ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីភាពក្នុងពិធីបិទកិច្ចប្រជុំបូកសរុបលទ្ធផលការងារវិស័យជលផលដែលសម្រេចបាននាឆ្នាំ២០១៩ និងទិសដៅអនុវត្តឆ្នាំ២០២០

ចេញ​ផ្សាយ​ ២០ មករា ២០២០ 1256

ទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃសុក្រ ៨រោច ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៧ ខែមករា ឆ្នាំ២០២០ រដ្ឋបាលជលផលបានរៀបចំពិធីបិទកិច្ច ប្រជុំបូកសរុបលទ្ធផលការងារវិស័យជលផលដែលសម្រេចបាននាឆ្នាំ២០១៩ និងទិសដៅអនុវត្តឆ្នាំ២០២០ ដែលពិធីនេះស្ថិតក្រោមអធិបតីភាពឯកឧត្តមរដ្ឋមន្ត្រី វេង សាខុន ព្រមទាំងឯកឧត្តម លោកជំទាវ ថ្នាក់ដឹកនាំក្រសួង ថ្នាក់ដឹកនាំ និងមន្រ្តីរដ្ឋបាលជលផល អង្គភាពក្រោមឱវាទ បានអញ្ជើញចូលរួមយ៉ាងច្រើនកុះករ។

ជាកិច្ចចាប់ផ្តើម ឯកឧត្តមរដ្ឋមន្ត្រីបានកោតសរសើរចំពោះការខិតខំប្រឹងប្រែងរបស់ឯកឧត្តម លោក លោកស្រីជាថ្នាក់ដឹកនាំ និងមន្រ្តីរាជការរដ្ឋបាលជលផលទាំងអស់ដែលបានបំពេញភារកិច្ចរបស់ខ្លួនទទួលបានលទ្ធផលគួរជាទីមោទនៈ។ ដោយឡែក កិច្ចប្រជុំបូកសរុបការងាររយៈពេលពីរថ្ងៃនេះ គឺជាឱកាសម្រាប់ឱ្យយើងទាំងអស់គ្នាពិភាក្សាយ៉ាងផុលផុស ចែករំលែក ដកស្រង់បទ ពិសោធន៍ មេរៀនល្អៗ កំណត់បាននូវចំណុចខ្លាំង និងចំណុចខ្សោយ រួចឈានទៅដាក់ចេញនូវផែនការសកម្មភាព និងវិធានការថ្មីៗសម្រាប់អនុវត្តបន្តដើម្បីជាចលករជំរុញវិស័យមួយនេះឱ្យឈានទៅមុខស្របតាមទិសដៅដែលបានកំណត់ និងជាពិសេសឆ្លើយតបទៅនឹងផែនការអភិវឌ្ឍវិស័យកសិកម្ម២០១៩-២០២៣។ ស្តែងចេញពីសមិទ្ធផលនេះ លោកបានវាយតម្លៃខ្ពស់ចំពោះកិច្ចសហការ គាំទ្រ និងជួយឧបត្ថម្ភពីក្រសួង ស្ថាប័នរដ្ឋពាក់ព័ន្ធ អាជ្ញាធរគ្រប់លំដាប់ថ្នាក់ បណ្តាប្រទេសជាមិត្ត ស្ថាប័នហិរញ្ញវត្ថុអន្តរជាតិ អង្គការជាតិ អន្តរជាតិ ដៃគូអភិវឌ្ឍ វិស័យឯកជន និងសហគមន៍នេសាទ ដែលបានរួមចំណែកឧបត្ថម្ភគាំទ្រ ទាំងសម្ភារ បច្ចេកទេស និងថវិកា ដើម្បីចូលរួមជាកំលាំងការពារ គ្រប់គ្រង អភិរក្សធនធានជលផល ព្រៃលិចទឹក បង្ក្រាបបទល្មើស និងជួយបង្កើនផលិតភាពផលិតកម្មវារីវប្បកម្ម ធ្វើឱ្យវិស័យមួយនេះមានការវិវឌ្ឍន៍រីកចម្រើនគួរឱ្យកត់សម្គាល់។

