្នុងប្រទេស ដើម្បីងាយតម្រង់ទិសក្នុងការអភិវឌ្ឍ ទីផ្សារ និងការផ្គត់ផ្គង់។ 

ទី២. ត្រូវពង្រឹងការទប់ស្កាត់ និងបង្រ្កាបបទល្មើសជលផលឱ្យបានហ្មត់ចត់។ ជំរុញការចុះបញ្ជី ទូកនេសាទសមុទ្រ និងត្រូវមានលិខិតអនុញ្ញាតឱ្យធ្វើអាជីវកម្ម។ ត្រូវពង្រឹងសមត្ថភាពមន្រ្តីអនុវត្តច្បាប់ សហការជាមួយអាជ្ញាធរដែនដី គណៈបញ្ជាការឯកភាពរដ្ឋបាលរាជធានី-ខេត្ត និងស្ថាប័នតុលាការ ដើម្បីទប់ស្កាត់ និងបង្រ្កាបបទល្មើសជលផល។ ត្រូវផ្សព្វផ្សាយអំពីលិខិតគតិយុត្តពាក់ ព័ន្ធនានា និងត្រូវបន្តជំរុញការកែសម្រួលច្បាប់ស្តីពីជលផល និងបទដ្ឋានគតិយុត្តពាក់ព័ន្ធក្នុងបរិបទនៃតំបន់ភាវូបនីយកម្ម ដើម្បីពង្រឹងការអនុវត្តច្បាប់ឱ្យមានប្រសិទ្ធភាពខ្ពស់។ ពង្រឹងកិច្ច សហការឲ្យបានល្អជាមួយដៃគូអភិវឌ្ឍ ជាពិសេសជាមួយសហភាពអឺរ៉ុប ដើម្បីពិនិត្យ ពិភាក្សា   រកដំណោះស្រាយធ្វើយ៉ាងណាដកកាតក្រហមចេញពីកម្ពុជាឲ្យបានឆាប់។ 

ទី៣. សហការជាមួយគណៈបញ្ជាការឯកភាពខេត្ត និងស្រុកជួយទប់ស្កាត់ និងបង្រ្កាបការកាប់រាន ការដុត ការឈូសឆាយ និងការហ៊ុមព័ទ្ធទន្រ្ទានព្រៃលិចទឹក និងព្រៃកោងកាងធ្វើជាកម្មសិទ្ធិក្នុងស្មារតីទទួលខុសត្រូវ និងត្រូវរៀបចំផែនទី បន្តបោះបង្គោលព្រំប្រទល់ឱ្យបានច្បាស់លាស់។

ទី៤. ត្រូវបន្តខិតខំពង្រឹងសមត្ថភាពរបស់សហគមន៍នេសាទ ឱ្យក្លាយជាសហគមន៍នេសាទមានភាពម្ចាស់ការ ដំណើរការល្អ រឹងមាំ សកម្មក្នុងការគ្រប់គ្រង អភិរក្សធនធានជលផលប្រកបដោយប្រសិទ្ធភាព និរន្តរភាព និងមានមុខរបរចម្រុះចិញ្ចឹមជីវិតដើម្បីប្រែក្លាយជាសហគមន៍នេសាទគំរូ និងគ្មានបទល្មើសជលផលតាមរយ:ការជំរុញកិច្ចសហការក្នុងការអនុវត្តគោលនយោបាយវិមជ្ឈការ និងវិសហមជ្ឈការគ្រប់គ្រង អភិវឌ្ឍន៍ និងអភិរក្សធនធានជលផល។ 

ទី៥. ត្រូវយកចិត្តទុកដាក់ការពារកន្លែងអភិរក្សជលផលឱ្យបានគង់វង្សល្អ ដោយបន្តបោះ បង្គោលព្រំប្រទល់កន្លែងអភិរក្សជលផល សាងសង់ស្នាក់ការល្បាត ទម្លាក់ប្រអប់បេតុង រៀបចំក្រុមយាមការពារកន្លែងអភិរក្ស។ ត្រូវយកចិត្តទុកដាក់ជំរុញការដាំព្រៃលិចទឹក និងព្រៃកោងកាង

បន្តការសិក្សាតំបន់កោះ ឬតំបន់ផ្កាថ្ម ស្មៅសមុទ្រ ដែលមានសក្តានុពលខ្ពស់ ដើម្បីបង្កើតជាតំបន់គ្រប់គ្រងជលផលសមុទ្រ។ 

