ឯកឧត្តមរដ្ឋមន្ត្រី បានអញ្ជើញជាអធិបតីភាពក្នុងពិធីបើកវគ្គបណ្តុះបណ្តាលដល់មន្ត្រីក្របខណ្ឌថ្មីឆ្នាំ២០១៩

ចេញ​ផ្សាយ​ ២០ មករា ២០២០ 1037

នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃចន្ទ ១១រោច ខែបុស្ស ឆ្នាំកុរ ឯកស័ក ព.ស. ២៥៦៣ ថ្ងៃទី២០ ខែមករា ឆ្នាំ២០២០ បានរៀបចំពិធីបើកវគ្គបណ្តុះបណ្តាលដល់មន្ត្រីក្របខណ្ឌថ្មីឆ្នាំ២០១៩ ក្រោមអធិបតីភាពឯកឧត្តមរដ្ឋមន្ត្រី វេង សាខុន និងមានការអញ្ជើញចូលរួមពីឯកឧត្តមថ្នាក់ដឹកនាំ ឯកឧត្តមទីប្រឹក្សា ឯកឧត្តមអគ្គលេខាធិការ ឯកឧត្តមប្រតិភូ ប្រធាន អនុប្រធាននាយកដ្ឋាន និងមន្រ្តីរាជការក្រោមឱវាទ។ តាមរបាយការណ៍របស់លោក ទី ចាន់ណា ប្រធាននាយកដ្ឋានបុគ្គលិក និងអភិវឌ្ឍន៍ធនធានមនុស្ស បានឱ្យដឹងថាសម្រាប់ឆ្នាំ២០១៩ ក្រសួងបានទទួលមន្រ្តីចំនួន ១២០នាក់ដែលទើបប្រឡងជាប់ក្របខណ្ឌថ្មី ដោយត្រូវបែងចែកទៅតាមអង្គភាពជំនាញ និងមន្ទីរនីមួយៗ។ ឆ្លៀតយកឱកាសនេះ លោកក៏បានរាយការណ៍ជូនអង្គពិធីជ្រាបដោយសង្ខេបផងដែរអំពីលទ្ធផលដែលសម្រេចបាននាឆ្នាំ២០១៩ បញ្ហាប្រឈម និងលើកទិសដៅអនុវត្តការងារបន្តនៅឆ្នាំ២០២០ សម្រាប់នាយកដ្ឋាននេះ។

ឯកឧត្តមរដ្ឋមន្ត្រីបានធ្វើការសំណេះសំណាលជាមួយក្មួយៗដែលជាមន្រ្តីក្របខណ្ឌថ្មី ដោយបានធ្វើការកោតសរសើរ និងវាយតម្លៃចំពោះជ័យលាភីដែលក្មួយៗទើបទទួលបាន ដោយសារការប្រឡងប្រកបដោយតម្លាភាព និងយុត្តិធម៌កាលពីថ្ងៃទី២៧ ខែតុលា ឆ្នាំ២០១៩។ នេះជាទំព័រស័ករាជថ្មីមួយទៀតសម្រាប់ដំណើរជីវិតដែលនឹងក្លាយខ្លួនទៅជាមន្ត្រីសាធារណៈ ហើយផ្លែផ្កាដែល ក្មួយៗទទួលបាននេះ គឺជាស្ពានចម្លងខ្សែជីវិតពីនិស្សិតទៅជាមន្រ្តីសាធារណ:ដែលមានវិជ្ជាជីវៈពិតប្រាកដ ត្រឹមត្រូវ ច្បាស់លាស់ ហើយអាចកសាងអនាគតប្រកបដោយកិត្តិយស និងសេចក្តីថ្លៃថ្នូរ សមជាមន្រ្តីល្អ ពលរដ្ឋល្អក្នុងសង្គមជាតិនាពេលអនាគត។

ឯកឧត្តមរដ្ឋមន្ត្រីបានជម្រាបក្មួយៗថា ដើម្បីអភិវឌ្ឍន៍វិស័យកសិកម្ម គឺចាំបាច់ត្រូវមានធនធាន មនុស្សប្រកបដោយចំណេះដឹង ចំណេះធ្វើ រួមទាំងសីលធម៌វិជ្ជាជីវៈ គុណធម៌ខ្ពស់។ ដូច្នេះ វត្តមានរបស់ក្មួយៗទាំង១២០នាក់ នឹងចូលរួមចែករំលែកជាកំលាំងកាយ ចំណេះដឹង ស្មារតីក្នុងការបម្រើការងារឱ្យអង្គភាពរបស់ខ្លួនផ្ទាល់ ដែលប្រកបដោយសក្តានុពលក្នុងការពន្លឿនដំណើរការអភិវឌ្ឍន៍វិស័យកសិកម្ម។ ហេតុដូចនេះ ដើម្បីប្រែក្លាយខ្លួនជាធនធានមនុស្សពោរពេញដោយសមត្ថភាព ប្រកប ដោយសក្តានុពល និងក្លាយជាទំពាំងស្នងឬស្សីក្នុងពេលអនាគតដ៏ខ្លីនេះ ឯកឧត្តមរដ្ឋមន្ត្រីបានផ្តល់អនុសាសន៍មួយចំនួនដល់មន្ត្រីក្របខណ្ឌថ្មីនេះដែលមានខ្លឹមសារជាអាទិ៍ ៖
ទី១- ត្រូវបន្តអភិវឌ្ឍន៍ខ្លួន ដោយត្រូវខិតខំរៀនសូត្រចំណេះជំនាញ ក្រមសីលធម៌ វិជ្ជាជីវៈ ក្រមប្រតិបត្តិ លិខិតបទដ្ឋានគតិយុត្តរបស់ក្រសួង សហលក្ខន្តិក:មន្រ្តីរាជការ។ល។
ទី២- ត្រូវគោរពច្បាប់រដ្ឋ និងរដ្ឋធម្មនុញ្ញ ដែលជាច្បាប់កំពូលនៃព្រះរាជាណាចក្រកម្ពុជា។ កាតព្វ កិច្ចនៃមន្រ្តីរាជការរាល់រូបមានចែងនៅក្នុងច្បាប់ស្តីពីសហលក្ខន្តិកៈមន្ត្រីរាជការ ជំពូកទី៥ មាត្រា ៣៣ ៣៤ ៣៥ ៣៦ ៣៧ និង៣៨។
ទី៣- ត្រូវប្រកាន់យកភាពថ្លៃថ្នូរ និងមានកិត្តិយស កាតព្វកិច្ច ល័ក្ខការណ៍ គោរពការសម្ងាត់វិជ្ជា ជីវៈ អព្យាក្រឹតក្នុងការងារ ភក្តីភាព គិតគូរ និងការពារឲ្យបាននូវផលប្រយោជន៍ជាតិ សាធារណៈ ក្រសួង និងផលប្រយោជន៍អង្គភាព ជាពិសេសគឺត្រូវចូលរួមចំណែកថែរក្សាការពារសន្តិភាព។
ទី៤- ត្រូវប្រកាន់ខ្ជាប់នូវសាមគ្គីភាពផ្ទៃក្នុងខ្ពស់នៅពេលបំពេញភារកិច្ច សហការគ្នា និងចូលរួមគ្រប់សកម្មភាពដែលផ្តល់ប្រយោជន៍ដល់អង្គភាពខ្លួន ក្រសួង និងប្រទេសជាតិ។

ឆ្លៀតយកឱកាសនេះផងដែរ ឯកឧត្តមរដ្ឋមន្ត្រីបានណែនាំបន្ថែមដល់អង្គភាពជំនាញក្រោមឱវាទក្រសួងទាំងអស់ត្រូវយកចិត្តទុកដាក់ពិចារណា និងអនុវត្តឲ្យបានយ៉ាងសកម្ម និងមានប្រសិទ្ធភាពថែមទៀតតាមចំណុចដូចខាងក្រោម៖
ទី១- គ្រប់អង្គភាពក្រោមឱវាទក្រសួងទវតែពង្រឹង និងកែលម្អដំណើរការនៃការគ្រប់គ្រង និងការអភិវឌ្ឍធនធានមនុស្ស សំដៅប្រែក្លាយធនធានមនុស្សនៅក្នុងវិស័យសាធារណៈឲ្យកាន់តែមានសមត្ថភាព វិជ្ជាជីវៈច្បាស់លាស់ និងប្រសិទ្ធភាពក្នុងការបំពេញការងារ។
ទី២- បន្តធ្វើការកែទម្រង់ឱ្យមានប្រសិទ្ធភាពដោយដាក់ចេញនូវក្របខណ្ឌយុទ្ធសាស្រ្ត ផែនការសកម្មភាព និងការរៀបចំប្រព័ន្ធតាមដានត្រួតពិនិត្យមានភាពប្រទាក់ក្រឡាគ្នា គ្រប់ជ្រុងជ្រោយ និងសង្គតិភាព។ បន្ដកិច្ចសហប្រតិបត្ដិការល្អជាមួយអាជ្ញាធរមូលដ្ឋាន ស្ថាប័នជំនាញពាក់ព័ន្ធគ្រប់លំដាប់ថ្នាក់ និងដៃគូអភិវឌ្ឍន៍កសិកម្មនានាឱ្យបានល្អប្រសើរ។