តាមរយៈរបាយការណ៍របស់ឯកឧត្តម អេង ជាសាន ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋបាលជលផល បានបង្ហាញពីលទ្ធផលនៃកិច្ចប្រជុំ ការងារអនុវត្ត និងផ្សព្វផ្សាយច្បាប់ បច្ចេកទេស ការងារស្រាវជ្រាវ អភិរក្ស សហគមន៍ ផលនេសាទទឹកសាប សមុទ្រ និងវារីវប្បកម្ម បញ្ហាប្រឈម បទល្មើស និងសំណូមពរ។ល។ យោងលើសមិទ្ធផលនេះ ឯកឧត្តមរដ្ឋមន្ត្រីបានបង្ហាញសុទិដ្ឋិនិយមថានេះគឺបានមកពីការខិតខំប្រឹងប្រែងយកអស់កំលាំងកាយចិត្ត ស្មារតីទទួលខុសត្រូវរបស់ឯកឧត្តម លោក លោកស្រី នាងកញ្ញាទាំងអស់នាឆ្នាំកន្លងមក ហើយលោកសង្ឃឹម និងជឿជាក់ថាឆ្នាំ២០២០ រដ្ឋបាលជលផលនឹងខិតខំបំពេញភារកិច្ចទ្វេរឡើង ដើម្បីទទួលបានលទ្ធផលកាន់តែល្អប្រសើរថែមទៀត ឈានឆ្ពោះទៅសម្រេចឱ្យបាននូវកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៤។ ឯកឧត្តមរដ្ឋមន្ត្រីបានបញ្ជាក់ច្បាស់ថា ការគ្រប់គ្រងធនធានមច្ឆជាតិឱ្យមាននិរន្ដរភាព គឺជាកិច្ចការមួយដែលមានលក្ខណៈលំបាកស្មុគស្មាញ ដោយ ហេតុថាការប្រែប្រួលអាកាសធាតុ ការប្រែប្រួលភូមិសាស្រ្តទឹក ដី ចំនួនប្រជាជនមានការកើនឡើង សេចក្តីត្រូវការផលចាប់កើនឡើងខ្ពស់ សមត្ថភាពនៃការគ្រប់គ្រង ការការពារ ការស្រាវជ្រាវវិទ្យា សាស្រ្ត ការបង្រ្កាបបទល្មើស ការទន្ទ្រានយកព្រៃលិចទឹកធ្វើជាកម្មសិទ្ធិ ធនធានមនុស្ស ហិរញ្ញវត្ថុ កិច្ចសហការ ការងារអភិរក្ស និងការអភិវឌ្ឍហេដ្ឋារចនាសម្ព័ន្ធពាក់ព័ន្ធនៅមានកម្រិត។ ហេតុដូច្នេះហើយ ឆ្លៀតយកឱកាសនេះ ឯកឧត្តមរដ្ឋមន្ត្រីបានផ្តល់អនុសាសន៍ជូនឯកឧត្តមថ្នាក់ ដឹកនាំ មន្រ្តីក្រោមឱវាទគ្រប់ជាន់ថ្នាក់ត្រូវបង្កើនស្មារតីយកចិត្តទុកដាក់អនុវត្តការងារបន្តដែលពាក់ព័ន្ធជាអាទិ៍ ៖ ការពង្រឹងសាមគ្គីភាព ឯកភាពផ្ទៃក្នុង និងការគោរពវិជ្ជាជីវៈ ការបង្កើនសមត្ថភាពបច្ចេកទេសវារីវប្បកម្ម ពង្រីកការចិញ្ចឹមត្រីពូជក្នុងបឹង ស្រះ ក្នុងស្រែ បង្កើតយន្តការបង្ការ ទប់ស្កាត់ ការបង្រ្កាបបទល្មើស និងការទន្ទ្រានកាន់កាប់ព្រៃលិចទឹកជាកម្មសិទ្ធិ ខិតខំពង្រឹង ពង្រីកសមត្ថភាពគ្រប់គ្រងនិងអភិវឌ្ឍសហគមន៍នេសាទ យកចិត្តទុកដាក់គ្រប់គ្រង ការពារតំបន់អភិរក្សឱ្យបានគង់វង្ស លើកទឹកចិត្ដដល់ផ្នែកឯកជនក្នុងការវិនិយោគលើវិស័យវារីវប្បកម្ម លើកកម្ពស់សមត្ថភាពមន្ទីរ ពិសោធន៍ ការងារស្រាវជ្រាវ និងផ្សព្វផ្សាយ ពង្រឹងការអនុវត្តច្បាប់ លិខិតបទដ្ឋានគតិយុត្ត រៀបចំយុទ្ធសាស្ត្របន្ស៊ាំនឹងបម្រែបម្រួលអាកាសធាតុ ដើម្បីធានាការគ្រប់គ្រង ការការពារប្រកបដោយប្រសិទ្ធភាពខ្ពស់ បន្តចុះបញ្ជិដីសាធារណ:របស់រដ្ឋចៀសវាងការបាត់បង់ ពង្រឹង និងពង្រីកកិច្ច សហការឱ្យបានកាន់តែប្រសើរជាមួយភាគីពាក់ព័ន្ធទាំងអស់។ល។

ឆ្លៀតយកឱកាសនេះផងដែរ ឯកឧត្តមរដ្ឋមន្ត្រីបានរំឭកជូនអង្គពិធីថា ដោយសារសន្តិភាព និងស្ថិរភាពនយោបាយ បានបង្កើតឱកាសសម្រាប់យើងគ្រប់គ្នាដើម្បីធ្វើការអភិវឌ្ឍសង្គម-សេដ្ឋកិច្ច។ ដូច្នេះ យើងគ្រប់ៗត្រូវតែចូលរួមថែរក្សា និងការពារសន្តិភាពឱ្យបានគង់វង្សតរៀងទៅ ។

 

ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីភាពក្នុងពិធីបិទកិច្ចប្រជុំបូកសរុបលទ្ធផលការងារវិស័យជលផលដែលសម្រេចបាននាឆ្នាំ២០១៩ និងទិសដៅអនុវត្តឆ្នាំ២០២០
ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីភាពក្នុងពិធីបិទកិច្ចប្រជុំបូកសរុបលទ្ធផលការងារវិស័យជលផលដែលសម្រេចបាននាឆ្នាំ២០១៩ និងទិសដៅអនុវត្តឆ្នាំ២០២០
ទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃសុក្រ ៨រោច ខែបុស្ស...
វេទិកាសាធារណៈប្រចាំឆ្នាំស្តីពី “កសិកម្ម រុក្ខាប្រមាញ់ នេសាទ និងសម្បទានដីសេដ្ឋកិច្ច” ក្រោមអធិបតីភាពឯកឧត្តមរដ្ឋមន្រ្តី វេង សាខុន
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃចន្ទ ៤រោច ខែបុស្ស...
ការធ្វើផែនការរជ្ជទេយ្យបុរេប្រទាន និងការធ្វើផែនការលទ្ធកម្ម សម្រាប់អនុវត្តថវិកាកម្មវិធី ឆ្នាំ២០២០
នៅព្រឹកថ្ងៃទី០២ ខែធ្នូ ឆ្នាំ២០១៩ នាយកដ្ឋានគណនេយ្យ ហិរញ្ញវត្ថុ បានរៀបចំបើកសិក្ខាសាលាបណ្តុះបណ្តាលស្តីពី...
ប្រព័ន្ធគ្រប់គ្រងដំណើរការឯកសារ (Document Tracking Information System)
នាព្រឹកថ្ងៃសុក្រ ១១រោច​ ខែកក្តិកឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២២​...
សិក្ខាសាលាពិគ្រោះយោបល់ ស្តីពីការអនុវត្តចំណូលចំណាយរយៈពេល០៩ខែ និងទិសដៅអនុវត្តសមរាប់ត្រីមាសទី៤ របស់រដ្ឋបាលកណ្តាល និងមន្ទីរកសិកម្ម រុក្ខាប្រមាញ់ និងនេសាទ
នាព្រឹកថ្ងៃច័ន្ទ​ ៨រោច​ ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២១​...
កិច្ចប្រជុំជាមួយតំណាងប្រតិភូសហភាពអឺរ៉ុបប្រចាំព្រះរាជាណាចក្រកម្ពុជា
នៅរសៀលថ្ងៃទី ០៤ ខែធ្នូ ឆ្នាំ២០១៨ នៅទីស្តីការក្រសួងកសិកម្ម រុក្ខាប្រមាញ់...
អបអរសាទរ និងគោរពជូនពរ ឯកឧត្តមរដ្ឋមន្ត្រី វេង សាខុនដែលត្រូវបានរាជរដ្ឋាភិបាលកម្ពុជាតែងតាំងជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ សម្រាប់នីតិកាលទី៦...
នៅល្ងាចថ្ងៃពុធ ៣កើត ខែភទ្របទ សំរឹទ្ធិស័ក ព.ស ២៥៦២ ត្រូវនឹងថ្ងៃទី១២ ខែកញ្ញា...
ឯកឧត្តមរដ្ឋមន្រ្តី វេង សាខុន បានអនុញ្ញាតជូនឯកឧត្តម Sudirman Hasengឯកអគ្គរដ្ឋទូតនៃសាធារណរដ្ឋឥណ្ឌូនេស៊ីប្រចាំនៅព្រះរាជាណាចក្រកម្ពុជា ដែលទើបទទួលសារតាំងជាឯកអគ្គរាជទូតថ្មីកាលពីថ្ងៃទី២៥...
នារសៀលថ្ងៃពុធ ១២រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៨...
សិក្ខាសាលាស្តីពី​ "បទពិសោធន៍ការកែទម្រ់ង់ប្រព័ន្ឋហិរញ្ញវត្តុសាធារណៈរបស់ប្រទេសចិន"
ថ្ងៃព្រហស្បត៍ ០២កើត​ ខែបឋមសាធ ឆ្នាំច​ សំរឹទ្ធិស័ក ព.ស២៥៦២ ត្រូវនឹងថ្ងៃទី​...
សិក្ខាសាលាស្តីពី​ “របាយការណ៍អនុវត្តថវិកាឆ្នាំ២០១៧​ និងពិនិត្យ​តាមដានការអនុវត្តថវិកា០៥ខែដើមឆ្នាំ២០១៨​ របស់មន្ទីរកសិកម្ម​ រុក្ខាប្រមាញ់​ និងនេសាទរាជធានី​ ខេ...
ថ្ងៃព្រហស្បត៍ ០៩រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី​ ៧​...
សិក្ខាសាលាស្តីពី ការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០១៨ ដែលបានអនុវត្ត០៤ខែដើមឆ្នាំ ដល់ខេត្តគោលដៅទាំង១១ នៃគម្រោងកម្មវិធី ASPIRE/PADEE(IFAD)
ថ្ងៃព្រហស្បត៍ ១២កើត ខែពិសាខ ឆ្នាំច សំរឹទ្ធិស័ក ព.ស ២៥៦២ នៅសណ្ឋាគារហូលីដេ...