ទី៦. ជំរុញការអភិវឌ្ឍខ្សែច្រវាក់តម្លៃជលផលឱ្យកាន់តែល្អប្រសើរ និងពង្រឹងសមត្ថភាព អង្គភាពជំនាញក្នុងការតាមដាន ត្រួតពិនិត្យគុណភាព សុវត្ថិភាពតាមរយៈការខិតខំកសាងបទដ្ឋានគតិយុត្ដ និងហេដ្ឋារចនាសម្ព័ន្ធដែលចាំបាច់ ពិសេសការយកចិត្តទុកដាក់លើការកសាងសមត្ថភាពរបស់មន្ត្រីជំនាញ។ យកចិត្តទុកដាក់ពង្រឹងសមត្ថភាពរបស់អ្នកពាក់ព័ន្ធក្នុងការអនុវត្តបច្ចេកទេសស្តីពីការអនុវត្តអនាម័យល្អ (GHP) ការអនុវត្តផលិតកម្មល្អ (GMP) និងការអនុវត្តវារីវប្បកម្មល្អ (GAP) ក្នុងទិសដៅលើកកម្ពស់ផលិតកម្មក្នុងស្រុកប្រកបដោយស្តង់ដាគុណភាព សុវត្ថិភាព រួមចំណែកការពារសុខភាពសាធារណៈ និងជំរុញការនាំចេញ។ 

ទី៧. ត្រូវប្រកាន់ខ្ជាប់នូវស្មារតីសាមគ្គីភាព ឯកភាពផ្ទៃក្នុងខ្ពស់ក្នុងការបំពេញភារកិច្ច ទប់ស្កាត់រាល់សកម្មភាពបំបែកបំបាក់ផ្ទៃក្នុង ក៏ដូចជាការគ្រប់គ្រងលើមន្ត្រីរាជការប្រកបដោយសមធម៌ និងយុត្តិធម៌។ ត្រូវអនុវត្តឲ្យបានជាប្រចាំ និងប្រកបដោយប្រសិទ្ធភាពនូវក្រមសីលធម៌មន្ត្រីរាជការលើការគ្រប់គ្រងដឹកនាំក្នុងការបំពេញភារកិច្ចដូចមានចែងក្នុងជំពូកទី៥ មាត្រា៣៣ ដល់មាត្រា៣៨ ក្នុងច្បាប់ស្តីពីសហលន្តិកៈមន្ត្រីរាជការស៊ីវិលនៃព្រះរាជាណាចក្រកម្ពុជា។

