ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីក្នុងពិធីស្តីពី "ទិវាពិភពលោកប្រយុទ្ធប្រឆាំងនឹងការធ្លាក់ចុះគុណភាពដី និងគ្រោះរំាងស្ងួត ឆ្នាំ២០២០"

ចេញ​ផ្សាយ​ ៣០ មិថុនា ២០២០ 249

នៅព្រឹកថ្ងៃអង្គារ ១០កើត ខែអាសាឍ ឆ្នាំជូត ទោស័ក .. ២៥៦៤ ត្រូវនឹងថ្ងៃទី៣០ ខែមិថុនា ឆ្នាំ២០២០ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីស្តីពី "ទិវាពិភពលោកប្រយុទ្ធប្រឆាំងនឹងការធ្លាក់ចុះគុណភាពដី និងគ្រោះរំាងស្ងួត ឆ្នាំ២០២០" ដែលបានប្រារព្វនៅភូមិកំពត ឃុំរហ័ស ស្រុករវៀង ខេត្តព្រះវិហារ។ ពិធីនេះក៏មានការអញ្ជើញចូលរួមពីសំណាក់ឯកឧត្តម លោកជំទាវថ្នាក់ដឹកនាំក្រសួង ឯកឧត្តមអភិបាលនៃគណៈអភិបាលខេត្ត្ អាជ្ញាធរថ្នាក់ក្រោមជាតិ តំណាងដៃគូអភិវឌ្ឍន៍ អង្គការជាតិ អន្តរជាតិ មន្រ្តីរាជការគ្រប់ជាន់ថ្នាក់ ក្មួយៗនិសិ្សត និងបងប្អូនប្រជាពលរដ្ឋប្រមាណជាង ២០០នាក់។

មានមតិស្វាគមន៍ ក្នុងនាមអាជ្ញារមូលដ្ឋាន ឯកឧត្តម ប្រាក់ សុវណ្ណ អភិបាលនៃគណៈអភិបាល ខេត្ត បានធ្វើចំណាប់អារម្មណ៍អំពីការចូលរួមយ៉ាងសកម្មក្នុងការផលិតស្បៀង បង្កើនបរិមាណ និងគុណភាព ធានាឲ្យបាននូវការផ្គត់ផ្គង់ក្នុងមូលដ្ឋានរបស់ខេត្ត តាមរយ:ការធ្វើពិពិធកម្មកសិកម្ម ការបង្កើនផលិតភាពផលិតកម្មលើផ្ទៃដីដែលមានស្រាប់ ដោយគិតគូយកចិត្តទុកដាក់ការពារ ថែរក្សា និងបង្កើនគុណភាពដីឲ្យបានសមស្របតាមប្រភេទដំណាំ និងរដូវដាំដុះ ធ្វើយ៉ាងណាសម្របទៅនឹងការប្រែប្រួលអាកាសធាតុ និងចំនួនប្រជាពលរដ្ឋដែលមានការកើនឡើងជាលំដាប់ សមដូចដែលប្រធានបទនៃពិធីនាថ្ងៃនេះបានលើកឡើង។ ឯកឧត្តមក៏បានទាញចំណាប់អារម្មណ៍ពីពិធីនេះផងដែរថា ក្រៅពីផលិតកម្មស្បៀងដែលខេត្តសម្រេចបាន ខេត្តព្រះវិហារក៏នៅមានតំបន់ទេសចរណ៍ធម្មជាតិ និងបេតិកភ័ណ្ឌប្រវត្តិសាស្រ្តរបស់មនុស្សជាតិ និងជាដួងព្រលឹងជាតិខ្មែរ ជា ច្រើនសម្រាប់បម្រើឲ្យអ្នកទេសចរណ៍ជាតិ និងអន្តរជាតិធ្វើដំណើរមកទស្សនាកំសាន្ត ហើយដែលជាប្រភពចំណូលមិនចេះរីងស្ងួតទាំងសម្រាប់គ្រួសារនៅមូលដ្ឋានផ្ទាល់ និងសេដ្ឋកិច្ចជាតិ។ ឆ្លៀត យកឱកាសនេះ ឯកឧត្តមអភិបាល នៃគណអភិបាលខេត្ត តាមរយ:ឯកឧត្តមរដ្ឋមន្ត្រី បានអំពាវ នាវឲ្យវិស័យឯកជនមកសិក្សាពីលទ្ធភាពធ្វើការវិនិយោគលើវិស័យកសិកម្មក្នុងខេត្តព្រះវិហារ ដែលមានសក្តានុពលក្នុងការពង្រីផលិតភាពផលិតកម្មដើម្បីផ្គត់ផ្គង់ក្នុងស្រុក និងនាំចេញ។

ក្នុងនាមថ្នាក់ដឹកនាំក្រសួង ឯកឧត្តមរដ្ឋមន្ត្រីបានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង ប្រកបដោយស្មារតីទទួលខុសត្រូវខ្ពស់របស់រដ្ឋបាលខេត្តព្រះវិហារ និងភាគីពាក់ព័ន្ធ រួមសហការគ្នាជាមួយនាយកដ្ឋានសហប្រតិបត្តិការអន្តរជាតិ រៀបចំព្រឹត្តិការដ៏មានសារសំខាន់នេះឡើងដោយរលូនក្នុងគោលបំណងចូលរួមប្រយុទ្ធប្រឆាំងនឹងការធ្លាក់ចុះគុណភាពដី និងគ្រោះរំាងស្ងួត ឆ្នាំ២០២០ ក្រោមប្រធានបទការផលិត និងប្រើប្រាស់ ស្បៀងអាហារ ចំណីសត្វ និងសរសៃអំបោះ ប្រកបដោយនិរន្តរភាព លោកបាន រំឭកជូនថា ទិវាពិភពលោកប្រយុទ្ធប្រឆាំងនឹងរហោស្ថានកម្ម ឬការធ្លាក់ចុះគុណភាពដី តែងតែប្រារព្ធធ្វើជាសាកលរៀងរាល់ឆ្នាំចាប់ពីឆ្នាំ១៩៩៥ រៀងរហូតមក ក្នុងគោលបំណងបង្កើនចំណាប់អារម្មណ៍របស់មនុស្សជាតិអំពីមូលហេតុចំបងដែលបង្កឲ្យមានបញ្ហាធ្លាក់ចុះគុណភាពដី និងគ្រោះរាំងស្ងួត ព្រមទាំងផលវិបាកផ្សេងៗ ដែលជះឥទ្ធិពលមកលើជីវិតសត្វលោកនៅលើភពផែនដី និងជីវភាពរបស់កសិករនៅតំបន់ជនបទ ដែលពឹងអាស្រ័យលើការងារកសិកម្ម។ ព្រឹត្តិការណ៍នេះបានផ្តល់ឱកាសឱ្យយើងរួមគ្នាគិត និងដំណោះស្រាយបញ្ហានៃការធ្លាក់ចុះគុណភាពដី ដើម្បីឈានឆ្ពោះ ទៅសម្រេចបាននូវសុខុមាលភាព និងសុខភាពរបស់ដី ដែលជាធនធានដ៏ចាំបាច់មិនអាចខ្វះបានក្នុងវិស័យកសិកម្ម។ ម្យ៉ាងទៀត ចំនួនប្រជាជនពិភពលោកបន្តកើនឡើងធ្វើឲ្យមានតម្រូវការដីកសិកម្មដើម្បីផលិតស្បៀងអាហារ ចំណីសត្វ និងសរសៃអំបោះក៏មានការកើនឡើងរហូតមកដល់ ៧០% នាពេលបច្ចុប្បន្ន ដែលដាក់សម្ពាធយ៉ាងធ្ងន់លើផលិតភាព និងនិរន្តរភាពនៃធនធានដីក៏ ដូចជាការធានាសន្តិសុខស្បៀង ការកាត់បន្ថយ និងការបន្ស៉ាំទៅនឹងការប្រែប្រួលអាកាសធាតុ។