ទី៣- ត្រូវពង្រឹងសាមគ្គីភាពផ្ទៃក្នុងខ្ពស់នៅពេលបំពេញភារកិច្ចព្រម ទាំងប្រគល់ការងារតាមសមត្ថភាព និងទប់ស្កាត់រាល់សកម្មភាពបំបែកបំបាក់ផ្ទៃក្នុងរបស់យើង ក៏ដូចជាការគ្រប់គ្រងលើមន្ត្រីរាជការប្រកបដោយយុត្តិធម៌។ ត្រូវជៀសវាងនូវការបំបែកបំបាក់ផ្ទៃក្នុង និងមិនកេងចំណេញយកផលប្រយោជន៍សម្រាប់បុគ្គលខ្លួន។ ត្រូវចងចាំជានិច្ចនូវអនុសាសន៍របស់ សម្តេចតេជោ ហ៊ុន សែន ទាំង១១ចំណុច ដែលតែងតែក្រើនរំឭកថា ជាតិជាមន្រ្តីដែលល្អ គឺត្រូវធ្វើអ្វីខ្លះ?
ទី៤- ត្រូវបង្កើនការយកចិត្តទុកដាក់និងទទួលខុសត្រូវខ្ពស់ក្នុងការដំឡើងថ្នាក់ ឋានន្តរស័ក្តិ និងគ្រឿងឥស្សរិយយសជូនមន្រ្តីរាជការក្រោមឱវាទ។ ទន្ទឹមនឹងនេះ គ្រប់អង្គភាព ត្រូវខិតខំលើក ទឹកចិត្តដល់មន្រ្តីរាជការដែលបានខិតខំបន្តការសិក្សា។
ទី៥- ប្រធានគ្រប់អង្គភាពត្រូវយកចិត្តទុកដាក់និងពិនិត្យ តាមដាន រាល់លិខិតណែនាំ សារាចរ ឬ លិខិតនានារបស់ក្រសួងកសិកម្ម រុក្ខាប្រមាញ់ និងនេសាទ ដែលបានដាក់ចេញឲ្យអនុវត្ត ជា ពិសេស គ្រប់អង្គភាពទាំងអស់ ជារៀងរាល់ឆ្នាំ ត្រូវរៀបចំផែនការបណ្តុះបណ្តាលធនធានមនុស្ស និងធ្វើរបាយការណ៍ស្ថិតិមន្ត្រីរាជការចូលរួមវគ្គបណ្តុះបណ្តាលក្នុងនិងក្រៅប្រទេស។

សូមជម្រាបផងថា វគ្គបណ្តុះបណ្តាលនេះមានរយ:ពេល ៤ថ្ងៃ ដែលនឹងលើកយកប្រធានបទ សំខាន់ៗមកធ្វើបទបង្ហាញដល់មន្ត្រីរាជការក្របខណ្ឌថ្មីនេះយល់ដឹងអំពី ៖
- តួនាទី និងបេសកកម្មរបស់ក្រសួងកសិកម្ម រុក្ខាប្រមាញ់ និងនេសាទ
- រចនាសម្ព័ន្ធដឹកនាំនិងគ្រប់គ្រងរបស់ក្រសួង
- តួនាទី ភារកិច្ចរបស់អង្គភាពនីមួយៗក្រោមឱវាទក្រសួងកសិកម្ម រុក្ខាប្រមាញ់ និងនេសាទ
- សិទ្ធិ កាតព្វកិច្ច និងឋានានុក្រមរដ្ឋបាលនៅក្នុងការបំពេញការងារ
- ច្បាប់ និងបទប្បញ្ញាត្តិផ្សេងៗ ដែលមន្ត្រីរាជការត្រូវតែស្វែងយល់ និងគោរពដាច់ខាត។

ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងពិធីបិទកិច្ចប្រជុំបូកសរុបលទ្ធផលការងារឆ្នាំ២០១៩ និងលើកទិសដៅការងារឆ្នាំ២០២០ របស់អគ្គនាយកដ្ឋានកសិកម្ម
នៅទីស្តីការក្រសួងកសិកម្មរុក្ខាប្រមាញ់ និងនេសាទ នៅព្រឹកថ្ងៃព្រហស្បតិ៍...
