កាលពីថ្ងៃសុក្រ ៦កើត ដល់ថ្ងៃច័ន្ទ ៩កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៦ ខែឧសភា ឆ្នាំ២០២០ ដល់ថ្ងៃទី២៩ ខែឧសភា ឆ្នាំ២០២០ មន្រ្តីការិយាល័យលើកកម្ពស់គុណភាព និងសុវត្ថិភាពផលិតផលកសិកម្មនៃនាយកដ្ឋានកាពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្មបានសហការជាមួយមន្រ្តីជំនាញនៃមន្ទីរកសិកម្ម រុក្ខាប្រមាញ់ និងនេសាទ ចុះធ្វើត្រួតពិនិត្យវឌ្ឍនភាពនៃការរៀបចំចម្ការគំរូសម្រាប់ស្តង់ដារការអនុវត្តកសិកម្មល្អកម្ពុជារបស់កសិករក្នុងកម្មវិធី ASPIRE នៅក្នុងខេត្តគោលដៅទាំង៤ រួមមាន៖ ខេត្តបាត់ដំបង កំពង់ឆ្នាំង តាកែវ និងកំពង់ចាម។ យោងតាមលទ្ធផលនៃការចុះត្រួតពិនិត្យលើចម្ការគំរូទាំង៤ ក្រុមការងារបានសង្កេតឃើញថាដំណើរការនៃការរៀបចំហេដ្ឋារចនាសម្ព័ន្ធចម្ការគំរូទាំង៤នេះសម្រេចបានប្រហែល ៧០% -៨៥% នៃផែនការដែលបានកំណត់ ដោយឡែកចំនុចនៅសល់មួយចំនួនទៀត មន្រ្តីនៃការិយាល័យលើកកម្ពស់គុណភាព និងសុវត្ថិភាពផលិតផលកសិកម្មម្ចាស់ចម្ការ និងអ្នកពាក់ព័ន្ធផ្សេងៗទៀតនឹងធ្វើការកែលម្អបន្តទៀតដើម្បីបញ្ចប់ការរៀបចំនេះដោយជោគជ័យ។