ពិធីនានេះមានចេតនាជំរុញ បង្កើនសកម្មភាព និងយុទ្ធនាការជាសកលសំដៅបង្កើនចំណាប់អារម្មណ៍របស់សាធារណជនទាក់ទងនឹងការផលិត បរិភោគ ស្លៀកពាក់ និងរស់នៅ ដែលសុទ្ធតែមានឥទ្ធិពលប៉ះពាល់ជាអវិជ្ជមានដល់ធនធានដី។ ការធ្លាក់ចុះគុណភាពដីដែលនាំឱ្យមានការ ថយចុះ ឬបាត់ផលិតភាពសេដ្ឋកិច្ចនៃដីស្រែ ចម្ការ វាលស្មៅ និងព្រៃឈើ។ល។ តែងតែកើតឡើងដោយសារការបាត់បង់ព្រៃឈើ និងប្រព័ន្ធបរិស្ថានព្រៃឈើ ការធ្វើសកម្មភាពលើសកំណត់ ឬលើសសមត្ថភាពរបស់ដី ការដាំដំណាំតែមួយមុខ ការប្រើជី និងថ្នាំកសិកម្មលើសកម្រិត ឬមិនត្រឹមត្រូវតាមបច្ចេកទេស ការជីកយករ៉ែ ការពង្រីកវិសាលភាពទីប្រជុំជនធំៗ និងជាពិសេសគឺការ ប្រែប្រួលអាកាសធាតុ។ បញ្ហាទាំងអស់នេះ បានធ្វើឲ្យជីវិតមនុស្សជាង ២៥០លាននាក់ បាននិងកំពុងទទួលរងនូវផលប៉ះពាល់តាមរយ:ការធ្លាក់ចុះនូវកំណើនសេដ្ឋកិច្ច ប៉ះពាល់ដល់សកម្មភាពសង្គម និងបរិស្ថាន ដែលវិបត្តិទាំងអស់នេះបានទាក់ទាញចំណាប់អារម្មណ៍ពីសហគមន៍ជាតិ និងអន្តរជាតិឲ្យងាកមកគិតគូ ដោយស្រាយបញ្ហានេះឲ្យបានគ្រប់ជ្រុងជ្រោយ ទាន់ពេលវេលា និងមានប្រសិទ្ធភាពខ្ពស់ តាមរយ:ធ្វើការសិក្សាស្រាវជ្រាវ តាមបែបវិទ្យាសាស្រ្ត ការដាំឈើឡើងវិញដើម្បីទប់ស្កាត់ការហូរច្រោះគុណភាពដីស្រទាប់ខាងលើ ការកាត់បន្ថយការប្រែប្រួលអាកាសធាតុ ការប្រើប្រាស់ឈើដាំ ជំនួសឈើធម្មជាតិ ការរក្សាជីវចម្រុះ ការដាំដំណាំឆ្លះ ការកាត់បន្ថយការប្រើថ្នាំ និងជីកសិកម្ម ការកាយ រុករករ៉ែ ការគ្រប់គ្រង និងប្រើប្រាស់ទឹកមិនបានត្រឹមត្រូវ ការឈួសឆាយដីព្រៃដោយមិនធ្វើការដាំដុះឈើ ឬដំណាំឡើងវិញ និងការទុកដីកសិកម្មទំនេរចោល។ល។ ឯកឧត្តមរដ្ឋមន្ត្រី បានបញ្ជាក់បន្ថែមទៀតថាដីគឺជាជីវិតមនុស្ស សត្វ និងរុក្ខជាតិ មានដីប្រកប ដោយគុណភាព ទើបការអភិវឌ្ឍវិស័យកសិកម្មមានចីរភាព និងនិរន្តរភាព ធានាបានសន្តិសុខស្បៀង ការកាត់បន្ថយភាពក្រីក្រ ការកាត់បន្ថយ និងការបន្ស៊ាំទៅនឹងឥទ្ធិពលនៃការប្រែប្រួលអាកាសធាតុ ការរក្សាធនធានទឹក និងថាមពល ការជំរុញកំណើនប្រកបដោយបរិយាប័ន្ន។