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងពិធីប្រគល់ជ័យលាភីសហគមន៍កសិកម្មឆ្នើមឆ្នាំ២០២០ និងពិធីប្រកាសទទួលស្គាល់សម្ព័ន្ឋសហគមន៍កសិកម្មកម្ពុជា
នៅទីស្តីការក្រសួងកសិកម្មរុក្ខាប្រមាញ់ និងនេសាទ នៅរសៀលថ្ងៃអង្គារ ៣កើត ខែផល្គុន...
ឯកឧត្តមរដ្ឋមន្រ្តី វេង សាខុន បានទទួលជួបលោក Yuichi Sugano (Chief Representative, JICA Cambodia) និង លោក NAKADA Shunichi (Senior Advisor of Agriculture Policy, Rural Development Department of JICA in Japan) និងសហការីដើម្បីសម្តែងការគួរសម
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ១០ព្រឹក ថ្ងៃអង្គារ...
ឯកឧត្តមរដ្ឋមន្ត្រី វេង សាខុន បានអនុញ្ញាតឲ្យលោកនាយកប្រតិបត្តិនៃអង្គការ AFoCo និងសហការី ចូលជួបពិភាក្សាការងារដើម្បីពង្រឹង និងពង្រីកកិច្ចសហប្រតិបត្តិការលើវិស័យព្រ...
បន្ទាប់ពីពិធីប្រគល់-ទទួលរថយន្តពន្លត់អគ្គីភ័យដែលជាអំណោយរបស់ស្ថាប័នសេវាកម្មព្រៃឈើកូរ៉េនៃសាធារណៈរដ្ឋកូរ៉េ...
ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងឯកឧត្តមឯកអគ្គរដ្ឋទូតនៃសាធារ ណរដ្ឋកូរ៉េ បានអញ្ជើញជាអធិបតីក្នុងពិធីប្រគល់-ទទួលរថយន្តពន្លត...
នៅវិទ្យាស្ថានស្រាវជ្រាវ និងអភិវឌ្ឍន៍ព្រៃឈើ-សត្វព្រៃ នារសៀលថ្ងៃចន្ទ ២កើត...
ឯកឧត្តមរដ្ឋមន្ត្រី វេង សាខុន បានអនុញ្ញាតឱ្យលោកស្រី Olga Reuvekamp, MBA (Executive Director Minnesota Agriculture and Rural Leadership (MARL) និងសហការី ចូលជួបដើម្បីសម្តែងការគួរសម និងពិភាក្សាការងារ
នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង១៤:៣០ រសៀលថ្ងៃសុក្រ...
កិច្ចប្រជុំបូកសរុបលទ្ធផលការងារឆ្នាំ២០១៩ និងទិសដៅអនុវត្តឆ្នាំ២០២០ នៅអគ្គនាយកដ្ឋានសុខភាពសត្វ និងផលិតកម្មសត្វ ក្រោមអធិបតីភាពឯកឧត្តមរដ្ឋមន្រ្តី វេង សាខុន
នៅអគ្គនាយកដ្ឋានសុខភាពសត្វ និងផលិតកម្មសត្វ នារសៀលថ្ងៃពុធ ១១រោច ខែមាឃ ឆ្នាំកុរ...
សិក្ខាសាលាស្តីពីការ "ការពិនិត្យវឌ្ឍនភាព និងផ្សព្វផ្សាយការងារកំណែទម្រង់វិមជ្ឈការ និងវិសហមជ្ឈការ វិស័យកសិកម្ម រុក្ខាប្រមាញ់ និងនេសាទ" ក្រោមអធិបតីភាពឯកឧត្តមរដ្ឋមន្ត្រី...
