ឯកឧត្តម ងិន ឆាយ៖ កសិករត្រូវរួសរាន់ពិនិត្យស្រែចម្ការ និងចាត់វិធានការកម្ចាត់បន្ទាន់ ក្នុងដំណាក់កាលផ្ទុះការរាតត្បាតនៃដង្កូវហ្វូង

ចេញ​ផ្សាយ​ ២៤ មិថុនា ២០២៤ 195

នៅថ្ងៃទី២៣ ខែមិថុនា ឆ្នាំ២០២៤ ឯកឧត្តម ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានអំពាវនាវទៅដល់ប្រជាកសិករទាំងអស់នៅក្នុងខេត្តកំពង់ស្ពឺ ចុះពិនិត្យស្រែជាប្រចាំ បើជួបប្រទះនឹងដង្កូវហ្វូងកំពុងបំផ្លាញដំណាំស្រូវ ត្រូវរាយការណ៍ឬធ្វើការទាក់ទងទៅអាជ្ញាធរមូលដ្ឋានដែលនៅជិតបំផុត ឬផ្តល់ព័ត៌មានទៅមន្ត្រីកសិកម្មនៅតាមឃុំ-ស្រុក-ខេត្ត ដើម្បីជួយផ្តល់ការណែនាំផ្នែកបច្ចេកទេស ឬវិធីសាស្ត្រនៃការជ្រើសរើសថ្នាំកសិកម្មសម្រាប់បាញ់កម្ចាត់ដង្កូវនោះឱ្យទាន់ពេលវេលា៕