ក្នុងនាមប្រទេសហត្ថលេខីនៃអនុសញ្ញាសហប្រជាជាតិទប់ស្កាត់រហោស្ថានកម្ម ឬឱនភាពដី នៅថ្ងៃទី១៥ ខែតុលា ឆ្នាំ១៩៩៤ ក្រសួងកសិកម្ម រុក្ខាប្រមាញ់ និងនេសាទ មានកាតព្វកិច្ចចូលរួម និងសហការជាមួយពិភពលោក អនុវត្តសកម្មភាពនានាដែលមានចែងក្នុងអនុសញ្ញានេះ ដើម្បីប្រយុទ្ធប្រឆាំង ឬទប់ស្កាត់រហោស្ថានកម្ម ឬការធ្លាក់ចុះគុណភាពដីយ៉ាងពេញលេញ និងខ្ជាប់ខ្ជួន ក្នុងបំណងចំបងថែរក្សាបរិស្ថាន ជីវៈចម្រុះ និងធនធានធម្មជាតិ។ ជាក់ស្តែង ក្រសួងបានរៀបចំពិធីនេះរៀងរាល់ឆ្នាំ ហើយកាលពីឆ្នាំ២០១៩ បានប្រារព្ធទិវានេះនៅសហគមន៌ព្រៃឈើដំណាក់អ្នកតាថ្មពួន ភូមិព្រៃយ៉ាវ ឃុំស្រែក្នុង ស្រុកជុំគីរី ខេត្តកំពត ក្រោមប្រធានបទសូមឱ្យមានភាពរីកចម្រើនទាំងអស់គ្នានៅពេលអនាគត ដើម្បីចូលរួមអបអរសាទរនៃការប្រារព្វពិធីនេះ និងដើម្បីពញ្ញាក់ស្មារតីឲ្យជនរួមជាតិងាកមកចាប់អារម្មណ៍ និងយកចិត្តទុកដាក់ខ្ពស់ទ្វេឡើងថែមទៀតលើប្រធានបទខាងលើ ឯកឧត្តមរដ្ឋមន្ត្រីបានជូនអនុសាសន៍បន្ថែមក្រៅពីអនុសាសន៍ដែលបានជូនកាលពីឆ្នាំកន្លងមកជារួមទាក់ទងនឹង៖ -ការប្រើប្រាស់ដីកសិកម្ម និងទឹកក្នុងភាពទទួលខុសត្រូវខ្ពស់ វៃឆ្លាត បន្ស៊ាំទៅនឹងការប្រែប្រួលអាកាសធាតុ -វិធានការនានា ដើម្បីកាត់បន្ថយការបំផ្លាញគុណភាពដី ការប្រើប្រាស់ដីគ្មាននិរន្តរភាព និងការបំផ្លាញប្រព័ន្ធអេកូឡូស៊ី - ចូលរួមទប់ស្កាត់ការរិចរិល ការធ្លាក់ចុះគុណភាពដី ការធ្វើកសិកម្មតាមបែបប្រពលវប្បកម្មចម្រុះ ទទួលខុសត្រូវក្នុងការគ្រប់គ្រងដីឲ្យមាននិរន្តរភាព ដើម្បីលើកកម្ពស់ជីវភាពរស់នៅ - ចូលរួមដាំដើមឈើ ដាំដំណាំឆ្លះដើម្បីលើកកម្ពស់ និងថែរក្សាគុណភាពដី។ល។

ឯកឧត្តមរដ្ឋមន្ត្រី វេង សាខុន បានចូលរួមជាអធិបតីក្នុងកិច្ចប្រជុំតុមូល ស្តីពី ផលិតកម្មចំណីសត្វសម្រាប់ឧស្សាហកម្មក្នុងស្រុក និងកសិដ្ឋាន ក្រោមអធិបតីភាព ឯកឧត្តមកិត្តិសេដ្ឋាបណ្ឌិត...
នៅព្រឹកថ្ងៃចន្ទ ១៤កើត ខែស្រាពណ៍ ឆ្នាំជូត ទោស័ក ពស.២៥៦៤ ត្រូវនឹងថ្ងៃទី០៣ ខែសីហា...