នៅទីស្តីការក្រសួង នាព្រឹកថ្ងៃពុធ ១១រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩...
ឯកឧត្តមរដ្ឋមន្រ្តី វេង សាខុន បានអនុញ្ញាតឲ្យ Dr. Buyung Hadi តំណាងអង្គការ IRRI ប្រចាំកម្ពុជាចូលជួបសម្តែងការគួរសម
នៅទីស្តីការក្រសួងកសិកម្មរុក្ខាប្រមាញ់ និងនេសាទនារសៀលថ្ងៃអង្គារ ១០រោច...
ឯកឧត្តមរដ្ឋមន្រ្តី វេង សាខុន បានអនុញ្ញាតឱ្យលោកស្រី Ophelie BOURHIS នាយិកាថ្មីដែលទើបត្រូវបានតែងតាំងនៃទីភ្នាក់ងារបាំរាំងសម្រាប់ការអភិវឌ្ឍន៍ (AFD) ថ្មីប្រចាំកម្ពុជា លោក Christain FUSILLIER...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃព្រហស្បតិ៍ ៥រោច...
កិច្ចប្រជុំ ពិនិត្យ និងពិភាក្សាលើ “របាយការណ៍វឌ្ឍនភាព បញ្ហាប្រឈម និងទិសដៅបន្ត ក្នុងការអនុវត្តផលិតកម្មកសិកម្មតាមកិច្ចសន្យា” សម្រាប់ឆមាសទី២ ឆ្នាំ២០១៩ ក្រោមអធិបតីភាព...
នៅសណ្ឋាគារភ្នំពេញ នាព្រឹកថ្ងៃព្រហស្បតិ៍ ៥រោច ខែមាឃ ឆ្នាំកុរ ឯកស័ក ព.ស. ២៥៦៣...
កិច្ចប្រជុំក្រុមការងារផ្នែកស្រូវ-អង្ករ (ក្រុម "ឈ") ក្រោមអធិបតីភាពឯកឧត្តមរដ្ឋមន្រ្តី វេង សាខុន និងឯកឧត្តម សុខ ពុទ្ធីវុធ សហប្រធានក្រុម “ឈ”
នៅទីស្តីការក្រសួងកសិកម្ម រុក្ខាប្រមាញ់ និងនេសាទ អគារផ្ការំដួល សាលប្រជុំសែនពិដោរ...
ឯកឧត្តមរដ្ឋមន្ត្រី វេង សាខុន និងឯកឧត្តមឧកញ៉ាបណ្ឌិត ម៉ុង ឬទ្ធី សហប្រធានក្រុម “ក” បានដឹកនាំកិច្ចប្រជុំក្រុមការងារផ្នែកកសិកម្ម កសិ-ឧស្សាហកម្ម ( ក្រុម"ក" ) នៃវេទិការរ...
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃអង្គារ ៣រោច...
ឯកឧត្តមរដ្ឋមន្រ្តី វេង សាខុន បានទទួលជួបឯកឧត្តម W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា ដឹកនាំប្រតិភូអញ្ជើញមកពីក្រុមហ៊ុននាំមុខធំៗផ្នែកវិស័យកសិកម្មនៅសហរដ្ឋអាមេរិកចូលជួបសំដែងការគួរសម...
នៅទីស្តីការក្រសួង វេលាម៉ោង ១៥:៣០ រសៀលថ្ងៃព្រហស្បតិ៍ ១៣កើត ខែមាឃ ឆ្នាំកុរ...
ពិធីបិទកិច្ចប្រជុំបូកសរុបលទ្ធផលការងារឆ្នាំ២០១៩ និងទិសដៅអនុវត្តឆ្នាំ២០២០ ដែលពិធីនេះស្ថិតក្រោមអធិបតីភាពឯកឧត្តមរដ្ឋមន្រ្តី វេង សាខុន
នៅអគ្គនាយកដ្ឋានកៅស៊ូ នាព្រឹកថ្ងៃព្រហស្បតិ៍ ១៣កើត ខែមាឃ ឆ្នាំកុរ ឯកស័ក ព.ស...