ឯកឧត្តមរដ្ឋមន្រ្តី វេង សាខុន បានទទួលជួបលោកស្រី KAMEI Haruko នាយិកាអង្គការ JICA ប្រចាំនៅព្រះរាជាណាចក្រកម្ពុជា
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ៩ព្រឹក ថ្ងៃព្រហស្បតិ៍...
ឯកឧត្តមរដ្ឋមន្រ្តី វេង សាខុន បានទទួលជួបលោកស្រី Ophelie Bourhis នាយិកាទីភ្នាក់ងារបារាំងសម្រាប់ការអភិវឌ្ឍន៍ (AFD) ប្រចាំនៅព្រះរាជាណាចក្រកម្ពុជា
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ៩ព្រឹក ថ្ងៃពុធ...
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីភាពក្នុងពិធីប្រកាសចូលកាន់តំណែងនាយកវិទ្យាស្ថានជាតិកសិកម្មកំពង់ចាម
"ការអភិវឌ្ឍន៍វិស័យកសិកម្ម គឺទាមទារចាំបាប់ត្រូវពង្រឹងគុណភាពអប់រំ ស្រាវជ្រាវ...
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីភាពក្នុងពិធីបិទកិច្ចប្រជុំបូកសរុបលទ្ធផលការងារឆ្នាំ២០២០ និងលើកទិសដៅការងារឆ្នាំ២០២១ របស់អគ្គនាយកដ្ឋានកសិកម្ម
នៅទីស្តីការក្រសួង នារសៀលថ្ងៃអង្គារ ០៥កើត ខែផល្គុន ឆ្នាំជូតទោស័ក ព.ស. ២៥៦៤...
ឯកឧត្តមរដ្ឋមន្រ្តី វេង សាខុន បានទទួលជួបប្រតិភូអញ្ជើញមកពីសភាពាណិជ្ជកម្មអឺរ៉ុបប្រចាំព្រះរាជាណាចក្រកម្ពុជា (European Chamber of Commerce in Cambodia, The EuroCham) ដែលដឹកនាំដោយលោកប្រធាន Tassilo Brinzer
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នៅវេលាម៉ោង ៩:០០ ព្រឹកថ្ងៃអង្គារ...
ពិធីចុះហត្ថលេខាលើកិច្ចសន្យាចំនួន១៦ និងអនុស្សរណៈនៃការយោគយល់គ្នា (MoU) ចំនួន ០២ ស្តីពី "ការផ្គត់ផ្គង់បន្លែសុវត្ថិភាព ដំឡូងមី ផ្លែស្វាយ ផ្លែឱឡឹកសាច់លឿង និងមាន់សាច់" ដែលពិធីដ៏មានសារសំខាន់នេះ...
ដើម្បីជំរុញកំណើនផលិតកម្មកសិកម្ម (បន្លែ ដំឡូងមី ឱឡឹកលឿង ស្វាយ និងមាន់សាច់)...
ពិធីបិទកិច្ចប្រជុំបូកសរុបសភាពការណ៍វិស័យជលផលប្រចាំឆ្នាំ២០២០ និងទិសដៅអនុវត្តការងារ ឆ្នាំ២០២១ និងពិធីប្រកាសតែងតាំង និងការផ្ទេរសម្រួលភារកិច្ចមន្ត្រីរាជការក្រោមឱវាទក្រសួងផងដែរ...
នាវេលាម៉ោង ១៥:០០ រសៀលថ្ងៃសុក្រ ៨រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៥...
ឯកឧត្តមរដ្ឋមន្ត្រី វេង​​ សាខុន និងសហការី បានអញ្ជើញមកពិនិត្យ និងវាយតម្លៃលើវឌ្ឍនភាពនៃការអភិវឌ្ឍន៍សប្បទានដីសេដ្ឋកិច្ចរបស់ក្រុមហ៊ុន Binhphuoc Kratie Rubber2 Company Limited និងក្រុមហ៊ុន Eastern...
ឆ្លងចូលថ្ងៃទី៥ គឺជាថ្ងៃចុងក្រោយនៃដំណើរបេសកកម្មរយ:ពេល ៥ថ្ងៃ របស់ឯកឧត្តមរដ្ឋមន្រ្តី...
ឯកឧត្តមរដ្ឋមន្ត្រី វេង សាខុន និងសហការីបានអញ្ជើញមកពិនិត្យចម្ការបន្លែ និងចូលរួមសកម្មភាពចុះប្រមូលផលបន្លែសុវត្ថិភាពរបស់លោក គ្រី ម៉េងឈាង នៅក្រុងសែនមនោរម្យ
ចេញកម្មវិធីទី១ ឯកឧត្តមរដ្ឋមន្ត្រី និងសហការី បានអញ្ជើញមកពិនិត្យចម្ការបន្លែសុវត្ថិភាពរបស់លោក...
ឯកឧត្តមរដ្ឋមន្ត្រី វេង សាខុន បានអញ្ជើញចុះពិនិត្យបណ្តុំផលិតបន្លែតាមស្តង់ដាសុវត្ថិភាព ពិនិត្យស្ថានភាពដាំដុះបន្លែរបស់កសិករនៅក្នុងក្រុងសែនមនោរម្យ
តាមកម្មវិធីដែលបានគ្រោងទុក ថ្ងៃនេះជាថ្ងៃទី៤ នៃដំណើរបេសកកម្មរបស់ឯកឧត្តមរដ្ឋមន្រ្តី...
ឯកឧត្តមរដ្ឋមន្ត្រី វេង សាខុន និងជាអនុប្រធានក្រុមការងារ បានអញ្ជើញជាអធិបតីភាពក្នុងពិធីវេទិការជាតិអេកូទេសចរណ៍លើកទី២
នៅលើទឹកដីអង្គរខេត្តសៀមរាប នាព្រឹកថ្ងៃពុធ ១៤កើត ខែមាឃ ឆ្នាំ ជូត ទោស័ក ព.ស...
ឯកឧត្តមរដ្ឋមន្ត្រី វេង សាខុន បានបន្តដំណើរមកវាយតម្លៃលើវឌ្ឍនភាពនៃការអភិវឌ្ឍសហគមន៍ព្រៃឈើព្រៃហ៊ុំ ដែលមានទីតាំងនៅក្នុងភូមិសង្គម ឃុំដំរីស្លាប់ ស្រុកកំពង់ស្វាយ
នៅក្នុងខេត្តកំពង់ធំ នៅរសៀលថ្ងៃដដែល ចេញពីកសិដ្ឋានចិញ្ចឹមត្រី ឯកឧត្តមរដ្ឋមន្ត្រីអមដំណើរដោយ...
ឯកឧត្តមរដ្ឋមន្រ្តីបានអញ្ជើញចុះមកពិនិត្យកសិដ្ឋានចិញ្ចឹមត្រីរបស់លោក សុខ រ៉ាដែន ប្រធានសមាគមវារីវប្បករកម្ពុជា នៅភូមិស្មោ ឃុំកំពង់ថ្ម ស្រុកសន្ទុក
តាមផ្លូវទៅកាន់ខេត្តកំពង់ធំ ខេត្តសៀមរាប ខេត្តក្រចេះ និងខេត្តមណ្ឌលគីរី ក្នុងដំណើរបេសកកម្មរយ:ពេល...
ឯកឧត្តមរដ្ឋមន្ត្រី និងសហការី បានបន្តមក ពិនិត្យកសិដ្ឋានចិញ្ចឹមត្រីប្រា ពោ អណ្តែង និងត្រីឆ្តោ របស់លោក លក លឿង
កម្មវិធីទី២ នៅខេត្តកំពចាមដដែល ចេញពីស្រុកបាធាយ ឯកឧត្តមរដ្ឋមន្ត្រី លោក និងសហការី...
ឯកឧត្តមរដ្ឋមន្រ្តី វេង សាខុន និងសហការីបានអញ្ជើញមកពិនិត្យកសិដ្ឋានចិញ្ចឹមត្រីរបស់លោក ផាន់ ភិរម្យ ស្ថិតនៅភូមិសង្កើប ឃុំសំបូរ ស្រុកបាធាយ ខេត្តកំពង់ចាម
នៅព្រឹកថ្ងៃសៅរ៍ ១០កើត ខែមាឃ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៣ ខែមករា...