ឯកឧត្តមរដ្ឋមន្រ្តី វេង សាខុន បានអញ្ជើញអមដំណើរឯកឧត្តមឧបនាយករដ្ឋមន្ត្រី ជា សុផារ៉ា ចុះមកផ្តល់កំលាំងចិត្ត និងផ្តល់គោលការណ៍ណែនាំសំខាន់ៗមួយចំនួនឲ្យដល់ក្រុមការងារអន្តរក្រសួង...
ឆ្លងចូលថ្ងៃទី៤ នៃដំណើរបេសកកម្មរបស់ឯកឧត្តមរដ្ឋមន្រ្តីអញ្ជើញមកកាន់ខេត្តមណ្ឌលគីរី...
ឯកឧត្តមរដ្ឋមន្ត្រី បានអញ្ជើញចុះពិនិត្យ និងសាកសួរសុខទុក្ខ និងសួរនាំកសិករពីលទ្ធផលការងារបង្កបង្កើនផលស្រូវដើមរដូវវស្សាឆ្នាំ២០២០ នៅក្នុងឃុំស្រែសង្គម ស្រុកកោះញ...
នៅថ្ងៃដដែល នៅពេលដែលឯកឧត្តមធ្វើដំណើរវិលត្រឡប់មកកាន់ទីរួមខេត្តមណ្ឌលគីរីវិញឯកឧត្តមបានឈប់ចុះពិនិត្យ...
ឯកឧត្តមរដ្ឋមន្ត្រី បានចូលរួមអមដំណើរឯកឧត្តមឧបនាយករដ្ឋមន្រ្តី ជា សុផារ៉ា បានអញ្ជើញមកជួបក្រុមមន្រ្តីសុរិយោដីនៅតាមគោលដៅនៅតាមបណ្តាឃុំ ក្នុងស្រុកកោះញែក ខេត្តមណ្...
នៅវេលាម៉ោង ១ និង៣០ រសៀលថ្ងៃដដែល ឯកឧត្តមរដ្ឋមន្ត្រី បានចូលរួមអមដំណើរឯកឧត្តមឧបនាយករដ្ឋមន្រ្តី...
ឯកឧត្តមរដ្ឋមន្រ្តី វេង សាខុន រួមដំណើរដោយ ឯកឧត្តម ប្រាក់ សុវណ្ណ និងសហការី បានអញ្ជើញចុះជួបសំណេះសំណាលជាមួយប្រជាកសិករ និងចែកតង់ផ្លាស្ទិក កូនត្រីអណ្តែង កូនកង្កែប និងចំណីត្រី...
នៅព្រឹកថ្ងៃអាទិត្យ ៦កើត ខែស្រាពណ៍ ឆ្នាំជូត ទោស័ក ពស២៥៦៤ ត្រូវនឹងថ្ងៃទី២៦...
ឯកឧត្តមរដ្ឋមន្រ្តី វេង សាខុន រួមទាំងឯកឧត្តមអភិបាលខេត្ត បានអញ្ជើញចុះពិនិត្យទីតាំងចិញ្ចឹមទា យកស៊ុត របស់កសិករ សូ យក់សេង
កម្មវិធីចុងក្រោយនៃរសៀលថ្ងៃទី២៥ ខែកក្កដា ឆ្នាំ២០២០ នេះ ឯកឧត្តមរដ្ឋមន្រ្តី...
ឯកឧត្តមរដ្ឋមន្រ្តី និងឯកឧត្តមអភិបាលនៃគណៈអភិបាលខេត្តបានអញ្ជើញបន្តចុះពិនិត្យ ចំការដំណាំត្រសក់ផ្អែម ឪឡឹកលឿង របស់កសិករ ធួន ព័រ
ក្រោយពីបានជួបសំណេះសំណាល និងពិធីចែកកូនត្រីអណ្តែង កូនកង្កែប និងចំណីជូនកសិករនៅឃុំបុស្បូវ...
ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងសហការី បានអញ្ជើញចុះជួបសំណេះសំណាល និងចែក តង់ កូនត្រីអណ្តែង កូនកង្កែប និង ចំណី ជូនកសិករ ៥០ គ្...
នៅរសៀលថ្ងៃសៅរ៍ ៥កើត ខែស្រាពណ៍ ឆ្នាំជូត ទោស័ក ពស២៥៦៤ ត្រូវនឹងថ្ងៃទី២៥ ខែកក្កដា...
ឯកឧត្តមរដ្ឋមន្រ្តី វេង សាខុន និងលោកជំទាវ ព្រមទាំងសហការី បានឆ្លៀតឱកាសអញ្ជើញចូលទស្សនាការតាំងលក់បន្លែសុវត្ថិភាពនៅផ្សារណាត់ជាប់ដងស្ទឹងសៀមរាប
បន្ទាប់ពីបានចុះពិនិត្យកសិដ្ឋានចិញ្ចឹមកង្កែបនៅស្រុកប្រាសាទបាគងរួចមក ឯកឧត្តមរដ្ឋមន្រ្តី...
ឯកឧត្តមរដ្ឋមន្រ្តី វេង សាខុន រួមដំណើរដោយ ឯកឧត្តមប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋបាលជលផល និងសហការី បានអញ្ជើញចុះពិនិត្យទីតាំងចិញ្ចឹមកង្កែបដើម្បីភ្ញាស់យកកូនលក់...
នៅព្រឹកថ្ងៃសៅរ៍ ៥កើត ខែស្រាពណ៍ ឆ្នាំជូត ទោស័ក ពស២៥៦៤ ត្រូវនឹងថ្ងៃទី២៥ ខែកក្កដា...
ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីភាពក្នុងកិច្ចជំនួបពិភាក្សាជាមួយក្រុមអ្នកស្រាវជ្រាវផ្នែកបច្ចេកវិទ្យា
នៅរសៀលថ្ងៃពុធ ២កើត ខែស្រាពណ៌ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២២ ខែកក្កដា...
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជជាណាចក្រកម្ពុជា បានអញ្ជើញមកចូលរួមភ្ជួររាស់ សាបព្រោះ និងប្រមូលផលស្រូវវស្សាដើមរដូវ និងអញ្ជើញជាអធិបតីដ៏ខ្ពង់ខ្ពស់ក្នុងពិធីសំណេះសំណាលជាមួយសមាជិកសហគមន៍កសិករនៅភូមិពន្ទង...
នាព្រឹកថ្ងៃអង្គារ ១កើត ខែស្រាពណ៏ ឆ្នាំជូត ទោស័ក ព.ស. ២៥៦៤ ត្រូវ នឹងថ្ងៃទី២១...
ឯកឧត្តមរដ្ឋមន្រ្តី បានអញ្ជើញមកធ្វើទស្សនកិច្ចស្វែងយល់អំពីដំណើរការអាជីវកម្មផ្នែកដឹកជញ្ជូន ឃ្លាំងស្តុក ទូត្រជាក់ របស់ក្រុមហ៊ុន Nippon Express Cambodia Co., Ltd
ដើម្បីជំរុញការអភិវឌ្ឍបន្លែសុវត្ថិភាពកម្ពុជាឲ្យទាន់សភាពការបច្ចុប្បន្ន...
ឯកឧត្តមរដ្ឋមន្ត្រី និងសហការីបានបន្តដំណើរមកស្រុកអង្គរបុរី ដើម្បីពិនិត្យកសិដ្ឋានចិញ្ចឹមបង្កង ឃុំអង្គរបុរី
នៅរសៀលថ្ងៃដដែល ឯកឧត្តមរដ្ឋមន្ត្រី និងសហការីបានបន្តដំណើរមកស្រុកអង្គរបុរី...
ឯកឧត្តមរដ្ឋមន្ត្រី និងសហការីបានបន្តដំណើរមកពិនិត្យផលិតកម្មដំណាំបន្លែ របស់កសិករ នៅភូមិចំប៉ា ឃុំចំប៉ា ស្រុកព្រៃកប្បាស
នៅព្រឹកថ្ងៃដដែល ឯកឧត្តមរដ្ឋមន្ត្រី និងសហការីបានបន្តដំណើរមកពិនិត្យផលិតកម្មដំណាំបន្លែ...